1 Samuil 9:13 - DAWAN BÎLA AISKA

¹³ Man nani bâra wama ba wal, witin ba pliks, sakripais daukaia watla ra plun piaia kau waras ba ra. Upla nani plun ba pibia apia witin wabia ba kat, kan witin mita pata ba yamni munisa, baha daukbia ba ningkara paiwan uplika nani ba sin pibia. Bara nanara pali man nani mahka was, witin kau bâra kaka wal prawaia sip sma.

1 Samuil 9:13 ပူးပေါင်းရင်းမြစ်များ

2 Samuil 15:11

Baha purkara, Jerusalem wina upla 200 paiwan witin wal waia; baha nani witin wal wan ai lukanka yamni wal, Absalón yukuwan ra baha diara nani dauki kan ba tânka briras kan ba mita.

Matiu 14:19

Bara adar yan uplika nani ba twi purara iwbia. Baha ningkara, brit matsip bara inska wâl ba ai mihta ra brih, kasbrika purara kaiki, Gâd ra tingki win, britka nani ba kriki, ai disaipilka nani ra yaban, bara witin nani bui upla nani ra yuan.

Matiu 26:26

Pi kan ba ra, Jisas ai mihta ra brit ba brih, tingki wih, kriki muni, ai disaipilka nani ra yabi, win: —Pi banhs, naha sika yang wîni tara ba.

Mark 6:41

Ningkara Jisas mita brit matsip bara inska wâl ba ai mihta ra brih, kasbrika purara kaiki, yamni munan, bara brit nani ba krikan; bara ai disaipilka nani ra yan upla nani ra yabaia. Inska wâl ba sin yuan.

Luk 24:30

Witin nani aikuki pat tibil ra iwi kan ba ra, witin ai mihta ra brit ba brih, yamni muni, kriki, witin nani ra yan.

Luk 9:16

Bamna Jisas ai mihta ra brit matsip ba bara inska wâl ba sin brin. Bara ai nakra buki, kasbrika purara kaiki, baha nani dukiara tingki win; ningkara, kriki muni ai disaipilka nani ra yan, upla nani ra yabia dukiara.

Jan 6:11

Bara Jisas brit nani ba ai mihta ra brih, Gâd ra tingki wih, bara upla nani iwi kan ba tilara yuan. Inska wâl ba ni sin baku daukan, sut want kan ba praiska kat.

Jan 6:23

Ban sakuna, Tiberias wina duri tara wala nani sin balan, Dawan ra tingki win ningkara, witin nani brit pin ba pliska lamara.

1 Korint 10:30

Yang pati ba dukiara Gâd ra tingki wisna kaka, ¿dîa muni baha pisna ba tâwan, yang maipara saura aisi banhbia ki?”

1 Timoti 4:4

Diara nani sut Gâd mita paskan ba lika pain baman sa; diara kumi sin yawan saura kulkaia apia sa, sakuna sut ba Gâd ra tingki wih piaia sa,

1 Samuil 2:35

Baha ningkara yang prîs kum kasak wapni ba mangkamni, kupi lâka kat lâ wapni dauki ban wan lukanka witin ra mangkaia sip ba, witin ra kiamka kum yamni bara king kum bâk sakamna ba dukia dauki kabia.

1 Samuil 9:14

Witin nani takaskras ban impaki kan tawan ra dimaia. Bara witin nani auya kan ba yabalka ra, Samuil sin pat taki aula kan sakripais daukaia watla ba ra waia.