1 Samuil 28:18 - DAWAN BÎLA AISKA

¹⁸ Man lika Dawan adarka bîla nani wali daukras, Amalec uplika nani iki âpu daukaia mai win ba sin daukras kapram. Baha mita nanara Dawan ba man wal naku daukan.

1 Samuil 28:18 ပူးပေါင်းရင်းမြစ်များ

1 King Nani 20:42

Bara prapit ba witin ra win: —Dawan naku wisa: ‘Man mita waitnika ba swiram plapan, witinka pruaia pâtka brin kata ba; rayaka ba mana man rayakam ni aibapaia sma, uplikam nani ba witin uplika nani wal kulkan sa.’

1 Kronikas 10:13

Bamna baku Saúl ai saurka ba mita pruan, kan witin saura daukan bara Dawan lâ yan ba kulkras, sukia kumi ra ni wih wal aisin,

Jirimaya 48:10

(¡Baha uplika Dawan ai warkka daukaia yan ba liliakira daukras ba saura pali kabia! ¡Saura pali kabia baha uplika ra upla iki nani ba tilara dimi ikras ba!)

1 Samuil 13:9

Saúl baha kaiki, adar yabi win: —Aiska angkaia daiwra nani ba bara kli wan uplika takaia sakripaiska nani ba sut bri bal. Bara witin mita aiska angkaia sakripais nani ba daukan.

1 Samuil 15:20

Saúl pana witin ra win: —Yang Dawan adarka bîla ba kat walri, witin daukaia karnika wal ai blikan ba kat daukri. Agag Amalec kingka ba alki priski bri balri, bara Amalec uplika nani sut sin sauhki tikri.

1 Samuil 15:28

Bara Samuil bui Saúl ra win: —Prâika kalwan na baku natka ra, Dawan sin naiwa Israel kingka lâka wina mai kalki sakisa. Man wina dakbi sakisa bara kuntrikam uplika wala kum ra man wal kau pain ba ra yabuya.

1 Samuil 15:9

Ban sakuna, Saúl bara ai aiklaklabrika nani bui Agag ba ikras kan, daiwan kau pain, sîp wainhka nani, sîp mairin, bîp wainhka nani, bîp luhpia batanira nani kan ba, diara kau pain mana tara dukia nani kan ba sin sut sauhki tikras kan. Witin nani iki sauhki tikan ba lika diara bahki nani, diara sipar nani ba baman sauhki tikan.