1 Tesalonaika 3:11 - DAWAN BÎLA AISKA

¹¹ Gâd wan Aisa pali, bara wan Dawan Jisas Kraist wal mita, yang nani ra hilp ai munbia man nani wih mai kaikamna dukiara.

1 Tesalonaika 3:11 ပူးပေါင်းရင်းမြစ်များ

Aiseya 63:16

¡Man sika yang nani aisiki! Ban kra, Ebraham yawan wan kaikras wibia kaka, Israel sin yawan ra wan lukras kabia kaka, man, Dawan, man sika wan aisika; patitara wina man sika, yang nani sasakriki.

Jirimaya 31:9

Ai pura suni bara ini pali balbia. Yang lî aubra wal brih wari kabia yabal kum klin, mina prukaika âpu bâk. Bamna yang sika Israel aisika, bara Efraín ba luhpi almuk sa.

Malaquía 1:6

Karnika sut bri Dawanka ba, prîs nani ra naku aisisa: “Luhpia nani ba ai aisika ra kulkanka tara yabisa, bara alba nani ba sin ai dawanka ra yamni kulkisa. Bamna yang na man nani Aisikam sna kaka, ¿dîa muni tara ai kulkras sma? Man nani albiki, yang na Dawankam sna kaka, ¿dîa kan yamni ai kulkras sma? Man nani bahki ai kulkisma, sakuna ban aisisma: ‘¿Yang nani dîa dauki bahki mai kulkisna ki?’

Matiu 6:14

“Man nani saura mai munan uplika nani ra ban swih tikisma kaka, kasbrika purara ba sin man nani ra ban mai swih tikbia.

Matiu 6:18

man plun piras sma ba upla mai kaikaia apia dukiara. Bamna witinka bahara man wal yakan ba mai kaikbia ba ra, witin prisantkam maikbia.

Matiu 6:26

Daiwan tnawira nani purara pâli ba ra kaiks: witin nani plun mâ mangkras bara dâkras, pata mâ ba sin plun auhbaika watla ra sunras; sakuna man nani kasbrika purara ba mita plun dakakisa. ¿Man nani ba daiwan tnawira nani ba wal kau tara apia?

Matiu 6:32

Gâd kakaira apia nani ba baha diara nani ba dukiara trabil taki lukisa, sakuna man nani kum kasbrika purara brisma, bara witin kaikisa man nani naha dukia nani sut âpu sma ba.

Matiu 6:4

Man yukuwi pali dauks, bamna diara yukuwi daukisma ba kaiki ba, prisantkam maikbia.

Matiu 6:6

Sakuna man puram sunma ba ra, rumkam bilara dimi, durkam praks bara puram suns, witinka bahara man wal sa. Baku, yukuwi daukisma ba kaiki, prisantkam maikbia.

Mark 1:3

Upla iwras tasbaya ra, upla kum bîla baikra karna winisa: ‘Dawan yabalka ba ridi dauks, yabal wapni kum kwâki banhs.’ ”

Luk 12:30

Kan tasba uplika nani lika naha diara nani sut na nina bliki taukisa, sakuna man nani lika Aisa kum brisma, bara witin pain kaikisa naha diara nani sut want sma ba.

Luk 12:32

“Sîpki nani, si bripara; man nani ba wiria sma, sakuna Aisa ba mita pain lukisa king lâka ba maikaia.

Jan 20:17

Jisas win: —Ai alkpara, kan yang Aisa bâra ba pliska ra kau uli wih asla takras sni. Sakuna muihki nani ra wih wis, uli auna Aisiki ra bara man nani Aisikam ra, yang Gâdki ra bara man nani Gâdkam ra.

Roman 1:3

Baha sturka ba sika, witin ai Luhpia wan Dawan Jisas Kraist dukiara aisi ba, witin lika upla aihwa baku king Debit kiamka wina takan, sakuna witin pruan wina kli buan ba tâka mita, karnika aiska wal Gâd Luhpia baku kulkanka yaban sa, holi dadaukra Spiritka baku.

2 Korint 6:18

bara yang baman man nani Aisikam kamna, bara man nani ba luhpi waitna nani bara luhpi mairin nani kama, Dawan, karnika sut bri ba, baku wisa.”

Galesha 1:4

Kraist sika yawan wan saurka dukiara ai wîna tara aiska ba prura mihta ra mangkan, Gâd Aisa kupia lâka ba kat, naha tasba saura na wina pri wan sakaia.

Kolosi 1:2

naha wauhkataya ulbisna, Kolosi tawanka ra Gâd uplika nani bara Kraist ra kasak luki nani bahara iwi banhwi ba sut ra. Gâd wan Aisa mita ai kupia yamni lâka bara kupia kumi lâka sin man nani puramra blîkbia.

1 Tesalonaika 3:13

Dawan mita kupiam nani ba karna daukbia, bara man nani ba wan Aisa Gâd mawanra, holikira bara pât âpu banhwi kama, wan Dawan Jisas ai uplika sut aikuki balbia ba ra. Baku kabia.

1 Tesalonaika 4:16

Kan Dawan pali ba sika bîla baikra karnakira ba wal kasbrika pura ba wina bal iwbia arkinsal bîla baikra wal bara Gâd trumpitka wal sin. Bâra mika, Kraist ra kasak luki pruan nani ba, pas tâura bubia;

1 Tesalonaika 5:23

Gâd pali mita, witinka kupia kumi lâka wanki ba, man nani ba witin ai uplika pali mai daukbia, bara spiritkam, sulkam bara wînam tara ba sin tâski âpu yamni bri kabia, wan Dawan Jisas Kraist balaia ba dukiara.

2 Tesalonaika 2:16

Wan Dawan Jisas Kraist pali mita bara Gâd wan Aisa, witinka ai yamnika ra latwan wan kaikan ba, ban kaia ra maisa nihkra wankan ba, bara bîla kaikanka yamni kum sin wankan sa,

2 Tesalonaika 3:16

Bara kupia kumi lâka Dawanka ba mita, piu bani kupia kumi lâka natka sât sât ra maikbia. Dawan ba man nani sut aikuki kabia.

2 Tesalonaika 3:5

Dawan mita tâm baikbia latwan kaikaia, Gâd latwan kaiki baku, bara Kraist bapi buanka lâka bri kaia pât wahwanka ra.

1 Jan 3:1

Kaiks man nani, nahki Aisa Gâd latwan tara wan kaiki ba, bamna yawan na Gâd luhpia nani wan kulkan sa, bara kasak pali yawan lika witin ai uplika nani sa. Baha mita tasba uplika nani bui wan kakaira apia sa, kan witin nani lika Gâd ra kakaira apia ba mita.

Param Marikanka 21:3

Bara yang bîla baikra tara kum walri king iwaika ba wina naku aisi kan: “Kaiks, nanara Gâd ba upla nani tilara ai watla brisa. Witin nani wal iwbia, bara witin nani ba ai uplika nani pali kabia, bara Gâd lika witin nani wal kabia, ai Gâdka kaia dukiara.