1 Tesalonaika 4:1 - DAWAN BÎLA AISKA

¹ Nanara, muihki nani, Dawan Jisas nina ra man nani ra mamkabisna bara sin kupiam kraukisna: man nani iwankam natka yamni ra yu bani kau pâwi kama, baha sika yang nani wina lan takram ba Gâd kupia lâka daukaia dukiara, bara pat baku dauki banhwisma ba.

1 Tesalonaika 4:1 ပူးပေါင်းရင်းမြစ်များ

2 Kronikas 17:4

sakuna ai aisa Gâdka ra lika, ai bîla lâka nani ba alki dauki, Israel luhpia nani nina lika blikras.

Job 17:9

Bara aisisa witin nani ba upla kasakkira sa, bara ai mihta nani ba tâski âpu sa.

Lawana Nani 92:14

Almuk takbia sin ban ai mâ saki kabia; piu sut karna kabia bara raya kabia sin,

Sins Lâka 4:18

Upla kasakkira nani yabalka bîla ba, yu wala ingnika baku sa: baha kau ban kanra ingwisa, yu aihwa ulan ba wal.

Jan 15:2

Witin mita ani tnawa sip ai mâ sakras ba klaki sakisa, sakuna ani tnawa ai mâ saki ba lika dauhbi klin daukisa, ai mâ kau sâkbia dukiara.

Apastil Nani Sturka 20:27

kan yang bui man nani ra Gâd ai kupia ra luki dukia nani ba tânka yukukras param pali mai wîri.

Roman 8:8

Baha mita, wîna tara brinka kat baman luki uplika nani ba, Gâd kupia lâka sip daukras sa.

1 Korint 11:23

Kan yang na Dawan pali wina, naha smalkanka man nani ra maikri na, brisatna: Dawan Jisas ba ai waihla mihta ra mangkan sim tihmika ra, brit ba ai mihta ra brin,

1 Korint 15:1

Bara nanara, muihki nani, yang want sna swaki sakan sturka man nani ra mai smalkri ba, kupiam krauki kama. Baha smalkanka sika brisatma ba bara bahara bapi buisma.

1 Korint 15:58

Baku bamna, muihki laitwankira nani, ban bapi bara pirwras kira banhwi bas, piua bani Dawan warkka ba kau ban dauki bas; kan man nani kaikisma Dawan wal asla wark daukisma ba lika, bahki apia sa.

2 Korint 10:1

Bamna yang, Pal, man nani ra mamkabisna Kraist kupia swapnika bara latwanka ba dukiara. Upla nani aisisa, yang na man nani tilamra sna ba ra lika bawikira pali sna, kuna laihura sna ba ra man nani mampara aisasara sna.

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

2 Korint 5:9

Baha mita piua bani Dawan dîa want ba kat daukaia trai muni banhwisna, wan wîna tara kau raya na piua ra sapa, wan wîna tara wina laihura kabia kra sin.

2 Korint 6:1

Baku bamna, Gâd warkka dadaukra aikuki wan uplika nani sma ba, mamkabi banhwisna Gâd ai kupia latwanka lâka mamrikan ba, tikpara pali.

Galesha 6:1

Muihki nani, upla kum saurka ra kauhan sa kaka, man nani spiritkira nani sma ba mita saura ba wapni dauks. Sakuna latwan lâka ra daukaia sa; bara kumi bani sin aman kaiki kaia sa, witin pali ra sin traika kaikan kabiara sîa.

Epesus 4:1

Baha mita, yang Dawan warkka ba tâwan silak ra sna ba, man nani ra mamkabisna, Dawan mita mai paiwan tânka kat iwi kama, sim piua luan ra nahki kapram ba baku.

Epesus 4:20

Sakuna man nani lika baku Kraist wina lan takras katma,

Epesus 5:17

Man nani sins âpu baku kapara; sakuna Dawan kupia lâka ba dîa sapa tânka pain bris.

Pilipai 1:27

Man nani rayakam ba Kraist sturka yamni ba kat bri bas. Baha mita, man nani ra mai kaikaia wamna, apia kaka laihura kamna kra, man nani sturkam walaia want sna, man nani ba sip pali sma, bara asla pali, bakahnu sin sturi yamni wina kasak lukan lâka ba kat alki bri kama.

