1 Tesalonaika 4:5 - DAWAN BÎLA AISKA

⁵ Gâd ra kakaira apia nani, ai maya mairin nani ra brinka karna ni bara lukanka saura ni bri nani ba, baku lika apia.

1 Tesalonaika 4:5 ပူးပေါင်းရင်းမြစ်များ

Lawana Nani 79:6

¡Lawankam tara ba, yas idan kingka lâka nani ba purara kauhbia witin nani ba mai kakaira apia, bara man ra sin ai pura sunras!

Jirimaya 10:25

Man lawankam ba nisan wala nani purara laiks, witin nani mai kakaira apia ba, man ra mamyunras uplika nani ba purara, witin nani sika Jekob kiamka nani kata ba sut langki pin, sut pali sauhki tikan, bara kuntri ba sut sauhki swin.

Matiu 6:32

Gâd kakaira apia nani ba baha diara nani ba dukiara trabil taki lukisa, sakuna man nani kum kasbrika purara brisma, bara witin kaikisa man nani naha dukia nani sut âpu sma ba.

Luk 12:30

Kan tasba uplika nani lika naha diara nani sut na nina bliki taukisa, sakuna man nani lika Aisa kum brisma, bara witin pain kaikisa naha diara nani sut want sma ba.

Apastil Nani Sturka 17:23

Kan yang naha tawanka ra wapi tauki kapri, man nani puram sunisma ba pliska nani ra sin, bara altar kum kaikri; bahara bîla nani ulban kan ba lika naku kata: ‘Gâd kum ra kaikras ba.’ Bamna pain sa, baha Gâdka man nani kaikras kuna puram suni mayunisma ba, baha pali Gâdka dukiara sika yang aisisna ba.

Roman 1:24

Baha tâwan Gâd mita witin nani ra tâski brinka dauki kan ba kat lulki swin, bara baku witin nani wala wal wan swira dukia nani ba daukan;

Roman 1:26

Baha mita Gâd bui witin nani ba swira lâka tâski pali ra ban lulki swin; mairin nani waitna wal prawi daukaia lâka kata ba swi si, mairin ai tahkia wal daukan.

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

1 Korint 1:21

Gâd ba ai sinska lâka mita, tasba uplika nani ai sinska lâka ni witin ra kakaira taki banhbia ba want apia kan. Sakuna, Gâd yamni lukan, ai bîla ba ni kasak luki nani ba swaki sakaia, bîla na upla wala nani mapa ra sins âpu tânka baku kabia sakuna.

1 Korint 15:34

Rayaka wapni bara kasak ba ra kli taws, bara kli sin saura daukpara, kan man nani tilam wina upla tila Gâd ra kakaira apia sa. Naha na aisisni, swiram daukaia dukiara.

Galesha 4:8

Kaina piua ra, Gâd kakaira apia katma ba ra, man nani lika gâd apia nani albika nani katma.

Epesus 2:12

Baha piua man nani ba Kraist luha katma, Israel nisanka wina laihura kapram, bara Gâd bui Israel nisanka wal lâ nani bara pramis daukan ba sin kakaira apia katma. Naha tasba ra diara kumi sin kainamra bîla kaikras, Gâd sin luha iwi nani katma.

Kolosi 3:5

Baku bamna, naha tasba tânka nani man nani wînam ra bâra ba, yas prubia: upla kumi sin marit takras ni, ai maya briaia apia sa; diara tâski nani sin daukaia apia, kli sin ai brinka saura nani, bara rug lâka nani nina bliki taukaia apia sa, gridikira kaia sin apia sa. Kan baha diara nani daukaia ba lika, aidul nani ra wan pura sunaia tânka wal kumi sa.

2 Tesalonaika 1:8

Witin balbia, Gâd ra kakaira apia nani ra, bara wan Dawan Jisas Kraist swaki wan sakan sturka yamni bîla wali daukras nani ra klala yabaia.

1 Pita 4:3

Kan piua nani ailal luan ra idan nani dîa daukan ba, sim dukia man nani dauki kapram, baku bamna saura daukaia laik taki ba ra iwi kapram, brinka saura nani ra, bla lâka ra bara pata pira binka nani ra, diranka kum ailal pali, bara aidul tâski nani ra sakahkram.