bara bri si Debit ra yan, witin Hebrón ra bâra kan. Witin nani king ra win: —King tara, Saúl luhpia Is-bóset lal ba nâra brisma, witin king tara wailhka kan, rayakam tikaia pliki kan ba. Dawan bui naiwa king tara ra yan, Saúl dukiara ai kiamka ra pana munaia dukiara.
Bamna Saúl bui Debit ba filisteo nani mihta ra mangkaia lukanka ba wal, witin nani ra naku aisin: —Man nani Debit ra wis upla ai maya kum briaia mana yabi ba natka baku, yang kau brin ai dauki ba witin wina aikaia, filisteo waitnika nani wîna taya 100 kum, baha wal yang waihli nani ra pana munaia.
Baha aisanka ba Saúl saura lukan, bara ai kupia baiki naku aisan: —Debit ra kau kulkanka yabi 10,000 ikan wisa, yang ra lika 1,000 baman. ¡Kau diara wala âpu, king mangkaia baman sa!
Debit lika Naiot Ramá tasbaya wina plapan bara Janatan ra wan, witin ra wiaia: —¿Yang dîa daukri? ¿Yang pâtki ba dîa sa ki? ¿Dîa saurka papikam mapara daukri, bara ai ikaia ai pliki ba?
Sakuna yu yumhpa ba kat lika man âpu sma ba latan kaikbia, bahamna plaps man bisi yukuwatma ba tasbaya ra kli was, bara walpa nani paskan ba ra dimi yukuwaikam dauks.