1 Samuil 28:21 - DAWAN BÎLA AISKA

²¹ Mairin ba kaikan Saúl sinska ba aihka takan, karnika âpu takan kan, bara ai lamara wih witin ra win: —Yang dukiam dadaukra mairin, man makabram ba daukri. Yang rayaki wal puli, man adarkam bîla walri.

1 Samuil 28:21 ပူးပေါင်းရင်းမြစ်များ

2 King Nani 6:11

Bara naha tâwan Siria kingka ba ai kupia tanis takan, bara ai wihtka tara nani ra winan balan, bara win: —¡Man nani param ai wis, yawan nani wan tilara yaba Israel kingka ba wal ai uplika sa sapa!

Job 13:14

Yang rayaki na pât mihta ra mangkaisna; rayaki na mihti bilara alki briaisna.

Wihta Nani 12:3

Man nani bîlam kaikri balras kapram ba ra, yang rayaki ba prura ra tawri kan, Amón uplika nani wal aiklabaia wari, sakuna pura luaia karnika ba Dawan bui yang ra aikan. ¿Bara man nani nanara lika dîa muni yang wal aiklabaia aulma?

1 Samuil 19:5

ai rayaka ba wal puli filisteo ba ikan, baku Dawan bui swaki sakan lâka aiska ba Israel ra yan. King tara ba dukiara kaiki lilia pali takan. ¿Bara dîa dukiara nanara king tara ba ai kupia mununhtara saura lukaia, upla pâtkas kum ba rayaka dukiara? ¿Nahki Debit ba pâtkas ikaia?

1 Samuil 28:20

Baha bîla nani Samuil aisin ba, Saúl walan bara sirang tara iwan. Tasba kat kauhan ai yarika ra, dring pruan, kakna bara tihmia sin plun piras kan bamna.

1 Samuil 28:22

Nanara yang bui man ra mamkabi aisisna na dauks, plun wiria dauki maikaisna man karnikam briaia bara kainamra impakaia dukiara.