1 Timoti 2:2 - DAWAN BÎLA AISKA

² Tâ bri nani bara wihta nani sin sut ba pura sunaia sa, yawan wan rayaka na sâpkira bara kupia kumi lâka bri kabia; bara baha ba aiska pali Gâd ra yabi, bara sins lâka kat brih iwi kaia.

1 Timoti 2:2 ပူးပေါင်းရင်းမြစ်များ

2 Samuil 20:19

Israel tawanka nani tilara, yawan wan tawanka na kumika ai tânka kasak brisa, lamni lâka bara kupia kumi lâka, ¡baha sika kau tara ba! Ban sakuna man ba ban sauhki tikaisma. ¿Dawan dukia ba dîa muni sauhki tikaisma?

Esdras 6:10

bara baku lika sip kabia Gâd laih purara ba ra sakripais angki, witin yamni kaiki ba dauki, king bara ai luhpia nani dukiara sin ai pura sunbia.

Nihimaya 1:11

Dawan, yang bui man ra mamkabisna puri sunra na man wali kaiks, nampakan nani makabi ba sin, witin nani brin dauki ba sika naha baman sa: man ra yamni mai kulkaia. Bamna yang sin mamkabisna, diara sut yang ra yamni takaia ba aik, king ba sin tatuks bûi yang ra luki tniwaia.”

Lawana Nani 72:1

Man, Gâd, king ra kasakka lâka bara diara wapni daukaia ba yas,

Sins Lâka 24:21

Luhpi, Gâd ra bara king ra sin sibrin luks; waihla nani ba wal asla kapara;

Jirimaya 29:7

Ani tasbaya ra mai blikri tasbaya ba hilpka daukaia man nani wark taki bas, witin hilpka daukaia man nani bui yang ra makas, witin nani yamni kabia bara man nani sin pâwi kama.

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Luk 2:25

Baha piua nani ra, Jerusalem ra waitna kum iwi kata ai nina ba Simian. Witin lika waitna kasakkira, Dawan ra sin ai pura suni mayuni kan, Israel luhpia nani pri sâkbia ba sin bîla kaiki kata. Spirit Holikira ba witin wal kan,

Apastil Nani Sturka 10:22

Witin nani bila: —Kiaptin Cornelio mita ai blikan. Witin waitna kasakkira, Gâd ra sin sibrin lukisa, Ju nani sut mita sin witin ra latwan kaikisa. Bamna Dawan insalka kumi mita witin ra win, man mai paiwbia ai watla ra wama, bara dîa dîa aisama ba witin walbia.

Apastil Nani Sturka 24:16

Baha mita sika yang kupi lukanka tânka ba klin brisna, Gâd mawanra bara upla nani mawanra sin.

Roman 12:18

Man nani sin trai kaiks, sip sma ba kat, upla sut wal kupia kumi lâka ra iwi kaia.

Pilipai 4:8

Bara tnata kat, muihki nani, diara pain bara mayunra briaia aitani ba lukankam ra mangki bris. Diara kasak nani ba, dîa dîa kulki briaia aitani ba, diara wapni nani ba, diara sunu nani ba, dîa dîa upla mita lihki ba bara dîa dîa upla mita pain kulki ba.

1 Tesalonaika 4:11

Man nani trai kaiks bisniskam nani ba kat sâpkira ban dauki kaia, bara yang nani mai wîri ba baku, mihtam nani wal wark taki kaia.

Hibru Nani 12:14

Man nani upla sut wal kupia kumi lâka bri kaia trai kaiki bas, bara rayakam ba sin holikira bri kaia trai muns; kan holi lâka âpu kaka, upla kumi sin Dawan ba kaikbia apia.