1 Samuil 2:9 - DAWAN BÎLA AISKA

⁹ Ai uplika kasakkira nani mina taibanka ba witin bui main kaikisa, sakuna saurakira nani ba tihmia tilara prubia, kan upla kumi sin ai karnika ba mita pura lubia apia bamna.

1 Samuil 2:9 ပူးပေါင်းရင်းမြစ်များ

Job 18:18

Ingni ba wina tihmia tara nani ra lulkan kabia, naha tasba wina sin kangbi sakan kabia.

Job 40:13

Sut pali tasba ra biks, pruan nani sialaka watla ra dingki durka praks.

Job 5:16

Witin sika swapnikira nani bîla kaikanka ba, ¡witin mita sika saurakira nani bîla ba prakisa!

Job 5:24

Man wamtla bilara sin diara sut mampara aitani param kabia, man daiwram nani ba kulki kaiki kama bara sut bâra kabia.

Lawana Nani 1:6

Dawan bui kasakkira nani yabalka main kaikisa; sakuna upla watawi nani yabalka lika sauhki tikaia ra brih wisa.

Lawana Nani 105:37

Ningkara Gâd ai uplika nani ba sakan, gul bara silbar wal; baha kiamka nani tilara, upla kumi sin ai mina prukras kan.

Lawana Nani 121:3

¡Witin bui man minam sip yaka kauhbia apia! ¡Witin aihwaki mai kaiki ba, yapbia sin apia!

Lawana Nani 121:5

Dawan bui sika aihwaki mai kaiki ba; Dawan sika man kainam kahbisa, witin sika man lamamra hilp mai munisa.

Lawana Nani 121:8

Dawan ba kainam kahbisa, man yabalkam nani ra, nanara ban kaia ra sin.

Lawana Nani 145:20

Dawan baha nani sut main kaiki brisa, witin ra latwan kaiki banhwi ba; sakuna witin bui upla watawi nani ba sut âpu daukbia.

Lawana Nani 31:17

Dawan, yang lika man ra winisna; ¡swira lâka ra ai rungkpara! Upla watawikira nani lika swira lâka ra rungwi tiwbia; ¡prura tasbaya lamnika ra yas rungbia!

Lawana Nani 37:28

Dawan kasakka lâka ba latwan kaikisa, ai uplika kasak nani ba sin lulki swiras; sakuna watawikira nani ba sauhki tikisa, bara ai masraka nani sin sut âpu daukisa.

Lawana Nani 94:18

Aima kum naku wîri: “Mini lalalwan” ba ra, man lamtwanka lâka balan, Dawan, yang ra hilp ai munaia.

Lawana Nani 97:10

Dawan ba latwan kaikisa, baha uplika nani saura ra misbara kaiki ba; kasak luki nani rayaka ba, kan kahbi brisa; upla watawikira nani mihta ra kauhaia ba wina dakbi sakisa.

Sins Lâka 16:9

Upla kupia ba lika wark nani daukaia ba yabalka ba luki plikisa, sakuna Dawan sika, witin ai warkka luki dauki ba wapnika mangkisa.

Sins Lâka 2:8

witin sika, kasak lâka yabalka ra impaki nani ra main kaiki brisa, bara kan kahbisa, ya ai bîla kat wali dauki nani ra.

Sins Lâka 3:26

Kan Dawan mita âmyapah maikbia, witin kat lukaia bara minam alkaika wina dakbi mai sâkbia kauhma ra kra sîa.

Smasmalkra 5:17

Baha sut purkara ai rayaka ba lui wan sa, tihmu tara ra, kupia kriwan ra, latwan, umpira lâka baman.

Smasmalkra 9:11

Naha tasba ra kau diara kaikri: plaplapra nani ba sika plapi pura luras ba, baku sin kupia karnira nani ba war ra pura luras ba, ban sin sinskira nani piu bani ra plun ba briras sa, bara sinskira nani sut yuyakira apia, bara diara tânka brabrira nani ra sin yamni briras; kumi bani ba ai piua sirpi kumi ra yamnika lâka brisa.

Aiseya 27:3

Yang, Dawan nasla ba main kaikisna, piua bani lî laikisna. Tihmia ra kakna ra main kaikisna, upla kumi mita sin saura munaia apia ba mata.

