1 Timoti 3:16 - DAWAN BÎLA AISKA

¹⁶ Upla kumi mita sin Gâd ra luki kaia, dahra prakan tânka tara ba sip apia wiras: Gâd ba upla baku latan takan; witin ba Spirit mita kasak kulkan kata, bara insal nani mita sin witin ba kaikan. Ai tânka ba nisan nani tilara aisi smalkan kata, upla sut mita witin ra kasak lukan, bara kasbrika purara sin witin ba bri banhwan kata.

1 Timoti 3:16 ပူးပေါင်းရင်းမြစ်များ

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Aiseya 9:6

Kan tukta waitna kumi wan dukiara aisubi takan, Dawan yawan ra luhpa waitna kum wankan sa, witin ra king kaia karnika yaban sa. Ai nina ba mâkan kabia: Aihka pranakira, Lâ Smasmalkra, Gâd karnakira, ban kaia Aisika, kupia kumi lâka Kingka.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Matiu 13:11

Witin bila: “Man nani ra lika Gâd mita kasbrika purara ba Kingka Lâka dahra yukukan nani ba param mamrikisa; sakuna witin nani ra lika apia.

Matiu 28:2

Tisku baku kan, tasba nikbanka tara kum takan. Baha ba Dawan insalka kum kasbrika purara ba wina bal iwan, bara raitika ra wih, raiti pura prakan kan walpaya ba karbi saki, baha purara iwan.

Matiu 3:16

Jisas ra tahbi daukan ba ra, Jisas lî wina mahka takan. Tisku kan, kasbrika purara ba kwawan, bara Jisas kaikan Gâd Spiritka ba butku baku ai purara aula kan.

Matiu 4:11

Bara dibil ba Jisas ra mahka swin, bara insal nani bal ai dukia dauki kan.

Mark 1:13

Bahara Jisas yu 40 takaskan, daiwan kraskira nani tilara, bahara Sitan mita ai traika kaikan; bara insal nani bal ai dukia dauki kan.

Mark 16:19

Witin nani ra aisin ba ningkara, Dawan Jisas lika kasbrika purara bukan kan, bara mahka Gâd mihta aihkika ra iwan.

Mark 16:5

Witin nani raiti ra diman ba ra, aihkika tani ra wahma kum iwi kan ba kaikan, kwala pihni yari kum dimi; bara witin nani tâ iwan.

Luk 2:32

Ingni kum nisan nani ra ingni yabi ba, bara man uplikam Israel luhpia nani ra mayunra lâka yaia.”

Luk 20:44

¿Bamna, nahki Kraist ba Debit kiamka kabia ki, Debit pali mita witin ra Dawan mâkisa kaka?

Luk 22:43

Bamna kasbrika pura ba wina insal kum balan, witin ra tâ baikaia.

Luk 24:4

Witin nani tâ iwan pali takan bara dîa daukaia sapa sin kaikras kan. Baku bamna, witin nani ai lamara waitna wâl bûi kata, kwala ingnikira dimi.

Luk 24:51

Bamna baha nani ra yamni muni kan piua ra, baha nani wina dakwi takan, bara kasbrika purara brih wan kata.

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 15:26

“Sakuna witinka hilp mai munaia bara maisam nihkaia wisi balbia ba, kasak tânka Spiritka yang mita Aisa wina blikamna ba, witin lika yang dukira witnis aisabia.

Jan 16:28

Yang na Aisa wina taki naha tasba ra balri; bamna nanara naha tasba na swi si, kli Aisa ra auni.

Jan 17:5

Bamna Aisa, nanara aik baha mayunra kau tasba na âpu kan wina man wal kan ba.

Jan 20:12

kaikan insal wâl kwala pihni dimi iwi kan, Jisas wîna tara tnikan kan ba pliska ra, kumi ba lal tani bara wala ba mina tani ra.

Jan 6:62

¿Ban kaka, dîa takbia ni, Upla Luhpia Waitna kli uli auna kaka man nani ai kaikma ba ra?

Apastil Nani Sturka 1:19

Naha sturka na Jerusalem ra iwi uplika nani walan ba ra, baha tasbaya ba nina witin nani ai bîla ra Acéldama mâkan, baha tânka lika: ‘Tala Tasbaya.’

Apastil Nani Sturka 10:34

Bara Pita mahka aisi, win: —Nanara kasak pali kaikisni, Gâd mapa ra upla sâtka kumi upla sât wala ba wal aihka apia sa,

Apastil Nani Sturka 14:27

Witin nani Antíoco ra balan ba ra, serts uplika nani sut asla paiwan, bara baha nani ra win, dîa dîa Dawan bui witin nani ra daukan ba, bara nahki Gâd mita Ju apia nani ra sin yabalka ba sakan kasak lukaia dukiara.

