1 Samuil 31:6 - DAWAN BÎLA AISKA

⁶ Baku baha yua Saúl ai luhpia yumhpa ba, ai hilpika bara ai suliarka nani sut aikuki pruan.

1 Samuil 31:6 ပူးပေါင်းရင်းမြစ်များ

2 Samuil 1:1

Saúl pruan ba ningkara, Debit Amalec uplika nani ra aiklabi pura lui si kli Siclag ra wan, bahara yu wâl takaskan.

2 Samuil 1:12

bara Saúl ai luhpia Janatan wal pruan ba dukiara ini, ai kupia wirha pali brin, Israel luhpia nani, Dawan war aiklaklabrika nani ra waihla nani bui pura luan ba dukiara, bara kaiki sin plun piras ban tutni kat kan.

1 Kronikas 10:6

Baku baha yua ra Saúl, ai luhpia nani yumhpa bara ai watla uplika aiska aikuki prui tiwan.

Wihta Nani 9:54

Abimélec isti pali war kiaptinka ai lamara kan ba ra winan balan, bara win: “Pruisna bara sordkam ba saki man ai iks, kan yang want apia sna, ningkara upla nani aisabia Abimélec kata ba mairin mita ikan.” Bara kiaptinka ba ai sordka ba saki witin ra saban, bara witin baku pruan.

1 Samuil 11:15

Baku ba ra upla sut Guilgal ra wan, bahara Dawan mawanra, Saúl ba king mangkan. Baha ningkara kli wan uplika takaia bara kupia kumi takaia sakripaiska nani daukan, bara Israel uplika sut sin lilia tara brin.

1 Samuil 12:17

Nanara plawar mâ krikaia piua sa, lî auhras bara mani piua sa, ¿ban apia? Sakuna nanara yang Dawan ra wimna bara witin bui alwani bara lî sin blîkbia, bamna man nani kaikma bara tânka sin brima, man nani saura pali daukram king kum makabram ba.”

1 Samuil 12:25

Sakuna man nani saura ba ban takaskras daukisma kaka, man nani bara kingkam sin sauhki tikan kabia.

1 Samuil 26:10

Dawan nina ra yang swer aisisni, witin bui rayaka ba sâkbia, ai piua balbia bara prubia, apia kaka war aiklabi prubia.

1 Samuil 28:19

Baha purkara, Israel luhpia nani bara man sin Dawan bui filisteo nani karnika mihta ra mai mangkbia bara yauhka man bara luhpiam nani sut yang wal kabia. Bara Dawan sin daukbia Israel luhpia nani kiampka ba filisteo nani mihta ra kauhbia.

1 Samuil 31:5

Ai hilpika ba kaikan Saúl ba pruan kan, bara witin sin ai sordka ba saki baha pura kat kauhi witin wal pruan.

1 Samuil 31:7

Israel luhpia nani il bîla baila wala ra iwi kan ba, Jordan lalma tani ra sin iwi kan ba sut kaikan, Israel aiklaklabra nani ba plapan, Saúl bara ai luhpia nani sin pruan ba, witin nani sin ai tawanka swih plapan. Bamna filisteo nani wih baha nani tawanka ra iwan.