1 Samuil 25:18 - DAWAN BÎLA AISKA

¹⁸ Abigail aihni plapi brit 200, wain taya batilka wâl, sîp wîna angkan matsip, aya kâkan batil 40, turtiya wain mâ wina ba 100 kum, turtiya kwah damni mâ lâwan ni daukan ba 200, bara baha sut brin bara biriku kum ra prahkan,

1 Samuil 25:18 ပူးပေါင်းရင်းမြစ်များ

2 Samuil 16:1

Debit il bahna ba wina wiria ai kanra lui wan ba ra, kaiks Sibá, Mefi-bóset albika, bahara taki balan witin wal prawaia. Biriku wâl mahka impakaia daukan, brit nani 200, wain mâ lâkan wina turtiya daukan 100 kum, dus mâ nani 100 kum, bara wain daiwan taya batilka kum, baha sut prahki bri aula kan.

1 Kronikas 12:40

Baha purkara tawan nani lamara banhwi kan nani ba, ban sin Isacar, Zabulón, Neftalí bui sin plun nani bri si yabi kan, biriku, kiamil, muyul, bîp bul nani ra plun nani sât sât suni bri si yabi kan, plawar, kwah damni turtika, wain lâwan, batana, bîp bul nani bara sîp nani kwahki kan, kan Israel ra uya lilia lâka kan ba mita.

Sins Lâka 18:16

Witin prisant kum brih auya ba mita, dur nani ba sut kwâkuya, bara upla kulkanka bri ba kat auya.

Sins Lâka 21:14

Sins bri tânka ra prisant yabi ba wan kupia baiwanka kau tara ba sin lamni daukisa.

Sins Lâka 31:12

Mairin ba ai rayaka yua nani sut ra ai maya waitna ba ra âuyapah lâka baman yabisa.

Matiu 5:25

“Upla kum mita lâ mai dingki lâ watla ra mai brih wabia kaka, yabal ra wal kupiam kumi taks, wihta mihta ra mai mangkbia apia dukiara. Kan baha daukras kaka, wihta ba mita pat suldiar nani mihta ra mai mangki silak ra mai mangkbia.

1 Samuil 17:17

Yu kumi, Jesé ai luhpia Debit ra win: —Plawar kâkan 22 litro na, brit nani matawalsip na bris bara pat pali kiamp ra was muihkam nani ra.

1 Samuil 25:17

Sakuna man mayam ai kupia saura ba mita, yang bui witin ra sip diara wiras, man luki kaiks dîa daukaia sip sma ba, baha aisinka ba wina lika diara saura kum balaia pali sa witin ai mapara, ai taya nani sut mapara sin.

1 Samuil 25:34

Sakuna yang bui man ra swer takisna Israel Gâdka ba nina ra, witin bui naiwa ai takaskan yang bui man ra saura mai munaia ba wina, pat pali munras kapram kata yawan wal prawaia ba, yauhka titan kat, Nabal uplika nani kumi sin raya kaia apia kan.