1 Tesalonaika 3:10 - DAWAN BÎLA AISKA

¹⁰ Kakna bara tihmia Gâd ra makabi banhwisna, yang nani naikra pali ni wih mai kaikaia, bara kasak lukankam lâka mapa ra dîa dîa kau luha sma ba sin maikaia.

1 Tesalonaika 3:10 ပူးပေါင်းရင်းမြစ်များ

Luk 2:37

bara nanara piarka ba mani 84 bri kata. Witin sin tempel wina uya takras, ban bahara Dawan dukia dauki kan, kakna bara tihmia Gâd ra luki plun piras kira ai pura suni.

Apastil Nani Sturka 26:7

Israel kiamka 12 ba sut bîla kaikisa naha pramiska na aimakbia, baha mita Gâd ra mayuni, dukia sin daukisa, kakna bara tihmia. Bamna king Agripa, naha sim bîla kaikanka brisna dukiara sika Ju nani daihra kwahki banhwi na.

2 Korint 1:15

Bamna yang pali naku luki kapri, man nani ra pas wih mai kaikaia, bara kli aima wala man nani ra yamni mai munaia;

2 Korint 1:24

Luki kapara yang nani bui man nani dîa kasak lukaia sma ba taibi mai munamna, kasak lukan lâka ra man nani aitani kat sma; bamna kau lilia lâka bri banhma dukiara hilp mai munaia want banhwisna.

2 Korint 13:11

Bamna nanara, muihki nani, rayakam aihwa takaia lâka pliks, maisa nihkan lâka bri bas, aikuki asla pain bara kupiam kumi bas. Bara kupia kumi lâka bara latwan lâka Gâdka ba man nani wal kabia.

2 Korint 13:9

Baha mita, yang nani ani piua swapni takisna bara man nani karna sma ba ra, uya lilia banhwisna; man nani karna takma dukiara yang nani ban puri suni kamna.

Pilipai 1:25

Naha mapara yang wilin sna, bara kaikisna kau man nani wal kamna, kau tâmra waia, man nani kasak lukankam lâka ra kau lilia bri kaia hilp mai munaia dukiara.

Kolosi 1:28

Yang nani Kraist dukiara smalkisna, upla nani sut ra kupia krauki smalki banhwisna sins tânka manis ra baku dauki Kraist ra kasak wapni brih waia dukiara.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

1 Tesalonaika 3:11

Gâd wan Aisa pali, bara wan Dawan Jisas Kraist wal mita, yang nani ra hilp ai munbia man nani wih mai kaikamna dukiara.

2 Tesalonaika 1:11

Naha mita sika man nani dukiamra, piu sut puri suni banhwisna. Yang nani Gâd ra makabisna, man nani ba aitani mai kulki mai bri kabia dukiara, kan witin mita mai paiwan bamna. Bara puri sin sunisna, brinkam pain nani sut ba bara kasak lukankam wal warkkam nani daukisma ba sut sin, Gâd mita ai karnika ni maikbia.

2 Timoti 1:3

Yang puri sunisna piua nani ra mai lukisna ba ra, tihmia bara kakna ra yang bui Gâd ra tingki wisna, witinka ra kupi lukra klin ni ai warkka daukisna ba, almukki nani ai warkka daukan ba baku.

Pilimon 1:22

Bara sin, yang yapaiki pliska rum kum ridi dauks; puram suni banhwisma ba mita, kasak lukisna Gâd hilp ai munbia, yang na man nani ra waia.

Param Marikanka 4:8

Diara rayakira walhwal ba kumi bani ai tnawa 6 bri kan, bara nakra pali baman banhki kan pura tani ra bara bîla tani ra sin; kakna bara tihmia naku aisi takaskras kan: “¡Holi, holi, holi, Dawan, Gâd karnika sut bri ba, witinka kaina wina bâra kata ba, bâra ban ba, bara naika balaia ba!”

Param Marikanka 7:15

Baha mita Gâd king iwaika mawanra buisa, bara ai tempelka ra kakna bara tihmia ai dukia daukisa. Witinka king iwaika ra iwi ba witin nani tilara ban takaski ai kaina kahbia.

1 Samuil 12:23

Bara yang maipa ra sin saurka kabia man nani tâmwan puri sunras kamna kaka, baha ba kanra yamni sa, yang mai smalkamna diara kau yamni bara wapni ba daukaia.