1 Samuil 26:19 - DAWAN BÎLA AISKA

¹⁹ Yang bui king ra puri sunisni, man albikam aisinka na wals: Dawan bui king ba yang maipara blikisa kaka, prisantka kum yabrika bribia kaka lilia kamna; sakuna waitna bui daukisa kaka, Dawan bui lahtubia. Kan nanara Dawan tasbaya wina saki ai lulkan, bara baku plaitukbisa gâd bahki nani dukia daukaia.

1 Samuil 26:19 ပူးပေါင်းရင်းမြစ်များ

Blasi Sturka 44:18

Bamna Juda ba Josep lama pali ra wan bara win: —Âu, yang bui man ra puri sunisni, dawanki, du pliskam, yang lika man wal baman wiria aisaia brin ai daukisa. Pliskam pali, yang ra lawpara, man na king fero wal baku tara sma, man wal aisisna ba king fero wal aisisna baku sa.

Blasi Sturka 8:21

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku.

2 Samuil 14:16

Âu, king tara, yang ra walma kaka, sip kabia swaki ai sakaia baha uplika yang nani ra ai daiki sakaia brin dauki nani ba wina, yang luhpi ra bara yang ra sin, naha tasbaya Dawan dukia na wina.

2 Samuil 16:10

Sakuna king ba pana win: —Seruiá luhpia nani, naha lâka na man nani mita daukaia apia sma. Witin bui yang ra laihtubisa kaka, Dawan bui baku witin ra adar yan ba mita sika. Bara baku sa kaka, ¿ya sip sa ki witin ra diara tânka makabi walaia witin dauki ba?

2 Samuil 16:11

Ba ningkara, witin Abisai ra bara wihta tara nani ra sin tawi, aisi, win: —Yang luhpi pali rayaki ba tikaia plikisa, bara Benjamín taika kum ba, ¡kau nahki prais saura lukisa lukisma! Swis witin nani saura ai wibia, Dawan bui witin ra adar yan kaia sa baku daukaia.

2 Samuil 20:19

Israel tawanka nani tilara, yawan wan tawanka na kumika ai tânka kasak brisa, lamni lâka bara kupia kumi lâka, ¡baha sika kau tara ba! Ban sakuna man ba ban sauhki tikaisma. ¿Dawan dukia ba dîa muni sauhki tikaisma?

2 Samuil 21:3

Debit bui witin nani ra makabi walan: —¿Yang nani dîa man nani ra daukaia sip sna? ¿Man nani ra saura mai munan ba mana dîa dauki bara kli wapnikam daukamna, Dawan uplika yamnika briaia ba?

2 Samuil 24:1

Dawan ba Israel luhpia nani mapara kli lawan, bara Debit ra adar yan upla nani ba kulki kaikaia, Israel bara Juda ra sin.

1 King Nani 22:22

bara spiritka ba mita win spirit kuninkira kum king prapitka nani ra yarka aisabia. Bamna Dawan win, baha pain sa bara witin wabia kunin munaia, bara baku wih daukbia.

1 Kronikas 21:1

Upla dahra kwakwahkra insalka ba Israel luhpia nani mapara taibi munan bara Debit ra munan upla nina ulbi kulkaia warkka kum daukan.

Lawana Nani 120:5

¡Yang umpira, Mésec ra tringsar baku iwisna bamna, Quedar tintka watla nani tilara waitla brisna!

Lawana Nani 20:4

Kupiam pliki ba kat maikbia, diara daukaia lukisma ba, sut dauki maikbia.

Sins Lâka 30:10

Alba ba saurka dahra kwahkpara ai dawanka ba mawanra, baku kaka ban kra man ra lamhtubi mai daukbia, bara saurka pâtka ba man mita twilkma.

Aiseya 60:5

Man baha kaikma piua ra, bara mamwan ingbia lilia mita, man kupiam ba lilia ni banhwan kabia; man ra dukia kukan ba kabu un tawanka wina kli tawi man ra aula ba kaiki. Nisan nani yuyaka kukanka nani ba sin kli tawi man ra aula bamna.

Libait Lâka 26:31

tawankam ba slingbi swimna, aidulka tempelka nani ba yuyaka baman, kîa pain nani bri balma ba kiawalamna apia.

Kulki Kaikanka 36:7

Baha tasbaya Israel ra kiamka kumi bani ra yaia kan yan ba, kiamka wala ra laki yan kaia apia sa, Israel luhpia bani ai tasbaya ba alki briaia sa, ai kiamka nani tilara.

Kulki Kaikanka 36:9

Prapati kumi sin sip apia sa kiamka wala ra laki yaia. Israel luhpia kiamka bani ai prapatika witin ra yan ba alki bri kaia sa.

Roman 14:15

Bamna man ani pata pima ba mita muihkam mina batakisa kaka, ba kat lika man latwan lâka âpu sma tânka marikisma. Baku bamna, plun sât kum kum piaia want sma ba mita, yarka upla kumi sin tiwbiara, kan baha tâwan sin Kraist pruan.

Galesha 5:12

Kuna Aisa sainka daukaia dukiara baha nani mai muni nani ba, ¡swis witin nani wih sim piua ra baman sut klakan kabia!

Kli Smalkanka 13:3

man nani bîla walpara. Kan Dawan Gâdkam man nani ra traikam kaikaisa man nani ba kupiam aiska bara sulkam aiska kira witin ra latwan kaikisma sapa.

2 Timoti 4:14

Alejandro bras warkka dadaukra ba, uya diara saura nani ai munan; Dawan mita witin ra dîa daukan ba kat ai mana yabia.

1 Samuil 18:10

Yu wala ra, pirit saura Dawan wina blikan ba Saúl ra diman, bara witin sinska saura takan utla bîla kat. Debit ai natka ba baku arp kangbi kan, Saúl ai langsika ba ai mihta ra bri kan, ai kupia ra lukan Debit ba utla tnaya kat sabi swiaia.

1 Samuil 24:9

bara witin ra win: —King tara ba, ¿dîa muni baha uplika nani aisi ba ra walisa, witin nani wisa yang bui king ra saura munaia plikisna?

1 Samuil 25:24

Baha ningkara ai mawan ra kauhan bara win: —¡Dawanki, watawanka ba yarka yang purira kauhbia! Man ra puri sunisni, ai swis man ra mai aisaia bara aisinki nani ba wals.

1 Samuil 27:1

Ban sakuna, Debit luki kan: “Naiwa, yauhka kra Saúl ai ikbia. Baha mita kanra yamni yang filisteo tasbaya ra plapamna, bara Saúl ai âuyapah ai swibia, Israel tasbaya aiska ra sin kli ai pliki tauki kabia apia. Baku lika Saúl mihta wina swak takamna.”