1 Samuil 4:3 - DAWAN BÎLA AISKA

³ Aiklaklabra nani ba plapi kli kiamp ra balan ba ra, Israel almukka nani ba bila win: “¿Naiwa na dîa kan Dawan ba lulki wan swin, bara filisteo nani bui rau wan sauhki na? ¡Kaisa Siló ra waia Dawan lâ auhban ba bri balaia, baku Dawan wan tilara wabia bara wan waihla nani mihta wina swaki wan sâkbia!”

1 Samuil 4:3 ပူးပေါင်းရင်းမြစ်များ

2 Samuil 15:25

Sakuna king ba Sadoc ra win: —Gâd lâka auhbaia watla ba kli tawan ra brih was, Dawan bui yang ra yamni ai kaikisa kaka, kli ai bri balbia; bara ai lâka auhbaia watla ba mairikbia, witin takaski ba watla ba sin.

1 Kronikas 17:1

Bamna Debit pat king watla ra takaski kan ba piua ra, prapit Natán ra win: —Kaiks, yang lika yalam dusa ni paskan watla ra iwisna, ban sakuna Gâd lâka auhbaia watla ba kwala ni daukan watla ra sa.

Lawana Nani 74:1

Dawan, ¿man dîa kan wan lulki wan swiram ban kaia ra? ¿Dîa kan lawankam tara wan purara blikram, sîpkam dakni nani tilara?

Lawana Nani 74:11

¿Dîa kan man mihtam karnakira yukukisma ki? ¿Dîa kan mihtam nani ba kruski brisma ki?

Aiseya 50:1

Dawan aisisa: “¡Man nani lukpara waitna ai maya lulki swi ba baku, yang, Israel ba lulki swiri, apia kaka witin nani alba baku man nani ra atkri, witin nani ba yang wal tras diman aibapras ba tâwan! Wals man nani watawikam lâka ba mita sika mai atkan ba; man nani maipara buaia lâka brisma ba mita sika yaptikam Israel mita mai lulki mai swin ba.

Aiseya 58:3

Bara ban sakuna, witin nani wisa: ‘¿Yawan dîa muni kaiki plun wahwaia, Dawan tawi wan kaikras ba? ¿Yawan dîa muni mâyara bawi pât taki kaia, witin baha tânka sin briras ba?’ Sakuna damra wals, man nani kaiki plun piras sma ba yua ra, man nani brinkam ba kat hilpkam daukaia plikisma, bara warkkam tatakra nani ra diara dakbisma.

Aiseya 59:1

Dawan karnika ba, kau sirpi takras sa, swaki sakaia kat praiska baku, witin sin kiama prawra takras bara wan walras kaia prais kat sa.

Aiseya 59:2

Sakuna man nani, watawikam lâka nani ba mita Gâdkam wal aihka dakbi mai sakan, saurkam nani ba mita, witin ai mawan ba man nani wina yukukan mai walaia apia lukan.

Jirimaya 3:16

Ani yua man nani upla ailal pali kuntrikam ra sauhkma, bara luhpiam nani ailal pali brima ba ra, upla kumi sin kli Dawan lâka auhbaika watla ba dukiara aisabia apia; upla kumi sin bahara luki kabia apia, baha dukiara sin kli kupia krawbia apia; baha sin want apia kabia, raya wala sin paskbia apia. Yang, Dawan, mai wisna.

Jirimaya 7:4

Baha nani kunin mai muni naku aisi ba ra kasak luki banhpara: ¡Dawan tempelka ba nâra sa, Dawan tempelka ba nâra sa!, aisi ba.

Kulki Kaikanka 10:33

Witin nani baku Dawan ilka ba wina mahka yabal ra impakan yu yumhpa. Bara Dawan lâka auhban watla ba witin nani ai tâura bri impakan, anira takaskaia pliki banhwi kan ba kat.

Kulki Kaikanka 10:35

Lâ watla ba mahka twilki impakuya ba ra, Moses naku aisi kan: “¡Dawanki, mahka bus! ¡Waihlam nani ba muns plapi yakabrira tawbia! ¡Kang mai kaiki, misbara mai kaiki nani ba plapi banhbia!’’

