1 Samuil 18:8 - DAWAN BÎLA AISKA

⁸ Baha aisanka ba Saúl saura lukan, bara ai kupia baiki naku aisan: —Debit ra kau kulkanka yabi 10,000 ikan wisa, yang ra lika 1,000 baman. ¡Kau diara wala âpu, king mangkaia baman sa!

1 Samuil 18:8 ပူးပေါင်းရင်းမြစ်များ

Blasi Sturka 37:11

Bara ai muihni nani lika witin ra tumi kan, sakuna ai aisika lika, baha tânka kaiki aisin ba dukiara uya luki kaiki kan.

Blasi Sturka 37:8

Bara ai muihni nani pana witin ra win: —¿Man baha wal wan wiaia want sma, man ba yang nani kingki aimakaisma, bara man mita yang nani ra lâ aiki kaia lukisma? Bara baha yaprisauhkanka kaikan ba tâwan, bara tânka sin laki win ba sut tâwan, witin nani bui Josep ra kau misbara kaikan.

1 King Nani 2:22

King Salaman ai yaptika ra pana aisi, win: —¿Dîa muni Abisag sunamita mairin ba Adonías maya kabia wisi makabisma? Baha wal man ai wisma king lâka na sin witin ra yamna, kan witin ba muihki almuk bamna. Witin pat brisa prîs Abiatar bara Joab Seruiá luhpia ba sin.

Ester 3:5

Bara Amán kaikan Mardoqueo ba witin ra ai lula krikras, ai lal sin bawras ba witin kaiki ba ra; bara Amán ba kasak pali lawan.

Sins Lâka 13:10

Praut lâka bri ba wina lika unsaban baman sâkbia, kuna sins lâka ba lika, bawan lâka bri uplika nani ba wal sa.

Sins Lâka 27:4

Wan kupia laptika ba krakraka sa, lawan tara ba sin diara sauhki tikisa; sakuna diara tumaia lâka ba sip alki takaskras.

Smasmalkra 4:4

Kaikri wark ailal takaia ba, bara nahki taki ba, bisnis uplika kum wala ra tuman lâka brih aula, bara baha sin bahki sa, pâsa ra alkaia baku.

Kulki Kaikanka 11:1

Yu kum Israel luhpia nani ba Dawan mapara brukwi aisi kan, witin nani pât wahwi ba tâwan. Baha Dawan walan ba ra ai kupia sauhkan, bamna Dawan pauta klauhan ba witin nani purara blikan kauhan, bara watla nani ba angki âpu daukan.

Kulki Kaikanka 22:34

Bara Balaam pana Dawan insalka ra win: —Yang saura daukri, yang tânka briras katna man bahara yabalki praki kapram ba. Bamna yang wamna ba yamni kaikras sma kaka, naha wina kli mahka ninira tawi wama.

Jems 4:5

Diara bâra ba mita Ulbanka ra wisa: “Gâd mita baha Spiritka wan tilara yan iwi ba ra, tâwan lawi latwan pali kaikisa.”

1 Samuil 13:14

Bamna kingkam lâka ba ban kabia apia. Dawan bui witin yamni kaiki ba lâka kat waitna wala pliki sâkbia, bara ai uplika nani wihtka mangkbia, kan man sika Dawan lâka bîla nani maikan ba walras kapram bamna.

1 Samuil 15:28

Bara Samuil bui Saúl ra win: —Prâika kalwan na baku natka ra, Dawan sin naiwa Israel kingka lâka wina mai kalki sakisa. Man wina dakbi sakisa bara kuntrikam uplika wala kum ra man wal kau pain ba ra yabuya.

1 Samuil 16:13

Bara Samuil batana laya batilka ba brin, bara muihni nani kaiki kan, wahma ba batana laiki king mangkan, ai nina Debit mâki kan ba. Baha awarka yua wina, Dawan spiritka karnika ba Debit wal kan. Baha warkka sut luan ba ra, Samuil witin nani lakula dauki si Ramá ra wan.

1 Samuil 18:9

Baha yua wina, Saúl ba Debit ra ai kupia munhtara saura luki kan.

1 Samuil 19:1

Saúl bui ai luhpia Janatan ra bara war wihtka nani ra sin adar yaban Debit ba ikaia. Sakuna Janatan sika Debit ra latwan pali kaiki kan,

1 Samuil 20:31

Witin kau naha tasba ra raya ba ra, man rayakam ba bara kingkam lâka ba sin man dukiam apia sa. ¡Bamna plikaia blîks, bara yang ra bri bal, prura ba witin ai dukia sa bamna!