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

Roman 10:12

Bamna Ju nani wihki Ju apia uplika nani ba wal lika sât aihka apia sa; kan Dawan ba lika upla sut Dawanka sa, bamna ani uplika nani witin ai nina mâki wini ba sut ra yabisa.

Roman 10:18

Kuna makabi walisni: ¿Smalkanka ba witin nani walras kan ki? ¡Latan witin nani ba walan! Ulbanka ba wisa: “Witin nani bîla baikra ba tasba aiska ra wan, bara witin nani bîla aisinka nani ba sin tasba paskan ba kat wan.”

Roman 16:25

Bara nanara, Gâd ra mayunpi, witinka sip pali ba man nani karnakira mai daukaia, dîa yang swaki sakan lâka bara Jisas Kraist tânka sin mai smalkisna ba baku. Naha tânka na lika Gâd kau tasba paskras kan piua wina, diara yukuki bri kata ba nanara param sakan ba sika,

Roman 16:26

sakuna nanara baha tânka ba param marikan sa prapit nani bâk Ulbanka mita, Gâd ban rayakira adarka ba kat. Naha dahra yukukan kan tânka na nisan sut ra param marikan sa, kasak lukbia bara bîla kat wali daukbia.

Roman 3:4

¡Sip apia pali! Sakuna, Gâd lika diara sut ba kasakka lâka kat baman daukisa, upla sut ba kuninkira pali sa sakuna; kan Ulbanka ba wisa: “Man dîa aisisma ba ni kasakkira mai kulkan kabia, lâmka daukan kabia ba ra, bara pura lalura kama.’’

Roman 8:3

Kan Moses lâka mita sip daukras pali kan ba Gâd mita daukan sa, Moses lâka ba karnika âpu kan wan wîna tara swapni ba hilp munaia; baha mita Gâd ai Luhpia pali ba blikan yawan saurakira nani na wan talia ba kat, saurka sakripaiska baku, bara baha sin wîna tara natka ba kat saurka ba pât ra dingkan.

Roman 9:5

Ju nani sut ba lika pas wan damika nani kata ba kiamka nani sa; bara ai kiamka bâk, wan wîna lâka ba kat Kraist balan, witinka diara sut Gâdka ba, bamna mayunan kabia ban kaia ra. Baku kabia.

1 Korint 15:47

Pas upla tasba yuya ni paskan kan ba tasba wina kan; waitna wala witinka ba kasbrika pura wina sa.

1 Korint 2:7

Sins lâka tânka aisisna na lika, Gâd sinska lâka dahra prakan ba dukiara sika, upla nani wina yukukan ba, kau tasba na paskras kaina wina Gâd bri ba, yawan wan prana dukiara.

2 Korint 1:19

Kan Kraist Jisas Gâd Luhpia ba tânka yang, Silvano bara Timoti kira man nani tilamra smalki banhwisna ba, apia sika “âu” ba “apia” ba, sakuna Kraist sika “âu” ba Gâd wina;

Galesha 2:8

Bamna Pita, Ju nani tilara apastil kaia wisi blikan Gâdka ba mita, yang ba sin Ju apia nani tilara apastil kaia wisi ai blikan.

Galesha 4:4

Sakuna piua ba aimakan ba ra, Gâd ai Luhpia ba blikan, witin ba mairin kum wina aisubi takan, Moses lâka mununhtara.

Epesus 1:9

bara witin ai brinka yukukan ra ba sin wan marikan, baha sika witin Kraist bâk diara sut tnata alkaia luki kan ba.

Epesus 6:19

Yang dukira sin puram suni bas, aisaia awarka ra Gâd mita bîla nani aikka aisamna, bara baku mika yang sip kamna swaki sakan sturka yamni yukukan ra ba sibrin âpu param aisaia.

Kolosi 1:23

Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.

Kolosi 1:27

Witin nani ra Gâd mita baha yuyaka pranakira ba marikaia want kan, naha yukukanka lâka na sika Ju apia nani ra praki brisa. Bara baha yukukanka ba sika Kraist, man nani ra takaski ba, bara naika briaia bîla kaiki ba tânka kum sa.

Kolosi 1:6

Man nani ra mai smalkan sturka yamni na, tasba pîska bani ra pâwi ai mâ sin pain sakisa, sim man nani tilamra takan ba baku, Gâd latwan tânka aisin walram ba wina, bara tânka briram naha latwanka lâka na kasak pali sa.

Kolosi 2:2

Aiklabisni baha nani sut ai kupia nani ra tâ baikanka bribia, aikuki asla latwan lâka ra kabia, bara diara tânka kaikaia kasak ba bribia, bara Gâd tânka yukukan ra ba bribia, baha sika Kraist witinka pali ba;

2 Tesalonaika 1:10

Dawan baha yua balbia ba ra, ai uplika nani mita mayunra yaban kabia dukiara, bara lalukra nani sut bui sin prana yabi mayunbia dukiara. Baku bamna, man nani sin sturi yamni yang nani mita mai wîri ba, kasak lukram bamna.

