1 Samuil 17:4 - DAWAN BÎLA AISKA

⁴ Tisku kan war aiklaklabra kum filisteo nani ba tila wina aihni bal takan, ai pâwanka ba 9 pît pura baku bri kan, nina ba Goliat, ai tawanka ba lika Gat wina kan.

1 Samuil 17:4 ပူးပေါင်းရင်းမြစ်များ

1 Kronikas 11:23

Baku sin Idsip waitnika yari tara kum ra ikan, waitnika ba kulkan yar matsip bri kan, bara witinka ba langsa kum brih aula kan ba tatwa pali bara Benaías ba mapara wih aiklaban dus pîs raun kum wal; bara baha dusa ni waitnika tara ba mihta wina langsika ba dakbi, baha sim langsika ni sabi ikan.

Emus 2:9

Âu, man nani ra yamni mai munaia tâwan, yang bui amorreo nani ba sut mamwan wina âpu daukri, kiamka kumi sin swiras, sut pali âpu daukatna, witin nani yalam dusa baku tara pali pâwan kan, karnika tara sin bri kan usupum dusa karnika ba baku, ban sakuna sut âpu pali daukri.

Kli Smalkanka 3:11

(King Og baman sika, refaíta nani tila wina takaskan ba; krikrika ba ayan ni paskan, 6 pît bîla yahpika, yarika 14 pît, witin nani kulkanka praiska yawan baha kaikaia Amón tawanka, Rabá ra.)

Jasua 11:22

bara baku Anac upla tara kiamka kumi sin raya swiras, Israel tasba piarkika ra iwi kan nani ba. Anac kiamka tara Gaza ra, Gat bara Asdod ra iwi kan nani baman takaskan.

1 Samuil 17:23

Witin kau ai muihni nani wal aisi kan ba ra, baha filisteo aiklaklabra ba nina Goliat, Gat tawanka wina ba, filisteo nani tila ba wina bal takan, bara witin dauki kan ba baku kli Israel luhpia nani ra wini bit munan, bara Debit baha walan Goliat aisi kan ba.

1 Samuil 17:3

Filisteo nani il kum purara ai watlika dauki brin, Israel luhpia nani sin, il wala ra wal ai mawan kat buan bara lilapas ba il bîla kata.

1 Samuil 17:5

Bras ni daukan sumurka bapi kan, prâka ba sin bras ni daukan prâka dimi kan, prâka ba 125 paun bri kan.

1 Samuil 27:4

Saúl walan Debit Gat ra plapan ba, bara nina bliki taukaia ba mahka swin.