1 Samuil 22:4 - DAWAN BÎLA AISKA

⁴ Bara baku Debit ai papika bara ai yapti sin Moab kingka ra brih wan, bara witin nani king wal iwi kan Debit kan kahbaika pliska ra kan piua sut ra.

1 Samuil 22:4 ပူးပေါင်းရင်းမြစ်များ

2 Samuil 24:11

Yapra wala titan, Debit buan ba ra, Dawan bui prapit Gad ra win, witin lika Debit ra dîa taki ba kakaira kata ba:

2 Samuil 8:2

Moab uplika nani ra sin pura luan, bara yan witin nani sut tasba ra aitnikan, bara kulki kaikaia kiwka brih kulki kaikan: kiwa wâl kulkanka bilara aimakan ba, ikaia pâtka ra lakan, kiwa kumi kulkanka bilara aimakan ba, ikras swin. Baku Moab uplika nani ba sin yan Debit ra bawan, bara ai lal mana sin aibapaia kan.

1 Kronikas 11:16

Bamna Debit lika baha kan kahbaika pliska ba ra kan, baha piua ra sin filisteo war aiklaklabra daknika kum Betlehem ra kata.

1 Kronikas 12:16

Baha purkara waitna nani kum kum Benjamín Juda wal kiamka wina Debit ra asla prawan, kan kahbaika pliska bâra kan ba kat.

1 Kronikas 21:9

Debit, prapit kum bri kan nina Gad, bara Dawan bui witin ra naku win:

1 Kronikas 29:29

Debit dîa daukan ba tâura bara ninara, baha lika prapit Samuil, prapit Natán bara Gad sturi almuk nani ulban ba wauhkataya nani ra ulbi mangkan sa.

2 Kronikas 29:25

Ezequías sin Dawan tempelka ra Libait nani ba swin singbaia dukia ba singbi kaia, Debit bara prapit Gâd wal lâ dauki win ba baku, king warkka ra prapit Natán win ba baku, kan baha lâka ba Dawan bui yaban, Gâd ai prapitka nani aisi bâk.

Nihimaya 6:11

Sakuna yang pana wîri: “Yang baku waitna nani ba lika, plapras bara tempel ra sin dimras pruaia apia dukiara. Yang lika tempel ra dimamna apia.”

Lawana Nani 11:1

Dawan ra yukuwaiki plikisni; nahki kan man nani bui yang ra ai wisma: “Il nani ra was, tnawira nani baku.

Matiu 10:23

Tawan kum ra man nani ra ninam bliki rau mai sauhkbia kaka, wala ra plaps; kan kasak pali mai wisna, Upla Luhpia Waitna ba balbia kau man nani Israel tawanka aiska ra waras ba ra.

1 Samuil 22:3

Baha wina Debit Mispá ra wan, Moab tasbaya ra, bara Moab kingka ra win: —Man ra puri sunisni papiki bara yaptiki sin man wal nâra takaski kaia, Gâd bui yang wal dîa daukaia ba ai wibia daira walamna ba kat.

1 Samuil 22:5

Bamna prapit kum nina Gad, Debit ra kupia kraukanka kum yan: —Man nâra kan kahbaika pliska ra yukuwi ban kapara. Yabal ra taks bara Juda tasbaya ra was. Baku bamna, Debit lika Héret untika ra wan.