1 Samuil 25:13 - DAWAN BÎLA AISKA

¹³ Bara Debit ai uplika nani ra win: —¡Man nani aiklabaia dukia nani ba mihtam ra alks! Ai waitnika nani ai sordka ai maisa ra wilkan, Debit sin; bara baku waitna nani 400 witin wal wan, waitna nani 200 ba diara nani main kaiki takaskan.

1 Samuil 25:13 ပူးပေါင်းရင်းမြစ်များ

2 Samuil 15:18

Witin ai tnaya ra ai wihtka tara nani ba mangkan, bara ai kaina kir ba lika quereteo nani bara Pélet uplika nani, geteo nani wina mangkan, baku sin waitna nani 600 Gat wina ai nina blikan ba sut sin ai kan kir yakaban.

Sins Lâka 14:29

Upla ai kupia alki takaskaia lâka manis bri ba, sins tânka bri ba marikisa; sakuna sip ai kupia alki takaskras uplika ba, tanis lâka tânka marikisa.

Sins Lâka 16:32

Kau yamni sa kupia swapni kaia wihki kupia karna kaia ba wal, kau yamni sa, ai wîna ra taibi muni pura lui ba wihki, tawan kum pura luaia ba wal.

Sins Lâka 19:11

Upla tânkira muni ba mita, ai lawanka tara ba ban alki takaski brisa; bara witin ai prana ba sika, witin ra saura munan sakuna pana diara munras ban pura luisa.

Sins Lâka 19:2

Yamni apia sa diara tânka pain briras kira wark karna dauki kaia; bara aihni wapi ba mistik manis daukisa.

Sins Lâka 20:22

Wipara: “Saura ai munan ba pana mana yang bui aibapamni”; Dawan ra kasak luks, bara witinka mai swaki mai sâkbia.

Sins Lâka 25:8

bara baha wina wal unsabaia, lâ mawanra dimpara, kan witnis wala bâra sa man aisisma ba bahki wiaia, bara tnata ra man pana dîa wiaia tânka briras kama.

Jasua 9:14

Israel luhpia nani bui Gabaón uplika nani pata ba wiria brih pih kaikan, sakuna witin nani Dawan ra ai pura suni baha tânka dukiara lika makabi walras kan.

1 Samuil 22:2

Taiban uplika nani, tras tara bri kan nani, rarangbra nani sut asla takan witin wal, bara Debit lika witin nani kiaptinka aimakan. Debit wal tauki waitnika nani lika 400 lama kan.

1 Samuil 23:13

Bara Debit ai uplika nani waitna 600 prais kan ba aikuki, Queilá wina taki plapan bara anira auya sapa ai tânka briras. Baha sturka Saúl walan Debit Queilá wina taki plapan ba, bara witin Debit nina blikaia kau diara daukras swin.

1 Samuil 25:12

Debit waitnika nani ba ai yabalka ra aimaki mahka tawi wan, bara witin nani Debit mawanra wan ba ra, Nabal dîa aisin ba sut win.

1 Samuil 27:2

Baku Debit waitna nani 600 ba aikuki, ai yula kahbi yabal ra taki wan Aquís, Maoc luhpia Gat kingka dukia daukaia.