1 Tesalonaika 5:6 - DAWAN BÎLA AISKA

⁶ Baku bamna, yawan na wala nani ba baku yapaia apia sa; yawan lika raya kaia sa bara wan dara sin pain wali kaia sa.

1 Tesalonaika 5:6 ပူးပေါင်းရင်းမြစ်များ

Sins Lâka 19:15

Sringwan tara lâka ba wan purara yapan tara kahbisa; bara sringwaskira, diara daukras uplika ba, plun wahwi kabia.

Aiseya 56:10

Upliki nani aihwaki kaiki nani ba sut, blain man sa, witin nani sut diara tânka briras sa. Witin nani sut ba, yul bîlas wakras nani baku sa, ai rayaka aiska ba bawi bara yaprisauhkan kaiki luisa; yapan ra latwan kaikisa.

Jona 1:6

Bara duri kiaptinka ba witin lama kat wan, bara win: —Yayapra tara, ¿man nâra dîa daukisma? ¡Bus, Gâdkam ra puram suns! Ban kra witin umpira wan kaiki swaki wan sâkbia.

Matiu 13:25

sakuna sut yapi kan ba ra, insla dawanka waihla kum insla ra dimi, plawar mâ tilara inma saura mangki si, mahka wan.

Matiu 24:42

“Man nani aihwaki bas, Dawan dîa awarka ra balbia ba kaikras sma bamna.

Matiu 25:13

Bara kau pura praki Jisas witin nani ra win: —Man nani aihwaki bas, yang balaia yua, bara awarka ba sin kaikras sma bamna.

Matiu 25:5

Marit taki waitnika ba pat balras kan bamna, sut yapan daukan, bara sut mahka yapan.

Matiu 26:38

Bara witin nani ra win: —Sulki ra sari pali ai daukisa, pruaia prais. Man nani nahara takasks, bara yang wal aihwaki bas.

Mark 13:37

Man nani ra mai wisna na, yang bui upla sut ra wisna: ¡Man nani aihwaki bas!”

Luk 12:37

Lilia pali sa baha alba nani yapras raya ban ai dawanka mita bal sakuya ba; yang mai wisna, witin ba ai maisa pain wilki, yaka witin nani ba tibil ra iwbia plun piaia.

Luk 12:39

Bamna naha kaiki banhwi bas: Utla kum dawanka dîa piua âimplikra balaia ba kaikbia kaka, swika ai watla ra dimi implikbia apia.

Luk 21:36

Bamna man nani ridi bas, bara piu bani sin puram suni bas, bara baku mika sip kama naha diara nani takaia ba wina swakwaia, ban sin Upla Luhpia Waitna maiwanra kaia.”

Luk 22:46

Bara witin bila: —¿Dîa kan man nani yapisma ki? Man nani bus, puram sin suns, traika kaikan ra kauhmara sîa.

Apastil Nani Sturka 20:31

Bamna aman kaiks, kupiam sin krauki bas, mani yumhpa, kakna bara tihmia, naikra laya saki man nani kumi bani ra mai smalki kupiam kraukatna ba.

1 Korint 15:34

Rayaka wapni bara kasak ba ra kli taws, bara kli sin saura daukpara, kan man nani tilam wina upla tila Gâd ra kakaira apia sa. Naha na aisisni, swiram daukaia dukiara.

1 Korint 16:13

Man nani aihwaki bas, bara kasak lukan lâka ra bapi bûi banhwi bas. Waitna bas. Karnakira nani bas.

Epesus 2:3

Piua luan ra yawan sut lika baha nani wal baku iwi kan, wan daukanka nani nina bliki kan, wan wîna tara bara wan kupia lukra brinka ba kat sin dauki kan. Baha mita klala saura pali Gâd wina ba, wan dukia kan, sim wala nani wal baku.

Epesus 5:14

Bahamna naku wisa: “Man yapisma ba, mahka rawi bus; pruan nani tila wina sin mahka raya taki bus, bara Kraist man puramra ingbia.”

Epesus 6:18

Man nani puram sunisma ba swipara, piu bani Gâd ra bik taki makabi bas, Spirit man nani tâm briaia. Ridi bas, lukankam swapras kira bara Gâd uplika nani sut dukiara sin man nani puram suni kama.