2 Tesalonaika 2:7

Baku bamna, saurka dahra yukukan ra ba, pat yabal ra sa; sakuna bîla kaikisa baha alki takaski bri ba tila wina sâkbia ba.

1 Timoti 3:9

Witin nani ba kasak lukan lâka dahra prakan nani ba pain kakaira nani kaia sa, bara baku sin ai kupia dara lukra ba klin bri kabia.

Hibru Nani 1:3

Witin sika Gâd prana ingnika ni ingwi ba; witin sika Gâd lilka talia aihwa pali ba, bara witin sika ai bîla karnakira ni, diara nani sut dihbi alki bri ba. Witin ba wan saurka nani wina sikbi wan sakan ningkara, Gâd king iwaika lama pali kat wih kasbrika purara iwan.

Hibru Nani 12:2

Wan nakra nani na Jisas kat kaiki kap, witinka wina wan kasak lukan lâka ba, tâ wina tnata kat yawan ban bri ba. Jisas ba dus prihni ra pât wahwan, bara bahmuna pruanka saura ba wal pruya ba dukiara ai swira lukras, kan witin kaiki kan pât wahwaia ba ningkara, ai âuyapah kaia kan bara lilia sin; bara nanara, Gâd king iwaika lama pali kat wih iwisa.

Hibru Nani 7:7

bara upla kumi sin naha tânka mapara sip aisaras sa: yamni muni uplika ba wih yamni bri ba wal, yamni muni ba kau tara sa.

Hibru Nani 8:1

Yawan diara nani aisi yana tânka kau tara ba sika naha: wan prîs tara ba naku sa, bara kasbrika purara Gâd king iwaika lama pali kat iwisa.

1 Pita 1:12

Sakuna Gâd mita baha prapitka nani ra latan marikan ai warkka ba; witin nani ai dukia lika apia kan, sakuna yawan wan dukia kan ba. Bamna nanara, naha sim dukia sika man nani ra maisam pakan ba. Sturi yamni bîla twatwilkra nani, witinka nani Spirit Holikira kasbrika pura wina blikan ba karnika ni aisan ba mita, naha kasakka sturka nani mai win sa. Naha dukia nani lika insal nani pali sin tânka ba kaikan daukisa.

1 Pita 1:20

Kraist lika Gâd mita kau tasba paskras kan wina naha dukia mata bâk saki brin kata; kuna naha piua nani tnata ra, witin latan takan man nani painkam ba dukiara.

1 Pita 1:21

Kraist bâk Gâd ra kasak lukisma man nani, bara witinka sika pruan nani tila wina kli bukan bara prana sin yan; baku bamna, man nani kasak lukisma lâka ba kainamra diara bîla kaikisma ba sin Gâd ra kasak brisma.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.

1 Pita 3:22

Bara witinka sika kasbrika purara uli Gâd lama pali ra iwi ba, bara insal nani, kasbrika purara karnika bri nani ba, bara karnika wala bri nani ba sut purara sin, witin wihta aimakisa.

1 Jan 1:2

Naha Rayaka na latan takan bara yang nani kaikri, witniska sin aisari. Man nani ra yang nani mai smalkisna naha raya ban kaia lâka na dukiara, witinka Aisa wal kan bara yawan ra param takan ba tânka nani.

1 Jan 3:5

Man nani pain kaikisma, Jisas Kraist naha tasba ra balan wan saurka nani ba pri sakaia, bara witin ra lika saurka âpu pali sa.

1 Jan 3:8

Sakuna ya saurka lâka baman dauki taukisa kaka, witin lika dibil wina ba mita, kan dibil lika tâ pali yua wina saura dadaukra sa. Bamna Gâd Luhpia balan ba lika, dibil warkka ba sut âpu daukaia dukiara.

Param Marikanka 17:5

Ai lal purara sin dahra prakan nina kum ulbi bri kan: “Babilon tara ba, mairin rugkira nani yaptika bara tasba ra misbara lâka nani ba sut yaptika sin kan.”

Param Marikanka 17:7

Bara insal ba ai win: “¿Dîa kan aihka pali lukram sa ki? Yang mita mairka dahra prakan tânka ba mai wimna ba ra, daiwan saura witin ra brih auya dahra prakan ba sin, baha daiwra lal 7 bara aringka matawalsip bri ba.

Param Marikanka 7:9

Baha ningkara yang kaikri, bara bahara upla ailal pali bâra kan, bara ailal kan bamna upla kum mita sin sip kulkras kata. Baha nani ba nisan sât sât wina, taika sât sât wina, bîla aisi sât wina, bara upla nani sât sât wina kan, bara king iwaika ba mawanra bara Sîp Luhpia ba mawanra sin bûi kan. Witin nani kwala pihni dimi kan, ai mihta nani ra sin dus wahia sâtka nani bri kata.