1 Samuil 30:26 - DAWAN BÎLA AISKA

²⁶ Debit ba Siclag ra wan ba ra, witin diara nani brin ba wina mânka kum tnaya ra sakan bara Juda ra ai uplika nani almuk nani ra prisantka blikan, naha bîla na wal: “Naha prisantka man nani brisma na, Dawan wailhka nani ba wina dakbi briri ba wina mânka kum sa.”

1 Samuil 30:26 ပူးပေါင်းရင်းမြစ်များ

Blasi Sturka 33:11

Muihki, mamkabisni naha prisantka nani yang bui man dukiam bri balri na man alks. Gâd bui yang ra sin yuyakira ai daukan sa, nanara yang sin diara nani aitani brisma. Jekob ba kli baku aisi kan ba ra, Isau baha prisantka nani ba brin;

2 Samuil 1:1

Saúl pruan ba ningkara, Debit Amalec uplika nani ra aiklabi pura lui si kli Siclag ra wan, bahara yu wâl takaskan.

2 King Nani 5:15

Bara Gâd prapitka ra tawi balan, witin bara ai uplika nani aikuki. Bara witin ai mawanra bal takaski win: —¡Nanara yang kaikisna tasba aiska ra Gâd wala âpu sa, sakuna Israel ra baman lika! Baku bamna, mamkabisna man diara kum prisantka brima man albikam na wina.

Lawana Nani 35:27

Baha nani yang puri lubia bara ai kaikaia luki nani ba, aiwani lilia kabia; witin nani takaskras kau aisi kabia aima bani: “Dawan ba tara pali kulkan sa; witin ai napakanka diara sut dauki ba yamni pali kaikisa.”

Lawana Nani 68:18

Gâd, man purara uli watma upla nani priski brih muni, lal mana sakram upla nani wina; bara man mampara babura nani sut ba, Dawan, man ra bawan.

Aiseya 32:8

Sakuna kasakkira kunin aisaras ba, kunin âpu lâka baman luki kaikbia, bara kunin âpu lâka ba mita purara bukan kabia.

2 Korint 9:5

Baha mita yang aitani lukri naha wan muihni nani ra makabaia man nani ra pas wih mai kaikaia, bara hilp mai munbia lalah yaia pramis munram ba sakaia. Baku lika man nani lalah sakram ba latwan lâka tânka baku ridi kabia, bara yang nani mita taibi mai munri tânka lika apia kabia.

1 Samuil 18:17

Yu kum Saúl bui Debit ra win: —Merab luhpi mairin almukka ba man mayam maikaisna, sakuna naha pramiska wal: Yang aiklaklabriki kum kupiam karna kama bara Dawan warka nani ba sin aiklabi kama. Saúl ai kupia ra lukan, baku witin pali mita lika Debit ba ikbia apia, sakuna yaka filisteo nani mita ikan kabia.

1 Samuil 25:27

Nanara yang bui man ra puri sunisni, naha prisantka nani bri balri na uplikam nani ra yui yan kabia;

1 Samuil 25:28

bara dukiam dadaukra mairin na pâtka ban swih tiks; kasak pali Dawan bui man mai alki bribia ai karnika ra, kiamkam nani sut sin, man Dawan dukiara aiklabisma bamna, bara rayakam yua sut ra pât saura wauhma apia.

1 Samuil 30:20

Debit sin sîp bara bîp nani sut kli dakbi brin, bara daiwan kangbi nani kan ba bila win, naha diara sut na Debit dukia.

1 Samuil 30:25

(Debit baha lâka daukan ba wina, naha yua kat Israel ra lâka ba ban sa.)