Pilipai 4:5

Yarka upla sut mita man nani ba upla yamni baku mai kaikbia. Dawan ba wan lamara sa.

Kolosi 4:2

Piua bani puram suni ban bas, aihwaki Gâd ra tingki wi bas.

1 Tesalonaika 4:13

Muihki nani, yang nani want sna man nani kaiki kama pruan uplika nani ra dîa taki ba, baku man nani sari bri banhma apia, sim upla wala nani ai kanra diara bîla kaikanka âpu nani ba baku.

1 Tesalonaika 5:10

Jisas Kraist yawan dukiara pruan, bara baku mika yawan raya kabia, pruan kabia kra, witin wal asla raya iwi banhbia dukiara.

1 Tesalonaika 5:8

Sakuna yawan lika kakna uplika nani, baku bamna, wan dahra pain wali kaia sa. Yawan na kasak lukan lâka bara latwan lâka wal wan kaina kahbaia sa, sim suldiar kum ai lal prakaia dukia ni ai kaina kahbi ba baku. Baku sin yawan na swaki sakan lâka ba wan kanra bîla kaikaia sa.

1 Timoti 2:15

Sakuna mairin ba lika swaki sakan kabia yapti baku, dîa daukaia win ba aiska daukbia kaka, witin ba kasak lukan lâka, latwan lâka kat, holi lâka kat sin, ai sinska ba yamni bri kabia kaka.

1 Timoti 2:9

Bara mairin nani ba, ai prâka nani dimra ra ai sinska yamni bri nani kaia sa, bara baha nani ba tânkira ai prâka dimi kabia, aiskahkan tara wal lika apia. Ai wîna tara ba aiskahki kabia, tâwa pitbanka aihkakira wal lika apia, gul ni, sita nakra manira nani, apia kaka prâk manira nani ni sin apia;

1 Timoti 3:11

Sim baku hilpa mairin nani ba kulkanka bri uplika nani kaia sa, upla dahra kwakwahkra kaia apia, witin nani ba ai rayaka wapni bri kabia, bara diara sut mapa ra kasak kaia sa.

1 Timoti 3:2

Baha mita, tâ bri kum ba pâtkas uplika kaia sa; witin ai maya kumi baman bri kaia sa, bara ai rayaka ba wapni, sinskira bara kulkanka bri kabia. Witin ba ai watla ra upla tringsar nani briaia wilin kaia sa; upla smalki lan kaia sa;

2 Timoti 4:5

Sakuna man lika sinskam ba ban yamni bri bas, pât nani wahwi bas, swaki sakan sturka yamni aisi smalkaia warkka ba dauki bas, napakan warkka brisma ba sin pain pali dauks.

Taitus 2:12

Baha Gâd kupia yamni tânka ba wan smalkisa, saurka lâka ba bara tasba brinka karna nani ba yawan swibia, bara naha tasba ra wan sinska ba pain, wapni bara Gâd ra sin luki brih iwi kabia.

Taitus 2:6

Baku sin, wahma nani ra tâ baiki bas ai sinska ba yamni bri kaia ba dukiara.

1 Pita 1:13

Baha mita, man nani dîa daukisma ba pain luki bas, bara rayakam ba pain bri bas. Gâd ai latwanka tara ba mita, Jisas Kraist balbia bara yamnika nani maikaia ba kat kainamra bîla kaiki bas.

1 Pita 4:7

Diara nani sut tnata yua ba pat baila sa. Baha mita, man nani sinskam yamni brih aihwaki bas bara kasak wilin pali puram suni bas.

1 Pita 5:8

Tânkira watauki bara aihwaki bas; kan waihlam dibil ba ya ya piaia wisi, layan ihbi baku pliki taukisa.

Param Marikanka 16:15

“Man nani kaiks, yang na bîli kaikras kan aulni, âimplikra baku. Yamni pali sa, ya aihwaki bara ai kwalka sin ban bri ba, witin ba kwala âpu takbiara sîa, bara upla sut mawanra sin ai swira takbiara sîa.”

Param Marikanka 3:2

Rawi bus, bara diara nani kau brisma ba mahka dutki alki dauks, kau aiska pali pruras ba ra; kan yang kaikri man diara daukisma ba, Gâdki mapara kasak aihwa apia sa.