1 Samuil 19:4 - DAWAN BÎLA AISKA

⁴ Janatan bara Saúl wal aisin Debit dukiara. Witin ra win: —King tara, man Debit mapara saura daukaia apia kapram, witin king tara mapara saura kumi sin daukras, yamnika lika ailal pali daukan;

1 Samuil 19:4 ပူးပေါင်းရင်းမြစ်များ

Blasi Sturka 42:22

Bara Ruben pana witin nani ra win: —Baha pat yang bui man nani ra mai wîri, tukta ra man nani baku munpara. Sakuna man nani bui yang bîli walras kapram, bamna nanara yawan lika witin ai tâlia mana aibapaia sa.

Blasi Sturka 9:6

“Ani uplika ai walka tâlia laiki ba, kli upla wala mita sin witin ai tâlia laikan kabia; kan upla ba Gâd lilka ra paskan bamna.

2 Kronikas 6:22

“Ban kra upla kum ai uplika mapara saura daukbia kaka, bara witin nani bal Dawan nina ra swer takbia kaka, man tempelkam ra bal naha altarkam lamamra bubia kaka,

Lawana Nani 35:12

Yamni dauki ba mana, witin nani pana yang ra saura ni aibapisa. Bara yang sairka tara paskisa;

Lawana Nani 59:4

Dawan, yang mampara buras, baku sin saurka lâka daukras kapri; bara sin yang saura daukras, ban sakuna maipara aiklabi ai ikaisa. ¡Rawi bus! Yang ra bal ai kaiks.

Sins Lâka 17:13

Yamni ba mana saura ni yabi uplika ba, saura ba witin ai watla wina takbia apia.

Jirimaya 18:20

¿Dîa saura ba ni yamni mana ba aibapisa baku sa? ¡Witin nani ba yang ai bikaia tasba salhkan! Kupiam krauki bas yang bui man mampara aisi katna ba witin nani dukiara man ra aisari, mamkabi kapri kupiam baiwanka ra witin nani wina baha sâkma.

1 Korint 8:12

Baku bamna, wan muihni nani ai kasak lukan lâka mapa ra swapni banhwi ba kupia dara walra sauhkisma kaka, man nani ba Kraist pali mapara saura daukisma.

1 Jan 3:15

Ai muihni ra latwan kaikras ba lika upla âikra sa, bamna man nani pain kaikisma upla âikra kumi sin ai kupia ra raya ban kaia lâka sip briras.

1 Samuil 2:25

Upla kumi upla wala mapara saura daukbia kaka, Dawan ba sip sa witin tâwan aimakaia; sakuna upla kum Dawan mapara saura dauki ba, ¿ya witin tâwan aisabia?” Sakuna witin nani ai aisa bîla walras kan, Dawan sin pat lukan kata witin nani rayaka ba sakaia.

1 Samuil 20:32

Sakuna Janatan witin ra win: —¿Dîa dukiara witin pruaia sa? ¿Witin dîa daukan sa?

1 Samuil 22:14

Bamna Ahimélec pana king ra win: —King, ¿man wihtkam nani tilara Debit baku wala kum kau kasakkira bâra sa ki, baha purkara witin sin king dapnika, king watla bilara wihta main kaiki ba, yamni pali kulkan lâka sut bri ba?