1 Samuil 3:6 - DAWAN BÎLA AISKA

⁶ Sakuna Dawan kli Samuil ra winan: —¡Samuil! Samuil buan bara kli Elí ra wih win: —Yang nâra sna; ¿dîa daukaia ai winisma? Elí pana win: —Luhpi, yang mai winras. Kli wih aitniks.

1 Samuil 3:6 ပူးပေါင်းရင်းမြစ်များ

Blasi Sturka 43:29

Josep ai nakra ai tnaya ra kaikan bara Benjamín kat kang kaiki, witin wal aisa kumi yapti kumi muihnika ba, bara win: —¿Naha namna man nani muihkam sirpika ba, witin dukiara man nani sturi nani aisi katma ba? Yang luhpi, Gâd yamni mai munbia. Witin baku aisin ba ra,

2 Samuil 18:22

Ahimaas bui sin, kli Joab ra win: —Ban sakuna, ai swis yang sin Etiopía waitnika ninara plapamna. Sakuna Joab kli witin ra win: —Luhpi, ¿man dîa muni ban waia want sma? Baha sturka wima mana, man prisant kum sin brima apia.

Matiu 9:2

Bara wakia lâwi waitnika kum krikri ra tniki witin ra brih balan. Jisas baha uplika nani kasak lukanka ba kaiki, siknis waitnika ra win: —Luhpi, karnikam bris; saurkam nani ba ban swih tikan sa.

1 Samuil 3:5

Samuil plapi Elí ra wan, bara win: —Nâra sna; ¿dîa dukiara ai winisma? Elí pana win: —Yang mai winras. Wih aitniks. Samuil wih aitnikan.

1 Samuil 3:7

Samuil ba kau Dawan kakaira apia kata, kan Dawan ba witin ra kau param takras kan.

1 Samuil 4:16

Waitnika Elí ra win: —Nanara pali bal dimri, war aiklabi kiampka ba wina plapi swakri. Elí makabi walan: —Luhpi, ¿dîa pali takan?