1 Samuil 2:10 - DAWAN BÎLA AISKA

¹⁰ Dawan ba ai waihla nani ba kriki yuya baman daukbia, kasbrika purara ba wina witin nani mapara alwani nani blîkbia. Dawan ba tasba aiska na lâka aisi daukbia; witin sin bâk sakan kingka ra karnika yabia, bara ai karnika ba sin swika pâwi tara takbia.”

1 Samuil 2:10 ပူးပေါင်းရင်းမြစ်များ

2 Samuil 22:14

“Dawan ba, Laih Purara pali ba, alwani binka baku ai bîla baikra ba yan walan kasbrika pura wina:

2 Samuil 7:13

Witin tempel kum mâki aikbia, bara ai kingka lâka ba ban karna kaia daukamni.

2 Samuil 7:8

Baku ba mita wis, yang albiki Debit ra, yang Dawan karnika sut brisna ba, witin ra wisni: ‘Yang klar wina mai sakri, sîp daknika ninara wapi tauki kaia ba, baku sin yang upliki Israel luhpia nani wihtka aimakaia.

Job 40:9

¿Dîa man ba yang baku karnakira sma ki? ¿Man bîlam baikra ba, yang bîli baikra alwani ba baku sa ki?

Lawana Nani 132:17

Bahara yabrika, Debit karnika kum pâwi takbia. Lamp kumi pat ridi daukri sa, king pliki sakri ba dukiara.

Lawana Nani 148:14

Witin ai karnika ba ai uplika nani ra yaban sa. Witin ba ai uplika kasakkira nani mayunra sa, Israel luhpia nani, upla banhwi ba kum, witin ai lamara bri ba. ¡Dawan ba mayunan kabia!

Lawana Nani 2:2

Tasba kingka nani bara wihta nani sut ba, Dawan mapara witin nani buisa, baku sin ai kingka bâk sakan ba mapara.

Lawana Nani 2:6

“Saion, yang ilki bâk sakri ba ra, yang kingki ba pat mangkri sa.”

Lawana Nani 2:9

Man king nani ba, ayan lâka klalka ni krikma; ¡man bui witin nani ba sumi baku kriki yuya man daukma!”

Lawana Nani 20:6

Nanara kaikisni Dawan ba bui batana laikan uplika ra, ai waihla nani pura luaia yabisa; witin kasbrika pura holikira ba wina aisi wibia, bara ai mita aihkika karnika ni, pura luanka tara nani yabia.

Lawana Nani 20:7

Tila lika war truk nani bri ba ra lukisa, tila lika aras nani ba ai karnika kulkisa; sakuna yang nani lika, Dawan Gâdki ba tâiura mangki brisni.

Lawana Nani 21:1

Dawan, man karnikam nani yaram ba dukiara, king ba lilia sa; ¡lilia pali sa, witin ra yaram pura luan ba mita!

Lawana Nani 28:8

Dawan ba ai uplika nani karnika sa, witin hilp munisa baha ai kingka bâk sakan ba.

Lawana Nani 45:7

Man ba diara yamni nani ba lihkisma, bara diara saura nani ba lika misbara kaikisma. Baha mita sika, Dawan bâk mai saki mai brin, man Dawankam ba mita bara lilia ni mai banhkan sa, uplikam wala nani ba wal.

Lawana Nani 89:17

Kasak sa, man ai karnika sma bara prana sin; yawan wan karnika ba kau tara takisa, man kupiam lâka ba mita.

Lawana Nani 89:24

Laitwanka lâka bui kasakki lâka ba witin kulkbia, bara ai karnika ba pura praki yabamni.

Lawana Nani 89:25

King lâka karnika ba yabamni, Mediterráneo wina Éufrates kat.

Lawana Nani 96:13

Dawan mawanra, witin aula ba! ¡Âu, witin aula tasba wihtka aimakaia bara tasba aiska uplika nani wihta aimakaia kasakka lâka bara kasak tânka ba wal!

Lawana Nani 98:9

Dawan mawanra, witin tasba na wihtka aimakaia aula. Tasba aiska na wihtka aimakbia kasakka lâka bara sibrin luha ba wal.

Impakan Sturka 15:6

Dawan, man mihtam aihkika ba karnika tara sip pali aihwa sa, baha ni wan waihla nani ba kriki yuya baman daukram.

Smasmalkra 11:9

Liliam bri bas wahma bara tiara nani, man kau wahma sma ba ra, tiara sma ba ra; man sip sma ba ra diara pain ba lihki bas. Swis kupiam brinka mita mai bri wabia bara dîa sut kaikma ba wal, kuna kupiam krauki bas baha nani sut ba Gâd mita lâmka daukbia.

