1 Samuil 20:32 - DAWAN BÎLA AISKA

³² Sakuna Janatan witin ra win: —¿Dîa dukiara witin pruaia sa? ¿Witin dîa daukan sa?

1 Samuil 20:32 ပူးပေါင်းရင်းမြစ်များ

Blasi Sturka 31:36

Bara Jekob ai kupia baiki naha bîla nani aisi Labán wal unsabi, witin Labán ra win: —¿Dîa watawika kum yang bui man mampara daukri? ¿Dîa saurka kum yang bui man mampara daukri ba ra, man sringkam pali yang nini bliki nâra balram?

Sins Lâka 22:24

Kupia baiwi uplika wal uplikam takpara, bara kupia lapta waitnika aikuki wapara.

Smasmalkra 7:9

Kupiam sauhkanka mita yarka mai brih wabiara, kan kupia sauhkanka ba, upla sinskas nani dukia sa.

Smasmalkra 9:3

Naha sika saurka sut ba, naha tasba ra diara sut taki ba wina, sut ra sim dukia bîla kaikisa, tani wala ra kaikri, upla lukanka sut ba, saura ni banhwan sa, sinskas lâka mita ai sinska ra taibi brisa, ai rayaka aiska ra; bara tnata piua ra lika, ¡raiti kat wabia!

Jirimaya 17:9

“Upla kupia lukra kuninkira pali warha ba baku kau diara wala âpu sa. ¿Ya sip sa baha tânka ba briaia?

Matiu 27:23

Bara Pailat bila: —¿Bamna, witin na dîa saurka daukan sa ki? Sakuna witin nani kli ai pura winan: —¡Dus prihni ra sas!

Luk 23:22

Naha kira aima yumhpa Pailat mita win: —¿Bamna dîa saura daukan sa ki? Pruaia pâtka kumi sin witin ra yang sakras sni. Yang wipamni ningkara, pri sakamna.

Jan 7:51

—Wan lâka ba kat sip apia sa, upla kum ra baku saura kulkaia, yawan pali mita witin dîa daukan tânka kau walras kaka.

1 Samuil 18:11

Bara ai langsika ba tit buki lulkan, sakuna Debit aima wâl irbi swak takan.

1 Samuil 19:4

Janatan bara Saúl wal aisin Debit dukiara. Witin ra win: —King tara, man Debit mapara saura daukaia apia kapram, witin king tara mapara saura kumi sin daukras, yamnika lika ailal pali daukan;

1 Samuil 19:5

ai rayaka ba wal puli filisteo ba ikan, baku Dawan bui swaki sakan lâka aiska ba Israel ra yan. King tara ba dukiara kaiki lilia pali takan. ¿Bara dîa dukiara nanara king tara ba ai kupia mununhtara saura lukaia, upla pâtkas kum ba rayaka dukiara? ¿Nahki Debit ba pâtkas ikaia?

1 Samuil 20:1

Debit lika Naiot Ramá tasbaya wina plapan bara Janatan ra wan, witin ra wiaia: —¿Yang dîa daukri? ¿Yang pâtki ba dîa sa ki? ¿Dîa saurka papikam mapara daukri, bara ai ikaia ai pliki ba?

1 Samuil 20:7

Witin ai kupia sauhkbia kaka, man kaikaia sip sma witin pat aima wâl saura ai munaia daukan.

1 Samuil 22:14

Bamna Ahimélec pana king ra win: —King, ¿man wihtkam nani tilara Debit baku wala kum kau kasakkira bâra sa ki, baha purkara witin sin king dapnika, king watla bilara wihta main kaiki ba, yamni pali kulkan lâka sut bri ba?