1 Tesalonaika 5:10 - DAWAN BÎLA AISKA

¹⁰ Jisas Kraist yawan dukiara pruan, bara baku mika yawan raya kabia, pruan kabia kra, witin wal asla raya iwi banhbia dukiara.

1 Tesalonaika 5:10 ပူးပေါင်းရင်းမြစ်များ

Matiu 20:28

Bahamna, baku natka ra, Upla Luhpia Waitna ba balras kan upla mita witin ai dukia daukaia dukiara, sakuna witin mita upla dukia daukaia, bara ai rayaka ba upla ailal pri sakaia mana baku yabaia.

Jan 10:11

Yang sika Sepad yamni ba. Sepad yamni ba ai sîpka nani tâwan ai rayaka ba yabaia wilin sa.

Jan 10:17

“Aisa latwan ai kaikisa, kan yang rayaki ba yaia wilin sni, adar ba kat yang kli baha ba briaia dukiara.

Jan 15:13

Latwan lâka kau tara upla briaia sip ba lika, ai uplika nani dukiara ai rayaka yabaia ba.

Roman 8:34

¿Ya sip kabia ki baha nani pât ra mangkaia? Kraist Jisas sika pruan ba, bara baha sut purkara, Kraist sika pruan nani tila wina buan bara Gâd mihta aihkika tani ra sa, bara wan tâwan makabisa.

1 Korint 15:3

Pas tâura lika yang pali ra ai smalkan sturka ba sika man nani ra laki maikri ba. Mai smalkri sa Kraist ba wan saurka nani tâwan pruan, Ulbanka nani ra aisi ba baku;

2 Korint 5:15

Kraist upla sut tâwan pruan, baha mita raya nani ba ai wîna dukiara raya kaia apia sa; sakuna witinka, witin nani ai dukiara pruan bara kli sin raya buan ba dukiara mika raya kabia.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Epesus 5:2

Latwan lâka ra iwi bas, sim Kraist latwan wan kaiki, yawan tâwan ai rayaka pât mihta ra mangkan ba baku. Witin ba sin sîp baku sakripais daukan kata, bara Gâd ra kîa painkira kum baku angki yan.

1 Tesalonaika 4:13

Muihki nani, yang nani want sna man nani kaiki kama pruan uplika nani ra dîa taki ba, baku man nani sari bri banhma apia, sim upla wala nani ai kanra diara bîla kaikanka âpu nani ba baku.

1 Tesalonaika 4:15

Naha mita sika man nani ra Dawan smalkanka ni mai wisni: Dawan balbia yua kat yawan kau raya nani kabia ba, pruan nani kan dakbi lubia apia.

1 Tesalonaika 4:17

baha ningkara, yawan kau raya nani ba, witin nani aikuki kasbrika tilara wan brih wan kabia, Dawan wal pâsa purara prawaia. Yawan baku kabia Dawan wal, ban kaia ban kaia ra.

1 Tesalonaika 5:6

Baku bamna, yawan na wala nani ba baku yapaia apia sa; yawan lika raya kaia sa bara wan dara sin pain wali kaia sa.

1 Timoti 2:6

Jisas Kraist ai wîna tara ba prura mihta ra mangkan, upla sut swaki sakan kaia ba mana aibapaia dukiara; bara naha na ai piua aimakan kat latan marikan kata.

2 Timoti 2:11

Naha aisanka na lika kasak pali sa: Yawan lika witin wal pruan sa kaka, witin wal sin yawan raya iwbia;

Taitus 2:14

Witin ai wîna tara ba yawan tâwan prura mihta ra mangkan, saurka sut swaki sakan, yawan na aiska pali klin wan dauki, witin ai dukia kabia wisi. Bara wark yamni nani sin kasak pali dauki kabia dukiara klin wan daukan.

1 Pita 2:24

Kraist mita ai wîna tara ra wan saurka nani twilkan dus prihni purara, bara baku yawan sip kabia wan saurka nani mapara pruaia bara kasakka lâka ra iwi kaia. Witin ai wîna ra insauhkan ba mita, man nani sut mai rakan sa.

1 Pita 3:18

Kan Kraist pali, aima kumi baman wan saurka nani dukiara prura pâtka wahwan. Witin lika yamni kan, sakuna yawan saurakira nani na tâwan pruan, Gâd ra wan brih waia dukiara. Witin ba ai wîna tara mapa ra baman pruan, sakuna ai spiritka mapa ra lika kli raya takan.