1 Samuil 18:12 - DAWAN BÎLA AISKA

¹² Saúl lika Debit sibrinka bri kan, kan witin kaikan Dawan Debit ra tâ baikisa, sakuna witin ra lika apia.

1 Samuil 18:12 ပူးပေါင်းရင်းမြစ်များ

2 Samuil 5:10

Debit ba yu bani kau karnakira taki kan, bara Dawan Gâd karnakira ba sin witin wal kan.

2 Kronikas 17:3

Dawan ba Josafat wal kata, kan witin ai damika Debit kau wahma kan daukan ba baku witin sin daukan bamna, Baal lilka sât sât daukan ba warkka daukras kan,

Lawana Nani 51:11

Man mamwan wina ai lulkpara; Spiritkam Holikira ba sin, yang wina sâkpara.

Lawana Nani 53:5

Bahara witin nani ba, sibri tatatwaia dukia lika âpu sa, sakuna witin nani ba, sibrin ba mita mahka; tatatwaia sa, kan Gâd mita witin waihla nani dusa ba yakaban sa bamna. Ai swira taki banhbia, kan Gâd mita witin ra lulki swibia bamna.

Oseas 9:12

Witin nani ban kra luhpa baikbia kaka sin, yang mita luhpia nani ba sut mihta dakbamna. Yang lika witin nani wina tnaya ra tawamna bara naha uplika nani sari pali kabia.

Matiu 25:41

“Bamna king ba mita ai smihka ra nani ba ra wibia: ‘Yang wina taki was, mai lahtuban nani sma ba; ban kaia ra pauta lakni dibil ai insalka nani wal dukia wisi ridi daukan ba ra man nani was.

Mark 6:20

Herod pain kaikan Jan ba waitna kasakkira bara holikira kan, baha mita witin ra sibrin luki kan; bamna Herod mita yan saura munras. Jan smalkanka ba wali, sakuna Herod dîa daukaia sapa tânka briras kan, ban sakuna pain pali wali kata.

Luk 8:37

Naha wal, Gerasa kuntrika uplika nani sut mita Jisas ra makaban, baha wina mahka taki wabia, witin nani sibrin dauki kan ba mita. Baku bamna, Jisas duri tara ra aimaki, baha wina mahka wan.

Apastil Nani Sturka 24:25

Sakuna Pal aisin ai rayaka wapni bri kaia tânka dukiara, wan wîna alki takaskaia lâka bara naika lâ tara yua ra lâ tara ba dukiara sin. Bamna Félix sibrin taki, win: —Nanara man mahka was, sakuna ani piua yang sans bri kamna ba ra, kli mai paiwamna.

Apastil Nani Sturka 7:9

“Bara Jekob luhpia nani wan damika nani kan ba mita ai muihni Josep ra tuman, ban sin witin ba atkan Idsip kat brih waia, kuna Gâd lika Josep wal ban kan.

Wihta Nani 1:19

Dawan sin ban Juda uplika nani ba yula kahbi kan baha mita, sip kan il nani ra iwi uplika nani ba pura luaia. Sakuna tasba langni ra iwi kan nani ba sip kangbi sakras kan, baha nani ba ayan waginka nani bri aiklabi kan ba mita.

Wihta Nani 16:20

ai bîla baikra tara winan: —¡Samson, filisteo nani mai priskaia aula! Samson yapi kan ba wina rawi buan, witin lukan piua wala nani ra swak taki kan ba baku nanara sin kli swak takbia; sakuna witin ai dara walras kan Dawan bui witin ra pat lulki swin ba.

1 Samuil 16:18

Bara albika nani tila ba wina kum bui naku win: —Betlehem ra, Jesé luhpia waitna nani ba tilara kum bâra sa, yang kaikisna baha lika arp kakangbra pali sa. Baha purkara, war aiklaklabra kum kupia karna sa, sturi sin sinskira aisisa, mawan pain, witin sin Dawan hilpka brisa.

1 Samuil 16:4

Dîa daukaia Dawan bui win ba Samuil baha daukan. Bara witin Betlehem ra wan ba ra, tawan almukka nani ba ai lakula wiaia bal takan, sakuna witin nani sibri kan, bara witin ra makabi walan: —¿Man kupia kumi lâka brih aulma ki?

1 Samuil 18:15

Baha mita Saúl ba Debit ra sibri kan, witin diara dauki ba sut yamni baman taki ba mita.

1 Samuil 18:20

Sakuna Saúl luhpia mairin wala Mical, Debit ra latwan kaiki kan. Upla wala nani bui baha Saúl ra win ba ra, witin aitani pali lukan,

1 Samuil 18:29

nanara witin kau sibrin takan, bara Saúl ai yua sut ra Debit ba ai waihla kaikan.

1 Samuil 20:13

sakuna papiki saura mai munaia lukisa kaka, Dawan bui yang ra klala karna aikbia maisam paki hilp mai munrika âmyapah plapi swak takras sma kaka. ¡Bara sin Dawan hilp mai munbia, papiki ra hilp munan ba baku!

1 Samuil 22:13

Saúl witin ra makabi walan: —¿Dîa muni man Jesé luhpia wal maipara buisma? Man bui witin ra brit yaram, sord sin kum, bara Dawan wal sin aisi Debit dukiara tânka plikram, witin bui yang maipara buaia bara ai kutbi kir ikaia plikisa nanara.

1 Samuil 28:15

Samuil witin ra win: —¿Dîa kan man ai warbisma, ai munram nâra aulna? Saúl pana win: —Yang kupi wirha pali sna, filisteo nani yang ai sauhkaia tikaia aula ba ra Dawan ai lulki ai swin. Prapit nani bîla bâk, yaprisauhkan bâk sin yang ra aisaras. Baha mita yang bui man ra winri, yang dîa daukaia sna ba man bui ai wiaia.

1 Samuil 3:19

Samuil pâwan, Dawan lika witin wal kan, tâ baikan ai pramiska nani sut ba daukaia.