1 Samuil 6:17 - DAWAN BÎLA AISKA

¹⁷ Gul yukrika nani matsip ba filisteo nani bui ai saurka nani mana baku prisantka Dawan ra yaia daukan ba, baha ba tawan matsip dukiara kan: Asdod, Gaza, Ascalón, Gat bara Ecrón;

1 Samuil 6:17 ပူးပေါင်းရင်းမြစ်များ

2 Samuil 1:20

Gat uplika nani ra wipara, Ascalón yabalka nani ra sin sturka na aisapara, filisteo mairin nani ba lilia takbia apia dukiara, baha idan mairin nani ba sin lilia pulbia apia mata.

2 Samuil 21:22

Naha uplika tara nani walhwal ba sut, Réfah luhpia nani kan, Gat wina atia, sakuna sut Debit bara suliarka nani mihta ra kauhan.

2 King Nani 1:2

Bara Ocozías ba king watla kum Sameria ra kan ba windarka pura pali ba wina kauhan, bara latwan pali brin. Bara sturi twatwilkra nani bliki win, Ecrón gâdka Baal-zebub ra tânka pliki kaikbia, naha sikniska na wina witin rawbia sapa.

2 Kronikas 26:6

Ozías ba filisteo nani mapara buaia diara kum daukan baku munka plapaia, bara Gat, Jabnia bara Asdod ra kutbanka nani slingban, bara Asdod tasbaya ra tawan nani paskan filisteo nani tilara.

Jirimaya 25:20

bara upla wala nani masraka sât sât nani bâra ba nani ra sin; Us tasbaya kingka nani sut ra, filisteo nani tasbaya aiska ra: Ascalón, Gaza, Ecrón, Asdod ra takaski nani ba sin;

Libait Lâka 5:7

“Saura daukan uplika ba, sîp kum, apia kaka guts kum kra sin atkaia lalahka âpu sa kaka, butku tara wâl, apia kaka butku kau sirpi nani ba wâl brih wabia, Dawan mawanra buaia ai saurka daukan ba mana yabaia. Daiwra kum ba saurka daukan ba mana sakripaiska daukbia, daiwan wala ba aiska angki daukaia sakripaiska ba daukbia.

Emus 1:6

Dawan naku aisisa: “Gaza uplika nani ba, saura ailal pali daukan, bamna yang, baha nani ba klala yabras swimna apia; kan witin nani mita tawan kum uplika nani aiska alki priski brih wan, bara Edom tawanka ra bri si alba kaia dukiara atkan wan bamna.

Emus 6:2

Man nani Calné tawanka bâk kaiki lui was, baha wina tawan tara Hamat bâk sin kaiki lui was; baha wina filisteo nani tawanka tara Gat ba sin wih kaiks. ¿Lukisma man nani ba kau pain sma, baha nani tawanka wal? ¿Man nani tawankam ba kau pain sa ki, baha nani tawanka ba wal?

Kli Smalkanka 28:27

“Dawan bui maikbia sukwan sikniska, yukri, sus bara bulpis, Idsip uplika nani ra daukan kata baku pât wauhma, bara naha sikniska nani wina sip rawma apia.

Wihta Nani 1:18

Ban sakuna, Gaza, Ascalón bara Ecrón tawanka nani lika sip dakbi briras kan, tasbaya nani ai lamara ba sin apia.

Wihta Nani 14:19

Baha ningkara Dawan spiritka ba Samson ra iwan, bara witin waitna karna takan; bamna Ascalón ra wan, bahara 30 waitna ikan baha tawanka uplika nani ra. Bara baha nani kwalka nani ba ni 30 waitna nani ra aibapan, witin dahra prakan tânka makabi walan ba param saki win ba waitnika nani ra. Ban sakuna, witin ai kupia sauhki ai aisa watla ra wan,

Wihta Nani 16:1

Yu kumi Samson kirhbi filisteo nani tawanka Gaza ra wan. Bahara rug mairin kum wal prawan, bara baha tihmika ba mairka ba watla ra yapaia wan.

Wihta Nani 16:21

Bara filisteo nani bal alki ai nakra wâl ba daikan, bara Gaza ra brih wan, bahara bras sialaka ni priski silak watla ra mangkan, akbaia walpaya wilbi lakaika ba yaban akbi kan.

1 Samuil 5:1

Filisteo nani Gâd lâka auhbaika watla ba dakbi brih wan Eben-ézer wina Asdod ra;

1 Samuil 5:10

Bara Gâd lâ auhbaia watla ba filisteo nani Ecrón ra brih wan. Sakuna lâ auhbaia watla ba brih wan ba ra, Ecrón uplika nani sin ini yahwan: “¡Israel Gâdka lâka auhbaia watla ba nâra bri balan sa wan iki tikaia dukiara!”

1 Samuil 5:8

Ba dukiara filisteo wihtka tara nani ba sut paiwan, witin nani wal aikuki asla takaia, bara makabi walan: —¿Yawan dîa daukaia sa, Israel Gâdka lâ auhbaika watla ba wal? Witin nani pana win: —Gat tawanka ra brih was. Bara lâ auhbaia watla ba filisteo nani bui Gat ra brih wan.

1 Samuil 6:4

Filisteo nani makabi walan: —¿Yawan dîa prisantka yaia sa wan saurka mana? Prîska nani ba win: —Yukri lilka puskan matsip gul ni daukaia, matis sin matsip gul ni daukaia, bara filisteo wihtka bani ra kum yabaia, kan wihta tara nani bara man nani sut baha sikniska ba mai alkan bamna.