1 Samuil 2:25 - DAWAN BÎLA AISKA

²⁵ Upla kumi upla wala mapara saura daukbia kaka, Dawan ba sip sa witin tâwan aimakaia; sakuna upla kum Dawan mapara saura dauki ba, ¿ya witin tâwan aisabia?” Sakuna witin nani ai aisa bîla walras kan, Dawan sin pat lukan kata witin nani rayaka ba sakaia.

1 Samuil 2:25 ပူးပေါင်းရင်းမြစ်များ

Blasi Sturka 38:10

Onán baha dauki kan ba dukiara, Dawan ba kasak ai kupia sauhkan, bamna Onán rayaka ba sin klakan.

Blasi Sturka 38:7

Sakuna Er rayaka tânka ba Dawan mawanra saura kan. Dawan bui witin ra yamni kaikras kan, bamna ai rayaka ba tasba wina sakan.

1 King Nani 8:31

“Ban kra upla kum ai uplika mapara saura daukbia, bara witin bal Dawan nina ra swer taki, man tempelkam ra bal naha altarkam lamamra bubia kaka,

1 King Nani 8:32

man kasbrika pura ba wina wali lâ kasak ba daukma, bara albikam pâtkira ba pâtka yama, bara ai daukanka ba ai lal purara batakma, kasakkira ba kasakkira kulkma, ai kasakka lâka mana kat yama.

2 Kronikas 10:15

King ba upla nani bîla walras kata, kan baha ba Dawan bui pat baku daukan kata, Dawan ai bîla ba kat daukaia prapit Ahías, Siló wina bâk aisin ba, Jeroboam, Nabat luhpia ba dukiara.

2 Kronikas 25:16

Sakuna prapit ba kau naha aisi kan ba ra, king ba naku win: —¿Dîa yang nani mai mangki banhri king ra lâ marikaia? ¡Baha lâka ba swis! ¿Apia kaka, mai iki banhbia want sma? Prapit ba kau diara kumi aisaras, sakuna naku win: —Yang kaikisni Dawan mai sauhki tikbia naha daukisma mita, bara yang mai wisna walras sma bamna.

Job 9:33

Aitani lukaina wan tilara lâ dadaukra kum kata, witin sin karnika bri kan kata, yawan wâl wan purara.

Lawana Nani 51:16

Man prisant nani brin mai daukras; daiwan wîna aiska ba sin apia; maikamna kra, sakuna baha man yamni kaikras sma.

Lawana Nani 51:4

Man mampara sika yang saura daukri ba, Dawan, man mampara baman saura daukisna ba, man mapara sma ba. Baha mita man lâmka daukisma ba kasak sa; upla kumi sin âpu sa, baha mapara buaia.

Sins Lâka 13:1

Luhpa waitna sinskira ba ai papika smalki ba walisa, sakuna luhpa saura ba lika, smalki bîla ba walras sa.

Sins Lâka 15:10

Yabal pain ba swi uplika ra, witin karna pali smalkisa; bara kupia kraukanka yabi ba waihla nani ba ban pruisa.

Sins Lâka 29:1

Kli kli upla kupia kraukan ban ai lal karna dauki brukwi ba, tisku bâk krikan kabia, rakaika sin âpu kabia.

Smasmalkra 3:3

Ikaia piua bâra sa, rakaia piua sin bâra sa. Sauhki tikaia piua bâra sa, bara paskaia piua sin bâra sa.

Kulki Kaikanka 15:30

“Ban sakuna, upla kum pain ai dara wali saura daukan sa kaka, Israel luhpia nani sapa, kiamka sât wala nani sapa, baha yang kupi sauhkisa. Bamna baha uplika ba upliki nani tila wina sakan kabia,

Kli Smalkanka 1:17

Upla lâka aisi daukisma ba ra, uplika ba mawan aihka kulkpara, kulkanka sirpi bri uplika ba, kulkanka tara bri uplika lâka ba wal baku daukaia. Upla kumi sibrinka sin briaia apia, kan lâ daukaia ba Gâd warkka sa. Sakuna lâ kum man nani daukaia karna kabia kaka, baha lika yang ra laks, bara yang daukamna.’

Kli Smalkanka 2:30

“Sakuna king Sihón ba baku brin daukras sa yawan ai tasbaya lila bâk lui wabia, Dawan, man nani Gâdkam mita, witin ba apia mai wiaia, lal karna daukan, man nani mihtam ra mangkaia, naiwa yua param taki ba.

1 Timoti 2:5

Gâd kumi baman bâra sa, bara Gâd, witin lika upla nani wal asla kumi dauki ba sin kumi baman sa; baha sika Jisas Kraist, bara witin ba sin upla sa.

Hibru Nani 10:26

Kan yawan kasak lâka tânka ba kakaira si, wan kupia wina kaiki saura daukisa kaka, wan saurka nani dukiara kli sakripais wala âpu sa.

Hibru Nani 10:27

Yawan diara wala âpu sa, lâ daukan sibrinkira pali ba bîla kaikaia baman, bara pauta klauhan laptikira ba, Gâd waihla nani angki tikaia ba sin.

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

Jasua 11:20

kan Dawan mita ai waihla nani ba kupia karna daukan, Israel luhpia nani mapara buaia, baku ba ra, Israel luhpia nani mita sut sauhki tikaia, umpira kaikan luha, Moses ra Dawan mita adar yabata ba baku.

1 Samuil 3:14

Bahamna yang swer aisari Elí watla uplika nani ra watawanka ba sip diki sakan kabia apia, sakripais nani daukan ba mita, prisant nani yan ba mita sin apia.