1 Tesalonaika 5:5 - DAWAN BÎLA AISKA

⁵ Kan man nani sut lika ingni uplika nani sma bara kakna uplika banhwisma sin. Yawan na tihmia uplika apia, tihmia tara uplika sin apia sa.

1 Tesalonaika 5:5 ပူးပေါင်းရင်းမြစ်များ

Libait Lâka 11:16

daiwan tnawira yahpa tara ba, wauya, krakra, usus sâtka nani sut,

Luk 16:8

Bamna dawanka ba wark uplika watawikira ba âuya mâira pali diara nani daukan ba kaikan, witin ra mayunan. Kan tasba uplika nani ba ridi banhwisa pana pana ai bisniska nani ba pain daukaia, sakuna ingni uplika nani lika baku apia.

Jan 12:36

Ingni ba kat kasak luki bas, kau man nani tilamra ingnika ba brisma ba ra, bamna baku mika sip kama ingni luhpia nani takaia. Jisas naha diara nani aisin ba ningkara, mahka taki wih baha nani wina yukuwan.

Apastil Nani Sturka 26:18

Man baha uplika nani nakra nani ba ilingkma, bara witin nani tihmia ra kau wapbia apia, sakuna ingni ra yarka wapbia. Bara sin Sitan mihta ra ban kabia apia, sakuna Gâd nina blîkbia; yang ra sin kasak lukbia, bara ai saurka nani sut ba swih tikan kabia, bara naika piua ra ai pliska bri kabia Gâd mita holikira sakan nani ba aikuki.’

Epesus 5:8

Pas piua man nani lika tihmia ra iwi katma, kuna nanara Dawan uplika takram ba mita, ingni ra iwi banhwisma. Bahamna man nani ingni uplika nani baku bas,

1 Tesalonaika 5:8

Sakuna yawan lika kakna uplika nani, baku bamna, wan dahra pain wali kaia sa. Yawan na kasak lukan lâka bara latwan lâka wal wan kaina kahbaia sa, sim suldiar kum ai lal prakaia dukia ni ai kaina kahbi ba baku. Baku sin yawan na swaki sakan lâka ba wan kanra bîla kaikaia sa.

1 Jan 2:8

Ban sakuna, dîa ulbisna ba ban kra lâ raya baku takisa, bara baha ba diara kasak sa Kraist ra bara man nani mampa ra sin, kan tihmia ba mahka lui auya, bara kasak ingni ba pat ingwisa.