1 Tesalonaika 2:5 - DAWAN BÎLA AISKA

⁵ Kan man nani kaikisma ba baku, yang nani mita man nani ra mamyuni bîla painkira nani aisaras, bara lalah briaia wisi kunin bîla nani sin aisaras katna. Gâd baha witniska sa.

1 Tesalonaika 2:5 ပူးပေါင်းရင်းမြစ်များ

Job 16:19

Kasbrika purara upla kum bâra kaia sa yang tâiwan aisaia,

Job 17:5

Baha nani luhpia nani ba plun wauhbia, witin nani mana kum briaia dukiara ai uplika nani ra pât ra dingki ba.

Sins Lâka 20:19

Dusa kakuhbra uplika ba lika dahra yukukaia lan apia sa; bamna dusa kakuhbra nani wal prawpara.

Sins Lâka 26:28

Kuninkira ba kasak lâka ra, misbara kaikisa, bara bîla lalalwi aisi ba, bîla mita upla swakswaka mangkisa.

Sins Lâka 28:23

Ya upla kupia krauki ba naika ra kupia yamni lâka kau kanra saki bribia ai twisa lalalni upla nina baman aisi ba wal.

Aiseya 30:10

Diara kaiki nani ra witin nani wisa: “Lilka aihka nani bâra ba man krikpara.” Prapit nani ra sin wisa: “Diara rait param mariki ba yang nani ra ai wipara; bîla damni swapni ba baman aisi bas; diara kupi lilia dauki nani ba yang wina sâkpara.

Aiseya 56:11

Yul plun sanglang tauki nani ba, plun pi kabia sin, sip biara banhras sa, sepad nani diara tânka briras; kumi bani ba ai yabalka kat wapisa, kumi bani yakan ai yamnika briaia plikisa.

Jirimaya 6:13

“Tara nani bara sirpi nani ba, upla sut, saura dauki wina baman lalah briaia lukisa; prapit nani prîs nani sin sut, upla ra taibi lalahka dakbaia warkka daukisa.

Jirimaya 8:10

Baha tâwan mairkam nani ba waitna wala nani ra yabaisna, tasbayam nani ba sin upla wala nani baha dawanka aimakbia. Kan upla almuk nani ba, tuktan nani bara upla sut, saura dauki wina baman lalah briaia lukisa; prapit nani ba, prîs nani ba sin sut upla ra taibi lalahka dakbaia warkka daukisa.

Miqueas 3:5

Yang tawanki uplika nani ba lika, yabal saura bara tiwan bâk impakisa, prapit kunin muni ba tâka mita. Baha nani ya bui plun yabi nani ra, kupia kumi lâka dukiara aisi wisa; sakuna war aiklabaia lâka bukisa, baha nani bui witin ra plun yabras ba mapara. Dawan ba mita baha prapitka nani ra wisa.

Malaquía 1:10

“¡Brin ai daukisa man nani tilam wina upla kum bal taki tempelka durka nani ba prakaia; bara pauta nani bahara kli bahki ra mukaia apia! Kan man nani wal lilia apia sna, bara sakripais aikisma ba sin ban bri kamna apia.

Matiu 22:16

Bara ai uplika tila nani, Herod uplika nani kira blikan Jisas ra wiaia: —Smasmalkra, yang nani pain kaikisna man ba kasak kat aisisma, bara upla nani aisi ba kulkras Gâd yabalka ba kat kasak smalkisma, kan man ba upla mawanka ba kulkras sma bamna.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

Apastil Nani Sturka 20:33

Yang sin tumras katna, upla wala lalahka kra, kwalka kra dukiara.

Roman 1:9

Bamna Gâd, yang kupi aiska ni witin warkka daukisna bara ai Luhpia sturka yamni sin aisisna ba, witin ba witnis sa nahki puri sunra bani ra man nani ra lukisna ba,

Roman 16:18

kan bahmuna sât uplika nani ba wan Dawan Jisas Kraist dukia daukras sa, sakuna ai biara warkka daukisa, bara witin nani ai bîla damnika bara ai bîla ni pain aisi ba mita upla sins aitani briras nani ra kunin munisa.

Roman 9:1

Yang Kraist ra kasak lukisna ba mita, kunin aisaras, diara kasak ba aisisna. Baha purkara, yang kupi lukanki ra Spirit Holikira tâi brisa, bara mairikisa aisisna na kasak sa:

2 Korint 12:17

¿Dîa upla tila nani man nani ra blikri ba bâk kunin mai munri ki?

2 Korint 2:17

Yang nani lika Gâd smalkanka bani bisnis daukras, upla manis mita aihka laki dauki ba baku; sakuna, yang nani lika baha smalkanka ba aitani kat kunin âpu smalkisna, Gâd mita wan blikan baku, bara Gâd mawanra aisisna sim Kraist uplika nani baku.

2 Korint 4:2

Wan swira daukaia dukia baman yukuwi dauki ba, yang nani swiri; bara kunin lâka wal taukras, Gâd bîla smalkanka ba kunin lâka praki smalkras. Sakuna baha watlika ra diara kasak ba baman aisisna, bara baku yang nani tâinka ba upla wala nani sut kupia lukra ra mangki swiri Gâd mawanra.

2 Korint 7:2

¡Man nani kupiam ra yang nani pliski kum dauks! Kan yang nani kau upla ra watawi daukras, kunin sin munras.

Galesha 1:20

Dawan mawanra yang kasak pali mai wisna, diara nani ulbisna na lika kunin apia, kasak pali sa.

1 Tesalonaika 2:10

Naha witniska nani sma, bara Gâd sin: man nani lalukra nani sma ba tilara, yang nani ba sunu katni, kasak lâka ra sin iwi banhwi katna, bara upla kumi mita sin pât kum dukiara kra sip daihra sakras kan.

1 Timoti 3:3

bla tatakra kaia apia sa, unsasabra wal ai uplika kaia apia, sakuna kupia yamnikira bara kupia kumi lâka bri uplika kabia; witin ba lalah wantkira kaia sin apia sa.

1 Timoti 3:8

Baku sin, serts hilpika nani ba kulkanka bri uplika nani kaia sa; witin nani dîa aisin ba kat daukaia sa, bla tatakra kaia apia, bara lalah diara saura wina takan ba sin lihki kaia apia.

Taitus 1:7

Kan ani uplika pura kakaira warkka bri ba, witin lika Gâd warkka nani ba ai mihta ra brisa, bara baha mita witin pât kumi sin âpu kaia sa. Witin ba lal karna kaia apia sa, daukanka saura bri uplika kaia apia sa; bla tatakra kaia apia, unsasabra sin apia, saurka lâka wina lalah alkaia apia.

1 Pita 5:2

Man nani mihtam ra Gâd sîpka nani mangkan ba, sepad nani baku main kaiki bas; bara wilin pali dauki bas, Gâd want ba baku, taibi mai muni baku lika apia. Wark ba lalah brin mai dauki pali baku lika daukpara, kuna upla dukia daukaia want pali baku dauks.

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.

2 Pita 2:3

Lalah ra uya want ba mita, kunin smalkanka ni kasak pali mai smalkbia; kuna witin nani ra pât ra lulki swiaia ba lika ai bîla kaikisa, kan witin nani ba pat piua wihka luan wina pât ra lakan sa bamna.

Judas 1:11

¡Baha nani alai sa!, Ken daukanka nina blikan ba mita. Lalah briaia dukiara, Balaam baku aimawahkan, Coré mapara buan tâka mita pruan ba baku, witin nani sut sin pruisa.