Smasmalkra 12:14

Gâd wan daukanka nani sut ba lâka daukbia, pain daukan, apia kaka saura daukan ba, bara dîa yukuwan ra daukan ba sin.

Aiseya 32:1

Kaiks king kum aimakbia kasak lâka ra ai kingka ba tâ bribia wihta tara nani ba sin lâ wapni kat tâ bribia.

Aiseya 45:24

Bara witin nani aisabia: ‘Pura luanka ba Dawan ra baman bâra sa, karnika ba sin.’ Misbara sut ai kaiki nani ba sut witin nani swira takan kabia.

Isikiel 29:21

“Baha piua ra yabaisna, Israel tawanka ba ai karnika kau briaia, bara man, Isikiel, sip kama aisaia param pali. Baku mika ai tânka bri banhbia yang sika Dawan sna ba.”

Matiu 25:34

Bara King ba ai aihkika ra nani ba ra wibia: ‘Bal, man nani, Aisiki mita yamni mai munan nani sma ba; king tasbaya na man nani dukiam wisi Gâd tasba paskan wina ridi dauki ban bri ba, bri banhs.

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Luk 1:69

Witin Sasakra karnakira kum wankan, ai napakanka Debit kiamka ba tila wina.

Luk 19:27

Bamna waihli nani yang ai kingka ai briaia apia win ba, nahara brih bal, maiwan kat sut iki banhs.’ ”

Apastil Nani Sturka 10:38

Man nani kaikisma Gâd Jisas Nasaret wina bara Spirit Holikira karnika yan ba, witinka diara pain man dauki tauki kan, bara baha nani dibil karnika mununhtara pât wahwi kan ba sut rakan. Baku daukaia sip kan, Gâd lika witin wal kan bamna.

Apastil Nani Sturka 4:27

“Kasak, naha tawanka ra sika, Herod bara Pontius Pailat wal bara Ju apia nani ba sin, bara Israel luhpia nani aikuki asla aidruban, man nampakan holikira Jisas ba mapara, witin ba man mita Kraist mangkram ba.

2 Korint 5:10

Kan yawan kumi bani Kraist lâ iwaika mawanra bubia sa, bahara kat upla bani ai mana dîa kabia ba briaia dukiara, mana yamni, apia kaka mana saura, witin ai wîna ra raya kan piua daukan ba tânka kat.

Wihta Nani 5:31

“¡Dawan, man waihlam nani sut ba, yarka baku sauhki tikan kabia, bara baha nani latwan mai kaiki nani ba, yu lapta ai karnika aiska ingwi ba baku ingwi kabia!” Baha ningkara witin nani mani 40 kupia kumi bara lamni lâka ra iwi kan.

1 Samuil 12:13

Bamna man nani makabi bâk saki briram kingka ba, nâra brisma, Dawan nanara maikisa.

1 Samuil 12:17

Nanara plawar mâ krikaia piua sa, lî auhras bara mani piua sa, ¿ban apia? Sakuna nanara yang Dawan ra wimna bara witin bui alwani bara lî sin blîkbia, bamna man nani kaikma bara tânka sin brima, man nani saura pali daukram king kum makabram ba.”

1 Samuil 12:18

Samuil Dawan ra winan ba ra, alwani nani bara lî sin blikan; bamna upla nani baha kaikan sut sibrin takan Dawan ra, Samuil ra sin.

1 Samuil 12:3

bara nanara man nani nâra ai brisma. Upla kum bîpka wainhka, biriku kra sin dakbi briri kaka, upla kum ra kra taibi munri, rausauhkri, kunin muni yukuki briri kaka, nanara man nani daihra sâks Dawan mawanra bara king mawanra sin, bara yang aibapamna.

1 Samuil 15:28

Bara Samuil bui Saúl ra win: —Prâika kalwan na baku natka ra, Dawan sin naiwa Israel kingka lâka wina mai kalki sakisa. Man wina dakbi sakisa bara kuntrikam uplika wala kum ra man wal kau pain ba ra yabuya.

1 Samuil 16:1

Dawan ba Samuil ra win: —¿Ahkia kat man sari ban kaisma Saúl dukiara? Yang brin ai daukras s witin ba Israel kingka ban kabia. Was, aringka brisma ba batana laya ni banhkram, bara brin ai daukisa man Jesé watla ra wama, Betlehem ra, Jesé luhpia nani tila wina kum pat sakri sa king mangkaia.

1 Samuil 7:10

Samuil sakripais ba angki dauki kan ba ra, filisteo nani ba Israel luhpia nani lamara dimi wan iki tikaia; sakuna Dawan bui kasbrika pura wina alwani binka karna witin nani purara blikan, bara sirang tara iwi plapan, bara baku natka ra Israel luhpia nani bui pura luan.