Pilipai 1:9

Yang puri suni makabisna, man nani ba kau latwan lâka bri kama, sins lâka tara bara diara sut tânka latan briaia mapara sin,

Pilipai 3:14

Baku bamna, yang mark ba alkaia plapisni prisant ba briaia dukiara, baha briaia Gâd kasbrika purara ba mita wan paiwi ba, yawan Kraist Jisas wal asla ba mita.

Kolosi 1:10

Makabi banhwisna man nani ba Dawan uplika nani baku tânkam pain brih dîa dîa daukaia sma ba dauki kama, piua bani witin pain kaiki dukia nani baman sin dauki kama, wark painkira nani wina mâ saki kama, bara baku mika sip kama Gâd tânka kau pain kaikaia.

Kolosi 2:6

Baha mita, man nani nahki Dawan Jisas Kraist ra briram ba baku, witin ra asla taki iwi bas,

1 Tesalonaika 3:12

Bamna Dawan mita man nani kau pâwaia mai daukbia, bara pana pana walkam nani aikuki latwan lâka briaia bara upla sut wal aikuki sin, yang nani mita latwan mai kaikisna ba baku.

1 Tesalonaika 4:2

Dawan Jisas karnika mita, lâ nani mai smalki mai wîri ba, man nani pain kaikisma.

1 Tesalonaika 5:12

Muihki nani, yang nani mamkabisna man nani tilamra wark taki nani ba kulki kama, witinka nani Dawan bâk sakan ba tâm briaia dukiara, bara mai smalkaia dukiara sin.

2 Tesalonaika 1:3

Muihni nani, piu bani man nani sut dukiamra yang nani mita Gâd ra tingki wiaia sna; aitani sa baku dauki banhwi kamna, kan man nani kasak lukankam lâka ba tara pâwisa, bara pana pana walkam ra latwan lâka brisma ba sin piua bani kau tara takisa.

2 Tesalonaika 2:1

Bara muihki nani, wan Dawan Jisas Kraist bal, witin wal asla wan daukbia tânka ba mapa ra man nani ra mamkabisni,

2 Tesalonaika 3:1

Tnata ra, muihki nani, yang nani maita puram suni bas, Dawan sturka yamni ba aihni pali plis plis ra wabia, bara baha ba yamni kulki bribia, man nani tilamra takan ba baku.

2 Tesalonaika 3:13

Muihki nani, diara pain daukisma ba ra swappara.

1 Timoti 5:21

Gâd mawanra, Dawan Jisas Kraist bara ai insalka holikira nani mawanra sin, man ra mai taibi mai wisna naha smalkanka nani na bîla wali dauki kama, dîa dîa daukisma ba ra upla kumi ra kau saura luki, apia kaka upla wala ra kau pain luki baku lika daukma apia.

2 Timoti 4:1

Gâd mawanra bara Jisas Kraist mawanra sin, witinka king baku bal pruan nani bara raya nani lâka daukaia ba, yang bui man ra kasak lâ maikuna,

Hibru Nani 11:6

Upla kum kasak lukan lâka âpu kaka, witin ra Gâd mita sip pain kulkbia apia. Kan ani uplika Gâd lamara waia kaka, kasak lukaia sa Gâd ba bâra sa, bara witin ra pliki uplika nani ra sin mana yabisa.

Hibru Nani 13:16

Diara yamni daukaia bara dîa dîa bri nani bani upla wala nani ra hilp munaia ba, man nani âmya tiwbiara; kan nahmuna sakripaiska nani sika Gâd yamnika kaiki ba.

Hibru Nani 13:22

Muihki nani, yang bui man nani ra mamkabisna, kupia kraukanka bîla nani na kupiam takaski kira wali kama, wauhkataya mai ulbri na uya yari apia sa bamna.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.

1 Jan 3:22

bara dîa dîa witin ra makabia ba wankbia, kan yawan ai lâka bîla ba wali daukisa, bara witin dîa pain kaiki ba sin daukisa.