Kulki Kaikanka 31:6

Bara Moses bal baha uplika nani ba war ra blikan, prîs Eleazar luhpia Finees sin tâura wabia win. Finees sika Dawan watla wina kâp bara trumpit nani sin brin, waihla nani ra aiklabi pura luaia ba dukiara.

Kli Smalkanka 29:24

“Baku bamna, tasba aiska ba mita makabi walbia: ‘¿Dîa muni Dawan naha uplika nani ra naku daukan? ¿Dîa kan uba pali ai kupia baiwanka ba blikan?’

Kli Smalkanka 31:26

“Naha lâka wauhkataya na man nani bris, bara Dawan Gâd kum lâka auhbaia watla lamara swis, witnis baku kabia man nani mampa ra.

2 Timoti 3:5

Gâd ra lukaia lâka ba pain talia kulki nani kabia, sakuna ai daukanka ba ni lika apia, kristian lâka kasak karnika ba daukbia apia. Bahmuna uplika wal man lika diara âpu bas.

Hibru Nani 9:4

Bahara dus mâka kîa pain angkaia dukiara gul altarka kum bâra kan bara lâ auhbaia watla ba sin, baha ba aiska pali lalah pali ni lalaubi prakan kata. Lâ auhbaia watla ba gul ni lalauban kan kir ba bahara kâp kum bâra kan bara bahara manâ ba bri kan; Eran bri kan dusa urhwi pâwata ba sin lâ auhbaia watla bilara kata, bara lâ daukan bîla ulban walpaya wâl ba sin.

Jasua 4:7

bara man nani bui witin nani ra wima: ‘Yu kumi kan Dawan lâka auhbaia watla ba Jordan awala bâk brih twilki luan bara lî ba lâ auhbaia watla ba mawan lilak tar baiki lâkan kan, baikanka wâl daukan. Bara naha walpaya nani na, baha takan ba dukiara luki Israel luhpia nani wan kupia krauki kabia nâra bri balan ba.’ ”

Jasua 6:6

Bara Jasua bui prîs nani ba paiwi sturka ba win: “Man nani bui Dawan lâka auhbaia watla ba brih was, bara man nani wina 7 ba, Dawan lâka auhbaia watla ba twilki tâura wapi bas, bara kumi bani sin mihtam ra sîp aringka ni daukan trumpitka ba bri bas.

Jasua 7:7

Bara Jasua lika Dawan ra naku ai pura sunan: —¡Ay, Dawanki! ¿Dîa yang nani na, amorreo nani mihta ra aimakaia baman Jordan awala baila wala ra lui banhri ki, bara witin nani mita ai sauhki tikaia? Naku takaia ba win kata kaka, yang nani Jordan awala baila wala ra ban bâra kaina.

Jasua 7:8

¡Ay, Dawan! ¿Israel luhpia nani, ai waihla nani mawan wina ai nina tawi plapan ba, nanara yang dîa wimna?

1 Pita 3:21

Baha laya ba lika tahbi wan dauki laya ba lilka kan, naha mita sika nanara swaki wan saki ba. Tahbi daukaia lâka ba lika wan wîna ra tâski bri ba sikbi sakaia tânka apia sa, sakuna Gâd ra wan kupia dahra walra klin wankbia makabaia ba tânka sika. Bara swaki wan sakisa Jisas Kraist pruan wina kli buanka bâk.

Judas 1:5

Man nani pain nu sma, kuna brin ai daukisa, Dawan ba mita sika Israel luhpia nani ba Idsip wina sakan, ningkara witin nani tilara, ani uplika nani kasak lukras kan ba âpu sauhki tikan.

1 Samuil 1:24

Tiala dakban ba ra, tukta ba kau sirpi kan, sakuna Siló ra ban brih wan Dawan watla ra, bara bîp wainhka ba sin yumhpa bri wan, plawar mâ 22 litro wihki wain sumi kum sin brih wan.

1 Samuil 14:18

Baha yua nani ra Gâd lâka watla ba Israel luhpia nani tilara bri kan bamna, Saúl bui Ahías ra win: —Gâd lâka watla ba nâra bri bal.

1 Samuil 4:2

Filisteo nani ba ai kan kahbaika ba kutbi daukan Israel mapara, witin nani aiklaban bara Israel luhpia nani ra pura luan bara aiklaklabra waitna nani 4,000 ikan baha aiklabanka ra.