1 Tesalonaika 3:7 - DAWAN BÎLA AISKA

⁷ Baha mita, muihki nani, yang nani pâtki nani bara sarki nani sut tilara, man nani mita maisi nihkram sa. Kasak lukankam lâka kat ban bapi buisma ba mita, yang nani maisi nihkan sa.

1 Tesalonaika 3:7 ပူးပေါင်းရင်းမြစ်များ

2 Korint 1:4

Pât nani sut yawan wahwi ba tilara witin yawan wan maisa nihkisa, bara baku yawan sin sip kabia wala nani pât wahwi ba sin maisa nihkaia, witin wina baha maisa nihkra yawan ra wanki ba, baha nani ra yabaia.

2 Korint 7:13

Baha mita, yang nani maisa nihkra briri. Bara maisa nihkra briri nani ba purkara, yang nani uya lilia takri, Taitus ai âuyapah pali kan ba dukiara; bamna man nani sut mita hilp munram witin ba ai kupia kumi kaia.

1 Tesalonaika 3:6

Sakuna nanara Timoti man nani wina tawi balan sa, bara kasak lukankam lâka bara latwankam lâka sturka sin pain baman bal, yang nani ra aisan. Witin wan wisa, man nani ba yang nani dukira piua sut pain baman lukisma, bara yang nani na ai kaikan pali mai daukisa, yang nani bui man nani mai kaikan ai dauki ba baku.

2 Jan 1:4

Yang uya lilia pali takri, kan man luhpiam tila nani kaikri ba ra, witin nani lika kasak tânka kat ban iwisa; Gâd Aisa dîa adarka wankan ba tânka kat.