1 Samuil 2:6 - DAWAN BÎLA AISKA

⁶ Dawan bui upla rayaka saki bara yabisa; witin raiti bîla kat wan blikisa, bara baha wina kli wan buki sunisa.

1 Samuil 2:6 ပူးပေါင်းရင်းမြစ်များ

1 King Nani 17:22

Bara Ilayas bîla baikra ba Dawan walan, bara tukta waitna sulka ba kli witin ra yan bara rawan.

2 King Nani 5:7

Bara Israel kingka ba naha wauhkataya aisi kaikan ba ra, ai prâka ba kalkan, bara win: —¿Yang na Gâd ki, upla rayaka yabi ba bara saki ba, bara naha na yang ra blikaia ai liparka ba wina rakaia? ¡Nanara aman kaiks, nahki yang maipara mini prukaia taukisa sapa!

Job 5:18

Witin bui mai insauhkbia kaka, witin mita kwala ni wilkbia; ai mihta ni latwan maikbia kaka, witin wina daskaika ba maikbia.

Lawana Nani 116:3

Prura kiwka nani ba, kutbi kir ai brin, prura pâtka nani sin ai alkan, prura pâtka sibrin bara wîni latwanka ai alkan.

Lawana Nani 30:4

Man nani, Dawan uplika kasakkira nani, ¡Dawan ra lawana nani aiwans! ¡Ai nina holikira ba, man nani mayuns!

Lawana Nani 68:20

Wan Gâdka ba sika Gâd swaki wan saki ba, bara prura wina sin dakbi wan saki ba.

Lawana Nani 71:20

Pât saura manis, bara sari lâka nani aikram wauhri sakuna, kli raya iwi kaia aikisma, bara tasba munhta pali ba wina ai bukuma,

Smasmalkra 3:3

Ikaia piua bâra sa, rakaia piua sin bâra sa. Sauhki tikaia piua bâra sa, bara paskaia piua sin bâra sa.

Aiseya 26:19

Man pruankam nani ba kli raya takbia; pruan nani ba kli raiti wina bubia. Tasba ra yapi nani ba rawi bubia bara aiwani banhbia. Kan man ingnikam blikisma, diara mangkan wahia purara diwas laya buski ba baku, bara tasba ra pruan nani ba kli rawi bubia.

Isikiel 37:12

Bamna aitani, yang nini bri smalks bara wis: ‘Dawan ba naku wisa: Yang upliki, man nani raitikam kwâkamna; baha wina mai sakamna Israel tasbaya ra kli tawi waia.

Isikiel 37:3

Bara ai win: “¿Man lukisma naha dusa nani kli rayaka bribia?” Yang wîri: “Dawan, man yakan baha ba kaikisma.”

Matiu 12:40

Inska tara biara ra Jona yu yumhpa bara tihmia yumhpa kan ba baku, Upla Luhpia Waitna ba sin yu yumhpa bara tihmia yumhpa tasba biara ra kabia.

Jan 11:25

Jisas pana win: —Yang sika kli buaia tânka bara rayaka ba sin. Ya yang ra kasak luki ba, prubia kra kuna raya kabia.

Kli Smalkanka 32:39

Yang yakan Gâd sni; yang wina gâd wala âpu sa. Yang rayaka yabisni, bara kli mihta dakbisni; yang siknis yabisni, bara kli rakisni. ¡Upla âpu sa yang karniki wina dakbi mai sâkbia!

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.

1 Samuil 20:3

Sakuna Debit kli kli aisi, win: —Papikam kasak tânka brisa, man bui yang ra yamni lukisma ba, bamna witin brin daukras sa man naha tânka brima bara kupia wirha takaia. Sakuna yang lika Dawan nina ra, man ra swer taki aisisna, kau mini kum bukamna ba prura kat taibaia sna.