1 Samuil 29:3 - DAWAN BÎLA AISKA

³ Bara filisteo war wihka nani Aquís ra makabi walan: —¿Naha Hibruka nani na, nâra dîa daukisa? Aquís pana witin nani ra win: —Naha na Debit, Saúl Israel kingka wihtka tara kata ba. Witin ba yang wal pat piu wihka takaskisa, baha yua wina naiwa kat ai swakwanka kumi sin yang kaikras.

1 Samuil 29:3 ပူးပေါင်းရင်းမြစ်များ

Blasi Sturka 14:13

Sakuna waitna kumi baman tila ba wina plapi swak takan. Bara witin balan bara Ebram Hibru waitnika ra sturka ba sut win. Witin amorreo usupum untika ra ai uplika nani Mamré, amorreo ba, Escol muihnika wala Aner nani aikuki bahara iwi kan.

1 Kronikas 12:19

Baku sin Manasés kiamka wina kum kum ba Debit ra wih asla takan, Debit ba filisteo nani tilara wih takaski Saúl mapara aiklabaia ridi takan ba ra. Sakuna Debit bui filisteo nani ra tâ baikras kata, ai lalka nani ai kupia kraukanka kum brin, naku aisi: “¡Yawan klauna wan lal nani tâka mita, ai mâsika Saúl ra tawbia! Bamna mahka blikan wan.”

1 Kronikas 12:20

Manasés kiamka wina waitna nani Debit wal asla takan kan ba, bara wal aikuki Siclag ra wan ba naha nani kata: Adná, Jozabad, Jediael, Micael, Jozabad, Elihú bara Siletai witin nani ba Manasés war aiklaklabrika nani wihtka tara nani kan.

Daniel 6:5

Ban sakuna, witin nani ai kupia ra luki si, aisi kaiki banhwan: “Yawan diara kumi sin sâkbia apia Daniel dahra kwahkaia, diara kumi wal lika, ai Dawanka lâka ba wal kaka lika sip kabia.”

Jan 19:6

Bamna prîs tara nani bara suldiar nani sin Jisas ba kaikan ba ra, mahka ai pura wini, win: —¡Dus prihni ra sas! ¡Dus prihni ra sas! Pailat bila: —Ban kaka, man nani mita witin ba bri si dus prihni ra sabi banhs, kan yang lika witin wîna ra watawanka kumi sin sakras sna.

Roman 12:17

Upla kumi ra sin saurka tâwan pana saura munpara. Trai muns upla sut mawanra diara pain baman dauki kaia.

1 Pita 3:16

Kupiam dara walra nani ba klir bri bas, bara baku mika ya ya mita man nani Kraist nina blablikra, yamni wataukisma ba mampara saura aisabia ba, ai bîla nani aisuya ba dukiara ai swira lukbia.

1 Samuil 14:11

Baku aisin ba ra witin nani wâlsut filisteo nani lamara wih, witin nani ra param takan. Filisteo nani bui witin nani ra kaikan ba ra aisin: “Man nani kaiks, Hibru nani tasba unta ra dimi yukuwan kata ba, nanara taki aula.”

1 Samuil 25:28

bara dukiam dadaukra mairin na pâtka ban swih tiks; kasak pali Dawan bui man mai alki bribia ai karnika ra, kiamkam nani sut sin, man Dawan dukiara aiklabisma bamna, bara rayakam yua sut ra pât saura wauhma apia.

1 Samuil 27:1

Ban sakuna, Debit luki kan: “Naiwa, yauhka kra Saúl ai ikbia. Baha mita kanra yamni yang filisteo tasbaya ra plapamna, bara Saúl ai âuyapah ai swibia, Israel tasbaya aiska ra sin kli ai pliki tauki kabia apia. Baku lika Saúl mihta wina swak takamna.”

1 Samuil 27:7

Debit filisteo tasbaya ra mani kumi pura kati walhwal iwan.

1 Samuil 29:6

Bara Aquís bui Debit ra tawi win: —¡Dawan raya sa, baha ba kasak sa, man ba waitna wapni kum sma! Kiamp ra man nahki diara dauki kapram ba yang yamni pali kaikri. Man bal ai kaikram ba yua wina yang lika man wina diara watawi kumi sin kaikras. Sakuna filisteo war wihtka nani man ra pain lukras sa,

1 Samuil 4:6

Filisteo nani baha binka ba walan ba ra, makabi walan: “¿Baha binka ba dîa sa Hibru nani kiampka ra taki ba?” Sakuna witin nani ai dara walan Dawan lâka auhbaika watla ba kiamp ra brih balan ba.