1 Samuil 24:11 - DAWAN BÎLA AISKA

¹¹ “Mihti ra diara brisna na, king ba pain pali kaikbia: naha na king tara prâka tara ba pîska kum sa, yang sip kapri mai ikaia. Naha wal king tara ba tânka bribia, yang bui witin ra saura munaia bara waihla mihta ra mangkaia plikras sna ba, baha swakwanka sin yang daukras. Ban sakuna, king tara ba nini bliki taukisa rayaki tikaia.

1 Samuil 24:11 ပူးပေါင်းရင်းမြစ်များ

2 Samuil 1:14

Debit ai bîla baikra karna saki aisin: —Alai, ¿baku kan nahki man kupias taki, Dawan bui bâk saki mangkan kingka ba mapara mihtam bukram?

2 King Nani 5:13

Ban sakuna, ai albika nani ba witin lamara balan bara aisi, win: —Dawanki, prapit ba kau diara tara karna daukaia mai blikan kata, ¿man daukaia apia kapram? Kanra yamni sa man ra mai win ba, wih aihtama bara klin takma.

Job 10:16

Yang na prautkira takisna kaka, man lika layan baku nini blikisma, wark aihka nani sin daukisma âpu ai daukaia dukiara.

Lawana Nani 119:161

Upla karnakira nani nini blikisa, pâtkas rau ai sauhkisa kuna kupi ba man bîlam nani ra sibrin pali lukisa.

Lawana Nani 140:11

Upla twisa yari nani ba wan tasbaya ra ban kabiara; diara saura dauki ba mita nina bliki bara sauhki tikbia.

Lawana Nani 35:7

Pâtkas kapri, mini alkaika yabalki ra mangkan; pâtkas kapri, liwanhta yabalki ra salhki swin, yang bâra dimaia.

Lawana Nani 59:3

kan upla karna nani ba bâra sa, bîli kaikisa, witin nani ai ikaia.

Lawana Nani 7:5

Baku daukri kaka, waihli ba yarka nini bliki, ai alki bara tasba kat ai bataki ai raski kabia, rispikki lâka brisna ba, tasba kat batakbia.

Sins Lâka 15:1

Swapni ni upla tawa aisaia ba ai kupia baikanka ba daskisa, sakuna sarka paski bîla nani lika kau kupia baikisa.

Inanka Nani 4:18

Wan mina lulkanka bani ra, waitna nani aihwaki wan kaiki kan, yawan sip takras tawan bîla yabalka ra. Wan piua tnata ba baila sa, wan yua nani ba sut kulkan sa; wan awarka ba aimakan sa, wan piua tnata ba pat balan sa bamna.

Isikiel 13:18

Witin nani ra wis: ‘Naha Dawan aisisa: ¡Alai kabia man nani mampara, upla watla ra pliki tauki banhwisma ba; kunin munaia mihta wilkaika kwalka nani sipi ba, bara tasba aiska uplika nani baha bangkil ba ai mihta ra mangkisa, bara lal pura bikaika kwala sipi ba bara upla sut ai lal ra mangkisa! ¿Man nani lukisma ki upliki nani rayaka ba, prubia ba baha karnika ba alki briaia brin mai dauki ba natka kat?

Miqueas 7:2

Naha tasba ra upla kasakkira nani, Gâd wal wapni ba âpu takan sa, sakuna kumi bani ba, upla tâlia laikaia baman aihwaki kaikisa; kumi bani ai muihni mina ra alki batakaia kiwka nani mangkisa.

Jan 15:25

Sakuna naha na baku takaia kan, baha bîla nani witin nani lâka wauhkataya ra ulban ba kat aimakaia dukiara: ‘Pâtkas pali misbara ai kaikan.’

1 Samuil 12:3

bara nanara man nani nâra ai brisma. Upla kum bîpka wainhka, biriku kra sin dakbi briri kaka, upla kum ra kra taibi munri, rausauhkri, kunin muni yukuki briri kaka, nanara man nani daihra sâks Dawan mawanra bara king mawanra sin, bara yang aibapamna.

1 Samuil 18:27

Debit ai waitnika nani brin, bara wih ki filisteo nani 200 ikan, bara waitna wîna tâ ba sut klaki bri si king ra yan, bara nanara lika sip kan king dapnika takaia. Bara Saúl bui Debit ra ai luhpia mairin Mical ba ai maya yan.

1 Samuil 23:14

Baku upla iwras tasbaya ra Zif ilka ra kan kahbaika pliska nani ra Debit iwi kan. Zif ilka ra Saúl yu bani witin ra pliki kan, sakuna Dawan mita witin ai mihta ra mangkras kan.

1 Samuil 23:23

Witin bâra yukuwi untika nani ba sut pain pliki laki kaiks, bara sturi kasak ba brih yang ra kli bal, bara yang lika man nani wal wamna. Kasak pali witin baha tasbaya ra bâra sa kaka, Juda masraka kumi bani wîna kat kat pliki kaikamna.

1 Samuil 25:28

bara dukiam dadaukra mairin na pâtka ban swih tiks; kasak pali Dawan bui man mai alki bribia ai karnika ra, kiamkam nani sut sin, man Dawan dukiara aiklabisma bamna, bara rayakam yua sut ra pât saura wauhma apia.

1 Samuil 26:18

Sakuna, ¿king ba dîa muni kau ban ai dukia dadaukra ba nina blikisa? ¿Dîa daukri? ¿Dîa saurka pali yang daukri?

1 Samuil 26:20

Dawan mamwan wina laihura upla wala tasbaya ra yang tâilia laikan kaia ba brin ai daukras, ¡sakuna king ba pisa kum pliki taukisa, bara kwamu pliki tauki baku il nani ra nini bliki taukisa!

1 Samuil 26:23

upla kumi bani mana ba Dawan wina aibapbia, ai lâka kasak wapni kunin âpu ba tânka kat. Dawan bui king tara ba naiwa mihti ra mangkan kan, sakuna witin bui bâk saki mangkan kingka ra mihti bukaia ba brin ai daukras kan.