1 Tesalonaika 3:12 - DAWAN BÎLA AISKA

¹² Bamna Dawan mita man nani kau pâwaia mai daukbia, bara pana pana walkam nani aikuki latwan lâka briaia bara upla sut wal aikuki sin, yang nani mita latwan mai kaikisna ba baku.

1 Tesalonaika 3:12 ပူးပေါင်းရင်းမြစ်များ

Lawana Nani 115:4

Idan nani aidulka ba, gul bara silbar nani sa upla bui diara kum ai mihta nani ni paskan ba:

Matiu 22:39

Wala kumi baha wal talia ba lika, naku wisa: ‘Uplikam ra latwan kaiks, man wînam ra latwan kaikisma ba baku.’

Matiu 7:12

“Baku bamna, upla wala nani man nani ra dîa mai daukaia brin mai dauki ba baku, man nani sin dauks; kan baha daukaia sika lâ ra wan aisi ba prapit nani ulbanka ra sin.

Luk 17:5

Apastil nani Dawan ra makaban: —Kau kasak lukan lâka ba yang nani ra aik.

Roman 13:8

Bamna upla kumi wal sin tras bripara, sakuna upla wala wal pana pana latwan kaikaia traska ba lika bri bas; kan ani uplika mita upla wala ra latwan kaiki ba lika, dîa Gâd lâka wan wi ba sut daukan sika.

2 Korint 9:10

Bara Gâd, witinka mita saumuk mangkaia bara plun saki piaia sin yabi ba, witin sin namsla ra dîa dîa mangkaia luha sma ba maikbia, bara sip sa yaka pain pâwaia, bara mâ sin manis maikaia warkkam yamni ba dukiara.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

Pilipai 1:9

Yang puri suni makabisna, man nani ba kau latwan lâka bri kama, sins lâka tara bara diara sut tânka latan briaia mapara sin,

1 Tesalonaika 2:8

Man nani ra uya latwan mai kaikisna ba mita, yang nani ridi kapri Gâd sturka yamni ba mai smalkaia bara rayaki nani pali sin yabaia. ¡Man nani ra uya latwan mai kaikri sa!

1 Tesalonaika 4:1

Nanara, muihki nani, Dawan Jisas nina ra man nani ra mamkabisna bara sin kupiam kraukisna: man nani iwankam natka yamni ra yu bani kau pâwi kama, baha sika yang nani wina lan takram ba Gâd kupia lâka daukaia dukiara, bara pat baku dauki banhwisma ba.

1 Tesalonaika 5:15

Aman kaiks, upla kum mita wala ra saura munbia kaka, pana saura munbiara. Sakuna, man nani piua sut pana pana walkam wal diara yamni ba daukaia trai muni bas, bara upla sut wal aikuki sin.

2 Tesalonaika 1:3

Muihni nani, piu bani man nani sut dukiamra yang nani mita Gâd ra tingki wiaia sna; aitani sa baku dauki banhwi kamna, kan man nani kasak lukankam lâka ba tara pâwisa, bara pana pana walkam ra latwan lâka brisma ba sin piua bani kau tara takisa.

Jems 1:17

diara pain bara kasak nani ba, kasbrika pura ba wina balisa; Gâd kasbrika pura ingnika nani paskan ba mita wankisa. Gâd lika piua bani ban kaia ra ban bâra sa, bara witin mita dista kumi ni sin yawan ra wan madiskras sa.

2 Pita 1:7

kasak kulkan lâka ra, pana pana muihkam nani wal latwan kaiks ba; bara pana pana latwan kaikaia ra, latwan lâka pali aihwa ba.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.