1 Timoti 3:4 - DAWAN BÎLA AISKA

⁴ Witin ai watla uplika ba pain tâ briaia lan kaia sa, bara yaka ai luhpia nani ai bîla wali daukbia bara kasak kulkanka sin bri kabia.

1 Timoti 3:4 ပူးပေါင်းရင်းမြစ်များ

Blasi Sturka 18:19

Yang bui witin ba bâk sakri, ai luhpia bara ai kiamka nani ra sin yang bîli nani ba smalkaia, witin nani bîli wali daukaia, diara yamni bara diara wapni ba daukaia. Bara yang bui witin nani ra dîa pramis munri ba sut daukamna.”

Apastil Nani Sturka 10:2

Witin lika ai watla uplika aikuki Gâd ra sibrin luki mayuni kan. Witin sin lalah uya yaban Ju uplika umpira nani ra hilp munaia, ban sin Gâd ra ai pura suni kan.

Epesus 5:24

bamna maya mairin nani ba diara sut mapa ra ai maya waitna nani ra pain kulki kaia sa, sim serts mita Kraist ra kulki ba baku.

Pilipai 4:8

Bara tnata kat, muihki nani, diara pain bara mayunra briaia aitani ba lukankam ra mangki bris. Diara kasak nani ba, dîa dîa kulki briaia aitani ba, diara wapni nani ba, diara sunu nani ba, dîa dîa upla mita lihki ba bara dîa dîa upla mita pain kulki ba.

1 Timoti 3:12

Serts pura kakaira ba ai maya mairin kumi baman bri kaia sa, bara ai luhpia nani bara ai watla uplika ba sin pain tâ briaia lan kaia.

Taitus 1:6

Serts almukka kum ba, pât kumi sin âpu kaia sa; witin ai maya mairin kumi baman bri kaia sa, bara ai luhpia nani ba lalukra nani kaia sa; baha nani nina ra, saura yan sturka bara upla bîla sip wali daukras sturka sin âpu kaia sa.

Taitus 2:2

Serts almukka waitna nani ra wis, witin nani ba pain luki kabia, ai kupia pain bara ai sinska sin pain bri kabia; kasak lukan lâka, latwan lâka, bara ban bapi buaia lâka sin, witin nani ba yamni kabia.

Taitus 2:7

Man pali mita, diara sut mapa ra tânkam wal witin nani ra lâ mariki bas. Baha nani ra smalkma, kunin âpu, sunu lâka ra bara pulan ra lika apia.

Jasua 24:15

Sakuna man nani lika Dawan dukia daukan mai daukras kaka, pliki sâks naiwa man nani ya dukia daukaisma ba: man nani damikam nani bui Éufrates awalka un ra iwi kan bara gâd bahki nani ra kulkan ba, apia kaka amorreo nani gâdka bahki nani ra mayuni kan ba naha tasbaya ra. Sakuna yang tani ra lika, waitla uplika sut sin, Dawan dukia dauki banhwamni.