1 Samuil 8:7 - DAWAN BÎLA AISKA

⁷ sakuna Dawan pana witin ra win: “Upla nani diara sut makabi ba kupia lâka ba kat dauks. Witin nani man ra lulki mai swiras, sakuna yang ra sika ai lulkisa, ai kingka kamna ba brin daukras.

1 Samuil 8:7 ပူးပေါင်းရင်းမြစ်များ

Impakan Sturka 16:8

Moses sin ban kau pura praki aisin: —Tutni ra Dawan bui man nani ra wîna piaia maikbia, bara titan ra sin plun wala ailal piaia maikbia, man nani bui witin ai mapara rangbi aisaram ba witin walan bamna. ¿Man nani aisaram dîa muni yang nani na ya? Man nani lika yang nani maipara rangbi aisaras kapram, sakuna Dawan mapara aisaram.

Aiseya 66:4

Yang sin brimni, witin ai trabilka wahwi ba, bara bri balamna, witin nani uba sibrin bri ba; kan yang winri bara upla kumi sin ai aisaras kan, aisari bara kumi sin ai walras kan; witin nani daukan dukia ba, yang mita yamni kaikras kapri. Yang kupi baiwi dukia witin nani brin.”

Jirimaya 34:14

Ju atkan kum ai dawanka albika 6 mani takuya bara 7 mani alkaia manka ba pri swiaia sa. Sakuna damikam nani lâika ba kulkras bîli wali daukras kan.

Isikiel 2:3

Witin kau ban aisi kan: “Upla luhpia, yang bui Israel luhpia nani ra mai blikisna, baha tawanka bîla walras ba, bara yang maipara buan sa. Witin nani, bara ai almukka nani sut kira maipara buan, naiwa yua kat.

Isikiel 3:7

Sakuna Israel luhpia nani mai walan daukras kabia, kan Israel luhpia nani yang aisisna ba walan daukras kan. Witin nani sut ba brabrukra sa bara lal sin karna.

Kulki Kaikanka 22:20

Tihmia Gâd Balaam ra latan takan, bara win: —Baha waitnika nani man mamta balan sa kaka, man lika witin nani aikuki was, sakuna dîa yang mai wimna ba kat man daukaia sma.

Matiu 10:40

“Ya ya man nani ra pain mai bri ba, yang ra ai brisa; ya yang ra ai bri ba, witinka ai blikan ba ra brisa.

Luk 10:16

Jisas naha sin ai disaipilka nani ra win: “Ya man nani ra mai wali ba, yang ra sika wali ba; bara ya man nani ra mai briras ba, yang ra sika ai briras ba; bamna ya yang ra ai briras ba, ai blikan ba ra sin briras sa.”

Luk 19:14

Sakuna ai kuntrika uplika nani mita misbara kaikan, bara witin ninara upla nani bliki, maisa paki, win: ‘Yang nani want apia sna naha waitnika wan kingka kabia.’

Luk 19:27

Bamna waihli nani yang ai kingka ai briaia apia win ba, nahara brih bal, maiwan kat sut iki banhs.’ ”

Jan 13:16

Kasak pali yang mai wisni, alba kumi sin kau tara apia sa ai dawanka ba wal, bara blikan uplika kumi sin kau tara apia sa witinka bui blikan ba wal.

Wihta Nani 8:23

Sakuna Gedeón pana witin nani ra win: —Yang sin apia, luhpi nani sin apia man nani puram wihtka aimakaia. Sakuna Dawan mita man nani puram wihtka aimaki kabia.

1 Samuil 10:19

Sakuna nanara man nani Gâdkam lulki swisma, sarkam lâka trabilkam nani sut wina witin pri mai sakan, sakuna nanara man nani wisma: ‘King kum mangki aik, yang nani purira aimakbia.’ Bamna nanara Dawan mawanra bal upla kiamka nani sut, taika kumi bani kiamka nani sin.

1 Samuil 12:1

Ningkara Samuil Israel uplika sut ra naku aisin: —Nanara man nani kaikisma diara sut yang ra makabram ba maikri, kingkam sin mangki maikri.

1 Samuil 12:12

Sakuna man nani kaikram Nahas, Amón kingka mampara aiklabaia buan ba ra, Dawan Gâdkam man nani kingkam brisma, ban sakuna yang ra makabram king kum mangki maikamna.

1 Samuil 8:22

bara Dawan pana witin ra win: —Witin nani makabi ba dauks bara king kum saki mangki yas. Bara Samuil bui Israel luhpia nani ra win, witin nani kumi bani ai tawanka nani kat kli tawi waia.

1 Samuil 8:8

Idsip wina saki bri balri ba yua wina naiwa kat, witin nani ai daukanka ba ban baku baman daukisa bara man ra sin daukuya. Witin nani lika yang ra ai swin, gâd wala nani warkka daukaia mata.