1 Samuil 18:3 - DAWAN BÎLA AISKA

³ Bamna Janatan bara Debit wal ai muihni ban kaia lâka daukata, kan Janatan Debit ra latwan kaiki kan ai wîna baku.

1 Samuil 18:3 ပူးပေါင်းရင်းမြစ်များ

2 Samuil 21:7

Witin Mefi-bóset, Janatan luhpia, Saúl mulika ba dukiara lika ai kupia swapni takan, aisika Janatan wal kasakka lâka ra swer takan ba mita.

Sins Lâka 18:24

Wan uplika nani tila nani pat pali yawan wal dakwi takisa, sakuna wan uplika kumi bâra sa, wan muihni wal kau karna dutki wan alki ba.

1 Samuil 19:1

Saúl bui ai luhpia Janatan ra bara war wihtka nani ra sin adar yaban Debit ba ikaia. Sakuna Janatan sika Debit ra latwan pali kaiki kan,

1 Samuil 20:41

Alba ba mahka wan ba ra, walpa nani paskan ba nina wina Debit bal takan, Janatan mawanra aima yumhpa tasba ra bawan, ai lal tasba kat kangban. Ningkara pana pana kiawalan bara wal inan, Debit sarka ba ban pura lui kan.

1 Samuil 20:42

Wal ini si, Janatan Debit ra win: —Âmyapah was, Dawan nina ra yawan wal swer takan ba, yawan makaban Dawan wal lilapas ra ban kaia, wan taya nani bara wan kiamka nani lilapas ra sin. Baha ningkara Debit mahka yabal ra wapan, bara Janatan sin kli tawan ra tawi diman.

1 Samuil 22:8

Man nani sut yang maipara buram, man nani wina kumi sin yang ra ai wiras kapram luhpi ba Jesé luhpia wal lâ kum daukan ba; man nani kumi sin yang dukira trabil taki lukras, kumi sin ai wiras luhpi maipara tawan ba, bara hilpiki kan ba bui ai ikaia aihwakisa, nanara dauki ba baku.

1 Samuil 23:18

Bamna witin wâlsut Dawan ai witniska mangki brih, lâ daukan. Ningkara Janatan kli ai watla ra wan, Debit lika Hores ra takaskan.