1 Samuil 30:20 - DAWAN BÎLA AISKA

²⁰ Debit sin sîp bara bîp nani sut kli dakbi brin, bara daiwan kangbi nani kan ba bila win, naha diara sut na Debit dukia.

1 Samuil 30:20 ပူးပေါင်းရင်းမြစ်များ

2 Kronikas 14:15

Baku sin bîp nani ailal bâra kan ba kiampka ra sin wih aiklaban, bara dakbi brih wan sîp nani ailal, kiamil nani sin ailal, bara witin nani kli Jerusalem ra tawi balan.

2 Kronikas 20:25

Bara baha ningkara Josafat ai uplika aikuki kupia tanh krawan, ai waihla nani diara swih wan ba wih wahbi briaia. Witin nani wan bara aiklabaia dukia nani, kwala nani bâra kan, bara baha sut witin nani wahbi kan. Diara ailal pali kan bamna, sut bri waia sip apia kan. Baha diara ailalka ba yu yumhpa wahbi kan.

Aiseya 53:12

Baha mita Gâd bui witin ra pliska kum yabia upla tara nani tilara, karnikira nani ba aikuki tilara pura lubia, kan witin pruaia ai wîna ba yan, watawikira nani tilara kulkan kata, kan kasak pali sika upla manis upla saura ba witin twilkan upla saura nani tâwan ai pura sunan.

Roman 8:37

Sakuna baha sut tilara, yawan na kau pura lalura sa, witin mita latwan wan kaikan bamna.

1 Samuil 30:21

Waitna nani 200 swapan pali kan ba mita witin nani wal aiklabaia sip waras kan ba, Debit baha nani ra wan, witin nani Besor tingnika ra bâra kan ba, sut taki balan witin ra bara ai uplika nani ra sin briaia. Debit baha nani lamara wan bara lakula daukan.

1 Samuil 30:26

Debit ba Siclag ra wan ba ra, witin diara nani brin ba wina mânka kum tnaya ra sakan bara Juda ra ai uplika nani almuk nani ra prisantka blikan, naha bîla na wal: “Naha prisantka man nani brisma na, Dawan wailhka nani ba wina dakbi briri ba wina mânka kum sa.”