1 Samuil 8:5 - DAWAN BÎLA AISKA

⁵ bara witin ra wiaia: “Kaiks, man pat almuk takisma, bara luhpiam nani man yabalkam ra wapras; baha mita yang nani brin ai daukisa man bui king kum mangki wankaia, bara witin bui wan lâka nani dauki kabia, nisan wala nani ai kingka bri ba baku yang nani sin briaia.”

1 Samuil 8:5 ပူးပေါင်းရင်းမြစ်များ

Kulki Kaikanka 23:9

Naha walpaya tara nani pura wina kaikisna, kiuhsi pura wina sin kaikisna: baha uplika nani ba ai mânka bâra iwisa, uplika nani ba nisan wala nani wal baku apia sa.

Apastil Nani Sturka 13:21

Baha ningkara witin nani king kum makaban, bara Gâd mita Quis luhpia Saúl ba king mangki yan mani 40 kat; witinka ba Benjamín kiamka kata.

Wihta Nani 8:22

Bara Israel luhpia nani witin ra win: —Nanara, man aiklabi Madián uplika nani mihta wina pri wan sakram bamna, yang nani brin ai daukisa man bara kiamkam nani aikuki, yang nani puri wihtka aimaki kaia.

1 Samuil 10:19

Sakuna nanara man nani Gâdkam lulki swisma, sarkam lâka trabilkam nani sut wina witin pri mai sakan, sakuna nanara man nani wisma: ‘King kum mangki aik, yang nani purira aimakbia.’ Bamna nanara Dawan mawanra bal upla kiamka nani sut, taika kumi bani kiamka nani sin.

1 Samuil 12:13

Bamna man nani makabi bâk saki briram kingka ba, nâra brisma, Dawan nanara maikisa.

1 Samuil 12:17

Nanara plawar mâ krikaia piua sa, lî auhras bara mani piua sa, ¿ban apia? Sakuna nanara yang Dawan ra wimna bara witin bui alwani bara lî sin blîkbia, bamna man nani kaikma bara tânka sin brima, man nani saura pali daukram king kum makabram ba.”

1 Samuil 12:2

Bahamna nanara witin tâm bribia, yang kau tukta kapri ba yua wina tâm briri na yua kat. Nanara almuk sna, laila sut pihwan, luhpi nani sin man nani tilamra sa,

1 Samuil 9:20

Birikukam nani tiwan pat yu yumhpa bri ba dukiara lika sari bripara, baha nani lika pat sakan sa. Sakuna Israel luhpia nani diara kum kau tara pali brin dauki ba sika, man bara wamtla uplika nani ba sut sin.