Aiseya 47:5

“Bîlam praki sâp iws, tihmia, ingni wal lilapas ra dims, Caldea tiarika mairin, man na ‘nisan nani kwinka’ kli mai wibia apia bamna.

Jirimaya 8:14

Bara upla nani ba aisabia: “¿Dîa dukiara yawan nâra kau takaskisa? ¡Kaisa yawan sut tawan tara nani karna paskan ba ra waia bara bahara sut wan ikbia! Dawan, wan Gâdka mita pruaia ra wan lakan sa bamna; puisin liura diaia wankbia, kan yawan bui witin ai mapara saura daukan ba tâka mita.

Jirimaya 9:23

Dawan aisisa: “Sinskira ba sinskira sa wisi aimayuni kabiara, karnakira ba ai karnika bri ba dukiara sin apia, yuyakira ba sin diara bri ba wisi aimayuni kabiara.

Nahum 1:8

Sakuna, witin ai mapara nani ra, lisamra tara suni diara sut aubi brih wi ba baku sauhki tikisa. Ai waihla nani ra tihmu tara ba mita bliki alkan kabia.

Sofonías 1:15

Lawanka tara yua kum kabia, kupia wirha bara sari pali. Slingbi sauhkaia diara âpu kabia, tihmia tara pali aihwa baman kabia, kasbrika distika tihuka tara yua aimakbia.

Sakaraya 4:6

Bara witin naku ai win: “Naha bîla sika Dawan mita Zorobabel ra aisi ba: ‘Aiklabaia daknika ra luki tniwpara, man karnikam ra sin apia; ban sakuna, yang Spiritki ra luki tniws. Karnika sut bri ba Dawanka aisisa.,

Kulki Kaikanka 6:24

“Dawan ai yamnika ba maikbia bara kainam kahbi kabia;

Matiu 8:12

sakuna Gâd king aimaki ba lâka ra kaia nani ba lata tihmuka ra lulkan kabia; bara bahara sika ini banhbia, ai napa nani sin arkbi kabia.

Roman 3:19

Nanara yawan kaikisa, diara sut lâ wauhkataya ra aisi ba, baha lika baha lâka mununhtara banhwi ba nani dukiara aisisa, baku mika upla sut ai bîla prakan kabia, bara upla sut Gâd lâ dauki ba mununhtara kauhi banhwan kabia;

Kli Smalkanka 33:3

Dawan lika ai uplika nani ra latwan kaikisa, sunu takan nani ba main kaikisa; witin nani sin ai mina ra bawisa bara ai adarka nani sin brisa.

1 Pita 1:5

Bara man nani lika Gâd ra kasak lukan lâka brisma ba mita, witin ai karnika ni kainam kahbisa, swaki sakan lâka, tnata piua nani ra param marikaia wisi ridi dauki bri ba, man nani alkma ba kat.

2 Pita 2:17

Naha smasmalkrika nani lika, sim tingni kumi lâwan ba baku sa, kasbrika nani pâsa mita aki brih wi ba wal baku sa; bamna baha nani dukia wisi, Gâd mita plis tihmu tara pali kum ridi dauki swin sa.

Judas 1:1

Yang Judas, Jisas Kraist warkka dadaukra bara Jems muihnika ba, naha wauhkataya ulbisna, Gâd Aisa mita latwan kaiki ba bara paiwan ba, baha nani Jisas Kraist mita kan kahbi brisa.

Judas 1:13

Kabu ripka prautkira nani baku, ai daukanka saura nani ba wina swira lâka nani ukatka ba sakisa; slilma nani ai yabalka tikan nani sa, pât ban kaia ra lulkan sa, tihmu tara tilara kaia.

Judas 1:3

Muihki laitwankira nani, uya pali brin ai dauki kan, baha swaki sakan lâka yawan nani bri ba dukiara man nani ra ulbaia, sakuna nanara daira walisna naha ba daukaia sna, baku natka ra mamkabaia, man nani kasak lukankam ba dukiara aiklabi kama, baha lika aima kum yaban kata Gâd uplika nani ra.

1 Samuil 25:26

Ban sakuna, kasak tânka ba kat man bui bal tala kaiki, mihtam ni kasakka lâka ba daukaia Dawan wina man ra maikras kan. ¡Dawan baku brin daukbia, man waihlam nani sut, wala nani sut sin saura mai munaia pliki nani ba, witin nani sut Nabal klala brin ba bribia!