1 Samuil 9:11 - DAWAN BÎLA AISKA

¹¹ Tawan ra dimaia ilka uli auya kan ba ra, tiara nani tawan ba wina lî panhkaia taki aula kan ba aikuki prawan, bara baha nani ra makabi walan: —¿Diara kakaira ba wal yang nani nâra prawamna sa ki?

1 Samuil 9:11 ပူးပေါင်းရင်းမြစ်များ

Blasi Sturka 24:11

Alba waitna ba tawan lata tani ba kat wan ba ra, lapta ba mahka tihmia iwi kan. Baha awarka kat mairin nani ba liwanhta ra balan lî panhkaia. Alba waitna ba ai kiamilka nani ba ris bribia dukiara, liwanhta kum lamara yan bawi kan.

Blasi Sturka 24:15

Bamna witin kau ai pura suni kan ba ra, pat kaikan tiara kum aula sa lî watla kum ai pahpaya ra twilki. Baha ba Rebeca kata, Betuel luhpia aisika ba sika, Ebraham muihnika Nahor, maya mairin ba Milcá, witin nani ai luhpia sika tiara ba.

Blasi Sturka 29:8

Sakuna sepad nani bila pana win: —Yang nani sip baku daukras. Yang nani bîla kaiki kaia sna sepad nani sut ba ai sîpka daknika nani bri ba sut bri balbia ba kat; bara baku lika sip sa, walpa tara ba liwanhta pura ba wina saki daiwan bâra nani ba lî dakakaia.

Blasi Sturka 29:9

Jekob witin wal kau aisi kan ba ra, kaiks Raquel aula sa ai daiwra daknika ba wal, witin ba sepad mairin kan bamna.

Impakan Sturka 2:16

Bara Madián prîska Reuel luhpia mairin nani 7 ba balan liwanhta ba ra, ai aisika sîpka nani lî panhki dakakaia bara laya watla nani sin banhkaia dukiara.

Sins Lâka 24:15

Man upla watawikira bui upla kasakkira watla ba nina maya dimi aihwakpara; ai bawaika ba sin sauhkpara,

Wihta Nani 5:11

¡bukra, daiwan lî dakakaika nani ba tilara, upla nani ra sin wis miusik binka dauki ba man nani walma ba ra, Dawan ai waihla nani pura luan ba, baha man nani maisa paks, Israel tawanka luhpia nani sin ai waihla nani pura luan ba dukiara puram wini aisas!

1 Samuil 9:10

—Baku kabia —Saúl win—. Kaisa yawan bahara waia. Witin wâl impakan Gâd prapitka bâra ba tawanka ra waia.