1 Samuil 2:3 - DAWAN BÎLA AISKA

³ Upla kumi sin uba aimayunbiara, upla kumi sin ai wîna tara kulki aisabiara, kan Dawan ba sika Gâd diara sut tânka kaiki ba, bara dîa upla dauki ba, witin paun mangki lâ tânka kat daukisa.

1 Samuil 2:3 ပူးပေါင်းရင်းမြစ်များ

1 King Nani 8:39

kasbrika purara iwisma pali ba wina wali kama, bara pâtka ba ban swih tikma. Ningkara man mahka dîa daukaia lukma ba daukma, kumi bani ra ai daukanka ba kat mana yama, man baha nani kupia ba kaikisma bamna. Man baman sika upla nani sut kupia tânka kaikisma ba.

Job 31:6

Gâd mita paun kasak ba ra ai mangki ai kaikbia, bara kaikbia yang pâtkas sna tânka ba.

Lawana Nani 17:10

Witin nani batanwan ba mita tanis lâka praut aisisa.

Lawana Nani 31:18

Kunin aisasara nani ba bahara sâp takbia lawaska kikaia lâka, bahki kulkaia lâka aisi upla yamni nani mina pruki ba sin.

Lawana Nani 44:21

Man pat baha ba damra walaia katma, kan man sika diara yukuwan ra bâra ba, sut pali kaikisma.

Lawana Nani 75:5

man nani karnikam brisma wisi karna aisapara, aisaia sma ba ra upla ra saura aisapara.”

Lawana Nani 94:4

Baha saura dadaukra nani ba sut, kiama karnira nani bara prautkira nani, ai kulkanka tara papulra nani sa.

Sins Lâka 16:2

Diara nani sut dauki ba waitna bui pain kaikisa; sakuna Dawan sika, yawan daukaia luki ba, lâ tânka ni aisi dauki ba.

Sins Lâka 24:12

Man wima kaka: “Kaiks, yang nani naha tânka kaikras kapri”, kuna witinka wan kupia nani paun mangki kakaira ba baha tânka bribia; pain nu kabia baha aihwaki main kaiki ba witinka ya dîa dauki ba kat aibapi ba.

Sins Lâka 8:13

Dawan ra kulkaia lâka tânka ba lika, saura lâka ra misbara kaikaia ba sika yang misbara kaikisni, praut lâka ba bara tara pulan lâka ba ra sin. Yabal saura ba bara kunin aisaia lâka sut ba saura kaikisni.

Aiseya 26:7

Man Dawan sika, yabal nani ba wapni mangkisma ba, kasakkira nani yabalka ba wapni pali sa.

Aiseya 37:23

¿Ya ninara saura aisi lawaska kikram? ¿Baku sin ya mapara bîlam karna saki aisaram bara Israel sunukira Gâdka mapara namkra nani ba pura kat bukram?

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Isikiel 35:13

Bîlam kwâkram maipara buan lâka wal, bara twisam lanhwan yang maipara aisaia. Yang walri.

Daniel 4:37

“Bara nanara, yang Nabucodonosor, mayunra yabisna, tara kulkisna bara mayunra kulkan yabisni kasbrika purara ba kingka ra, kan witin diara sut dauki ba wapni bara kasakka lâka kat sa, bara baha nani tara sa luki ba, mâyara batakaia sip pali sa.”

Daniel 5:27

TEKEL: Man kingkam lâka ba mâyara pali iwram sa;

Malaquía 3:13

Dawan aisisa: “Man nani bui yang maipara bîla karna pali aisaram. Bara kau ban makabi walisma: ‘¿Dîa saura nani mampara aisari?’

Hibru Nani 4:12

Kan Gâd bîla ba rayaka brisa, bara karnika sin brisa. Baha ba sika sord mala napa wâl bri ba sut purkara kau mala sa, bara wan sulka bara wan spiritka biara pali ba kat dimi wisa, wan lukutbaika bara wan dusa bîla kat sin. Baha bîla ba mita wan kupia lukanka nani ba bara dîa daukaia luki ba sut sin klir pali sakisa.

Jasua 22:22

—Gâd nani sut Dawanka bara Gâdka ba, witin nu sa yang nani dîa luki naha altarka paskri ba, witin mapara buaia, apia kaka witin wina tnaya ra tawaia dukiara. Baha witin nu sa, bara witin baha nani sut tânka ba man nani ra mamrikbia. Baha baku daukaia tâka sa kaka, yang nani ra raya ai swipara.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

Wihta Nani 9:38

¡Nanara aisas, bîla pâskira! —Zebul witin ra win—. ¡Man aisi kapram, Abimélec ba ya bamna, yawan na witin ai albika takaia! Aiklaklabra daknika tara bara man bahki kulki katma. ¡Nanara bal taks witin nani wal aiklabaia!

1 Samuil 16:7

Sakuna Dawan bui witin ra win: “Mawan painka ra kaikpara, ai pâwanka ra sin apia, baha sut ba yang bahki kulkri sa. Yang lika waitna diara kaiki ba baku kaikras; upla lika mawan painka ra bamna kaikisa, sakuna yang lika kupia kat kaikisna.”