1 Timoti 1:16 - DAWAN BÎLA AISKA

¹⁶ Baha mita sika Gâd bui yang ra umpira ai kaikan ba, Jisas Kraist yang ra ai marikbia wisi ai kupia alki takaski lâka aiska ba daukan. Naku sika yang na, witin ra kasak luki raya ban kaia briaia uplika nani ba dukiara, tâinka ni baha nani ra marikri, yang daukri baku dauki banhbia dukiara.

1 Timoti 1:16 ပူးပေါင်းရင်းမြစ်များ

2 Kronikas 33:19

Ai pura sunanka bara Dawan wina aisinka brin ba, ai saurka bara kasak apia daukanka nani bîla walras lâka nani daukan ba, aidul gâdka nani ra altar paski yaban ba, Aserá lilka nani mangkan kan ba, baku sin aidul nani lilka, Dawan ra bawaia watlika ra, naha sut ba prapit nani sturka tilara ulban sa.

Lawana Nani 25:11

Dawan, yang saurki ba tara pali sa; yang saurki ba ban swi tiks.

Impakan Sturka 34:8

Moses baha wali, ai mawan ba tasba kat bri si prakan, bara Dawan ra ai pura suni mayunan:

Aiseya 1:18

Dawan aisisa: “Man nani bal, naha lâka na aisi kaikaia. Man nani saurkam ba tala pauni kabia sin, kwala pihni wahmuk baku daukamni; siksa mâka prâmka ra alkan ba baku kabia sin, bîp tialka laya baku pihni daukamna.

Aiseya 43:25

“Sakuna yang, man nani Dawankam sna bamna, saura daukram ba diki sakisna bara kli sin man saurkam nani ba dukiara kupi kraukamna apia.

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Kulki Kaikanka 23:3

Baha ningkara Balaam bui Balac ra win: —Man nâra bas sakripais nani na lamara, yang wih kaikaisna Dawan ba yang ra aisaia aula sapa. Ningkara mai wimna dîa witin ai wibia ba. Bara Balaam kiuhsi kum ra yakan uli wan,

Luk 15:10

Yang mai wisni, baha sim natka ra, Gâd insalka nani ba lilia sa upla saurakira kum ai kupia lakuya ba ra.”

Luk 23:43

Jisas pana wisata: —Kasak mai wisni, naiwa yang wal man Paradais ra kama.

Luk 7:47

Baha mita yang mai wisna, witin ai latwanka tara ba mita marikisa ai saurka nani sut ba swih tikan sa; bamna ani uplika saurka wiria baman swih tikan ba, pana wiria baman latwan kaikisa.

Jan 20:31

Ban sakuna, naha nani na lika ulban sa, man nani kasak lukma Jisas ba Misaya Gâd Luhpia sa, bara naha kasak lukanka nâk raya ban kaia lâka bri kama.

Jan 3:36

Ya Gâd Luhpia ra kasak luki ba, raya ban kaia lâka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.

Jan 5:24

“Kasak pali mai wisna: Yang aisisna ba ra ya aman walisa, ai blikan ba ra sin kasak lukisa kaka, witin raya ban kaia lâka ba brisa, pât ra sin lulkan kabia apia; kuna pruan wina taki pat raya kaia ra luan sa.

Jan 6:37

Diara sut Aisa aiki ba, yang ra aula; baha nani yang ra aula ba, yang sip kangbi sakamna apia pali.

Jan 6:40

Naha sika witinka ai blikan kupia lâka ba: Upla sut mita Gâd Luhpia ra kaiki kasak lukbia, bara baku mika raya ban kaia ba bribia; bara tnata piua ra, yang mita pruan wina kli bukamna.

Jan 6:54

Ya yang wîni tara pîsa bara tâilia sin dîsa kaka, raya ban kaia ba brisa, bamna yang mita tnata piua ra pruan wina bukamna.

Apastil Nani Sturka 13:39

Witin ra kasak luki nani ba bani saurka nani sut ba swih tikan sa, Moses lâka ra sip swih tikras kan ba.

Roman 15:4

Bamna patitara piua wina dîa dîa Ulbanka ra aisin ba, baha lika yang nani ra ai smalkaia dukiara ulban, wihka bîla kaikaia lâka bri ba mita bara Ulbanka nani mita wan maisa nihki ba mita, wan kainara diara briaia ba luki kabia.

Roman 6:23

Saurka ba mita mana baku wanki ba lika prura, sakuna Gâd wina prisantka ba lika, raya ban kaia lâka Kraist Jisas wan Dawan wal asla.

1 Korint 7:25

Bara marit takras uplika nani ba dukiara lika, Dawan wina lâ kumi sin briras sna; sakuna yang dîa lukisna ba aisuna, Dawan mita umpira ai kaikan ba mita upla kasak kum baku.

2 Korint 4:1

Ba mita, yang nani lukanki ba kauhras, kan Gâd umpira wan kaiki ba lâka ra naha warkka ra wan mangkan bamna.

Epesus 1:12

Witin baku daukan, baha mita yang nani pas tâura Kraist ra luki kainira diara briaia lukri ba, raya banhwi kamna Gâd ai prana tara ba tâwan mayunan kabia dukiara.

Epesus 1:6

Baha mita yawan piua bani Gâd ra mayunisa ai latwanka tara ba dukiara, baha sim latwanka ni yamni wan munan sa, yawan ai Luhpia latwan pali wal asla sa bamna.

Epesus 2:7

Naha daukan ba ni wan marikisa, witin naika piua ra latwan tara wan kaiki kabia ba, bara yawan ra ai kupia pihni lâka ba lika Kraist Jisas ba mita baman.

2 Tesalonaika 1:10

Dawan baha yua balbia ba ra, ai uplika nani mita mayunra yaban kabia dukiara, bara lalukra nani sut bui sin prana yabi mayunbia dukiara. Baku bamna, man nani sin sturi yamni yang nani mita mai wîri ba, kasak lukram bamna.

1 Timoti 1:13

Pas piua, witin mapara saura aisari, rausauhki kapri, bara saura sin muni kapri sakuna, witin mita ban yang ra naha sut ai daukan. Gâd mita umpira ai kaikan, kan baha piua yang na kau lalukra apia katna; bara dîa dauki kapri ba sin kaikras kapri.

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

1 Pita 3:20

Naha spiritka nani sika patitara piua ra bîla wali daukras kata ba, Noa ba arp watla paski kan ba ra, Gâd lika wihka takaski bîla kaiki kan. Baha bilara tila upla nani aimakan, sut ba ra upla 8 baman, lî mita swaki sakan ba.

2 Pita 3:15

Bamna luki bas, wan Dawan yawan aikuki wihka bîla kaiki ba lika, yawan sut swaki wan sakaia dukiara sa. Baku sin wan muihni latwankira Pal sin man nani ra ulban sa, Gâd mita sins lâka yan ba tânka kat.

2 Pita 3:9

Dawan ai pramiska ba, pat tnata alkaia brin daukras sa lika apia, upla tila nani luki ba baku; sakuna yawan wal witin ai kupia alki takaski brisa; kan witin brin daukras upla kumi kra tanis tiwbia, kuna upla sut ai daukanka saura wina ai kupia lakbia.