1 Samuil 25:36 - DAWAN BÎLA AISKA

³⁶ Abigail ba Nabal ra tawi wan ba ra, kaikan witin king kum baku ai watla ra pata tara dauki pi, lilia dauki kan, ai âuyapah, bla pali kan. Baha mita sip diara wiras kan, yu wala kat.

1 Samuil 25:36 ပူးပေါင်းရင်းမြစ်များ

2 Samuil 13:23

Mani wâl luan ba ningkara, Absalón uplika nani ba Baal-hasor ra, Efraín tasbaya lamara, sîp nani taya irbi kan, bara Absalón mita king luhpia nani sut paiwan witin wal plun piaia.

2 Samuil 13:28

bara ai albika nani ra adar yan kan: “Amnón ba aman pali kaiki bas, wain ba di lilia pali takbia ba ra yang bui man nani ra mai wimna, bara man nani bui witin ba iks. Man nani baha daukaia si bripara, baha yang adarki nani sa, bahamna man nani kupiam wilinkira bara karna bris.”

2 Samuil 3:20

Ningkara waitna yawanaiska kum aikuki Hebrón ra wan, bahara Debit bâra kan bara Debit pata tara kum daukan, Abner dukiara bara ai uplika nani ai yula kahbi wan ba dukiara sin.

1 King Nani 20:16

Bara yu wan lal kat awarka ra taki banhwan, bara Ben-hadad baha piua ra utla papakni ra dih bla taki kan, witin bara king wala nani 32 aikuki ai uplika takan nani ba sut kira,

Lawana Nani 112:5

Upla diara yamni dauki ba ai kupia kumi lin munisa, ai bisniska ba pain impakisa,

Sins Lâka 20:1

Wain blaka ba mita trabil bukisa upla ra; laya tahpla dih bara bin tara bukisa; bara ya ya baha nani mita watawi ba, sinskira apia sa.

Smasmalkra 10:19

Plun ba lilia piaia dukia sa bara wain ba sin, rayaka ra lilia yaia dukiara sa, sakuna baha dukiara lalah âpu sa.

Aiseya 28:3

Bara ai mina ra taibia, praut lâka nani ra bara kraun ra, baha Efraín tawanka dadira nani ba.

Aiseya 5:11

Alai kabia baha nani titan kat ba ingwi ba bla takaia dukiara, bara wain laptika ba, tihmia kat ban sa.

Jirimaya 51:57

King, Dawan karnika sut bri ba, kasak aisisa: “Babilon wihta nani ba yarka bla takbia, sinskira nani bâra ba, wihta tara nani ba, suldiar wihtka nani ba, suldiarka nani ba sin. Baku witin nani yapbia ba kli bubia apia bara kli sin kupia krawbia apia.

Oseas 4:11

“Rug lâka bara wain ba, lâ wapni daukaia lukanka ba tikisa.

Nahum 1:10

Witin nani ba, kiaya dusa nani sisitni pâwan baku, bara sin twi lâwan baku sin aiska pali ambia.

Matiu 10:16

“¡Kaiks! Yang bui man nani ba sîp baku mai blikisna yul wail nani tilara. Baku bamna, piuta nani baku sinskam ba bri bas, sakuna upla ra saura munras butku nani baku.

Luk 14:12

Bara Jisas parisi plun piaia paiwan ba ra tawi, naku win: —Plun kum, apia kaka tutni pata kum daukma ba ra, man paiwpara uplikam nani, muihkam nani, tamya nani, upla yuyakira nani man wamtla lamara iwi ba sin apia; kan witin nani mita kli man ra mai paiwbia, bara baku man mamna ba pat brima.

Luk 21:34

“Bamna aman kaiki bas, tasba brinka nani ba mita, bla lâka nani mita bara naha tasba trabilka nani mita sin yarka kupiam nani ba karna takbiara, baha piua kra damra walras kaprika mai alkbiara sîa.

Roman 13:13

Kakna ra wataukaia ba baku, painkira wataukpi. Yawan bla takbiara, bin dauki plun papira kabiara, tâski lâka daukbiara, lâkas tara baku taukbiara, unsabaia bara misbara lâka sin bribiara.

Epesus 5:14

Bahamna naku wisa: “Man yapisma ba, mahka rawi bus; pruan nani tila wina sin mahka raya taki bus, bara Kraist man puramra ingbia.”

Epesus 5:18

Bamna bla âpu bas, kan baha mita ban tanis tiwaia ra wan brih auya; sakuna Spirit Holikira ni aibanhwi bas.

1 Samuil 25:19

bara ai albika nani ra win: —Man nani mahka tâiura was, yang lika kau tisku man nani ninam blikamna. Naha dukiara witin ai maya ra lika diara wiras,

1 Samuil 25:37

Yu wala titan Nabal bla âpu pain takan kan ba ra, diara takan ba tânka sut param Abigail bui Nabal ra win. Nabal baha walan ba wal, ai wîna aiska ba sriman.