1 Samuil 31:4 - DAWAN BÎLA AISKA

⁴ Baku bamna, ai hilpika sord twilki kan ba ra win: —Sordkam saki baha ni ai iks, naha idanka nani bal ai iki yang wal ai liliaka briaia apia tâwan. Sakuna hilpika ba baku daukaia brin daukras kan, witin sibrin pali dauki kan ba mita. Bara Saúl ai sordka saki baha purara kauhan.

1 Samuil 31:4 ပူးပေါင်းရင်းမြစ်များ

2 Samuil 1:1

Saúl pruan ba ningkara, Debit Amalec uplika nani ra aiklabi pura lui si kli Siclag ra wan, bahara yu wâl takaskan.

2 Samuil 1:14

Debit ai bîla baikra karna saki aisin: —Alai, ¿baku kan nahki man kupias taki, Dawan bui bâk saki mangkan kingka ba mapara mihtam bukram?

2 Samuil 1:20

Gat uplika nani ra wipara, Ascalón yabalka nani ra sin sturka na aisapara, filisteo mairin nani ba lilia takbia apia dukiara, baha idan mairin nani ba sin lilia pulbia apia mata.

2 Samuil 1:6

Waitna ba pana win: —Yang tâinka briras nahki, sakuna Guilboa ilka ra kapri ba ra, kaikri Saúl ai langsika purara ai tâ baiki bâra kan, bara waihla nani ba sin aras ra uli wagin nani bri pat lamara aula kan alkaia.

2 Samuil 17:23

Ahitófel kaikan witin diara daukaia lukan ba baku sip takras kan, witin ai birikuka ba satil mangki uli ai watla ra wan; bara witin ai tawanka ra ai watla bîla dukia nani sut wapnika mangki si, ailangki pruan. Baku pruan, bara bri si ai papika raitika ra bikan.

2 Samuil 21:12

Debit wan bara Saúl dusa yuyaka nani, luhpia Janatan dusa yuyaka nani, Galaad ra Jabés bri kan ba sut wahbi brin, filisteo nani Saúl ra Guilboa ra pura lui ikan bara dusa nani ba, Bet-seán ra pulaia pliska ra swin kan ba wina baha impliki brin kan ba.

1 King Nani 16:18

Bamna Zimrí kaikan tawan ba brin kan, witin king iwaia ba watla ra dimi wan, bara watla ba pauta ni angkan, king ba baha bilara ami pruan.

1 King Nani 16:27

Omrí sturka nani bara dîa daukan ba, aiklaklabra kupia karna kan ba, Israel kingka nani sturka ulban wauhkataya ra ulban sa.

1 Kronikas 10:4

Baku bamna, war aiklabia dukia nani wal witin ra tâ baiki kan ba ra witin win: “Sordkam ba saki ai sabi ai iks, baku mika baha idan nani ba bal, yang wal ai lilia bribiara.” Sakuna witin ra tâ baiki kan waitnika ba baku daukaia brin daukras, sibrin dauki kan. Bara Saúl ai sordka ba tasba ra bapi, baha purara kauhan.

Wihta Nani 14:3

Sakuna ai aisika nani pana witin ra win: —Luhpi, ¿dîa muni man filisteo mairka idan nani ba tila kat wih, mayam briaia plikisma? ¿Yawan wan taya nani tilara bara Israel taika nani sut tilara sin mairin âpu sa ki? Samson pana win: —Yang baha tiara ba sika brinki sa, witin baha wal mayi takan ai daukisa.

Wihta Nani 9:54

Abimélec isti pali war kiaptinka ai lamara kan ba ra winan balan, bara win: “Pruisna bara sordkam ba saki man ai iks, kan yang want apia sna, ningkara upla nani aisabia Abimélec kata ba mairin mita ikan.” Bara kiaptinka ba ai sordka ba saki witin ra saban, bara witin baku pruan.

1 Samuil 14:6

Bara Janatan ai hilpika ra win: —Bus, kaisa tnaya wala ra iwi waia, bara baha idanka nani bâra ba wal prawbia kat. Ban kra Dawan diara kum daukbia yawan wan dukiara, yawan upla ailal kra, upla maura kra kabia, sakuna witin sip sa pura luaia lâka ba wankaia.

1 Samuil 17:26

Debit makabi walan, upla nani ai lamara kan ba ra: —¿Ya naha filisteo na iki, swira lâka ba Israel wina diki sâkbia ba mana, dîa pali baha waitnika ra yabia? Kan, ¿witin na ya sa ki, filisteo idan saura na Gâd rayakira suldiarka nani ra bit munaia?

1 Samuil 17:36

Baku layan kum bara wingku tara kum sin, yang warkkam dadaukra mita ikatna. Naha filisteo idan na ra sin baku takbia, witin ba Gâd rayakira suldiarka nani mapara bûi bamna.

1 Samuil 26:10

Dawan nina ra yang swer aisisni, witin bui rayaka ba sâkbia, ai piua balbia bara prubia, apia kaka war aiklabi prubia.

1 Samuil 31:5

Ai hilpika ba kaikan Saúl ba pruan kan, bara witin sin ai sordka ba saki baha pura kat kauhi witin wal pruan.