1 Samuil 16:18 - DAWAN BÎLA AISKA

¹⁸ Bara albika nani tila ba wina kum bui naku win: —Betlehem ra, Jesé luhpia waitna nani ba tilara kum bâra sa, yang kaikisna baha lika arp kakangbra pali sa. Baha purkara, war aiklaklabra kum kupia karna sa, sturi sin sinskira aisisa, mawan pain, witin sin Dawan hilpka brisa.

1 Samuil 16:18 ပူးပေါင်းရင်းမြစ်များ

Blasi Sturka 39:2

Sakuna Dawan Josep wal ban kan bamna, ai mapara diara sut yamni baman taki kan, witin ai dawanka Idsip waitnika ba watla ra iwi kan ba yua nani ra.

Blasi Sturka 39:23

Bara Josep dîa lâ daukan ba kiaptin ba mita kli laki kaikras kata, kan Dawan Josep wal kan bamna, witin diara nani sut dauki ba yamni baman taki kan.

2 Samuil 14:20

Sakuna witin naha daukan ba, diara nani taki ba tânka ba wiria natka wala ra lakaia dukiara. Ban sakuna, king tara ba sinskira pali sa, Dawan insalka kum baku sa, naha kuntrika diara nani taki ba tânka ba sut brisa.

2 Samuil 17:10

bara uplikam nani kau tahplu ba, layan wal sin kau praut ba sut kupia klip dasbia; kan Israel aiska kaikisa papikam ai uplika nani ba aikuki, tahplu kupia karnikira sa.

2 Samuil 17:8

Man kasak kaikisma papikam ba bara ai uplika nani ba tahplu atia sa, baha nani sibrin âpu. Nanara kasak lawi pali kaia sa, wingku wail ai lupia paki kan mihta dakban ba baku. Baha purkara, aisikam sika war aiklaklabra, witin ai natka baku, tihmia ra lika ai uplika wala nani tilara takaski kabia apia.

Sins Lâka 12:8

Waitna ba ra mayunan kabia, witin sins lâka bri tânka praiska kat, kuna upla sinskas ba bahki kulki kabia.

Matiu 1:23

“Tiara aihwa ba kwihra tiwbia, bamna ai luhpia waitna kum sâkbia, ai nina ba Imaniuel mâkbia” (baha tânka lika: “Gâd yawan wal sa”).

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

1 Samuil 10:7

Baha diara nani baku man ra takbia ba ra, dîa daukaia lukma ba dauks, Gâd hilp mai munbia bamna.

1 Samuil 16:12

Jesé ai luhpia ba mata blikan, bara tukta ba brih balan. Tukta pranakira kan taya ba tangni mapla baku, siknis sin âpu, mawan sin pain. Bara Dawan bila Samuil ra win: —Naha sika. Nanara bus, bara yamni muni king mangks.

1 Samuil 16:17

Saúl pana win: —Aitani, man nani arp kakangbra pain kum pliki yang ra bri bal.

1 Samuil 16:19

Bara Saúl upla nani saki, Jesé ra ai bîla blikan, witin ra wiaia: “Luhpiam Debit ba yang ra blîks, witinka sîp main kakaira ba.”

1 Samuil 17:12

Waitna kum bâra kan Betlehem wina, nina Jesé, Saúl piua ra witin pat almuk kan. Naha waitna ai luhpia 8 bri kan, witin nani kumika ba Debit.

1 Samuil 3:19

Samuil pâwan, Dawan lika witin wal kan, tâ baikan ai pramiska nani sut ba daukaia.