1 Samuil 16:12 - DAWAN BÎLA AISKA

¹² Jesé ai luhpia ba mata blikan, bara tukta ba brih balan. Tukta pranakira kan taya ba tangni mapla baku, siknis sin âpu, mawan sin pain. Bara Dawan bila Samuil ra win: —Naha sika. Nanara bus, bara yamni muni king mangks.

1 Samuil 16:12 ပူးပေါင်းရင်းမြစ်များ

Blasi Sturka 39:6

Josep ba witin ai dukia nani sut ba pain main kaiki kan. Nanara Potifar lal klahwanka âpu, ai pata piaia ba baman bîla kaiki kan. Josep sin waitna mawan pain kan, bara ai daukanka sin.

2 Samuil 23:1

Naha bîla nani ba sika Debit pruaia ra aisin ba: “Debit, Jesé luhpia waitna ba, Gâd bui purara bukan waitnika, Jekob Gâdka bui bâk sakan kingka ba, Israel lawana bîla damni aiwawanra, witin param aisin:

2 Samuil 7:8

Baku ba mita wis, yang albiki Debit ra, yang Dawan karnika sut brisna ba, witin ra wisni: ‘Yang klar wina mai sakri, sîp daknika ninara wapi tauki kaia ba, baku sin yang upliki Israel luhpia nani wihtka aimakaia.

1 King Nani 1:34

Bahara prîs Sadoc bara prapit Natán bui batana yûkbia, Israel aiska kingka mangkbia, bara trumpit ba puhbi wibia: ‘¡King Salaman ba raya kabia!’

Lawana Nani 2:2

Tasba kingka nani bara wihta nani sut ba, Dawan mapara witin nani buisa, baku sin ai kingka bâk sakan ba mapara.

Lawana Nani 2:6

“Saion, yang ilki bâk sakri ba ra, yang kingki ba pat mangkri sa.”

Lawana Nani 78:70

Ai napakan Debit ba bâk saki brin, witin ba sîp nani sepadka kan.

Impakan Sturka 2:2

Bara mairin ba kwihra tiwan, ai luhpia waitna kum baikan, witin kaikan bibi ba painkira kan, bamna kati yumhpa yukuki brin ai watla ra.

Yamni Kulki Lawana 5:10

Waitniki laitwankira ba, taya sai, tâwa pauni sa, waitna tausin nani tilara, witin ba sip tiwras sa.

Inanka Nani 4:7

Ai wihtka tara nani lika kanra sunu kan, pura wina lî auhi ba wal, baku sin kanra pihni kan tiala laya ba wal; ai wîna tara ba kanra pauni kan silbiara taya paunka ba wal, ai prana ba kanra ingni kan, walpa pranakira ba wal.

Sakaraya 4:14

Bara witin kli ai win: “Baha nani wâl ba sika, bâk saki ridi daukan sa, Dawan warkka daukaia tasba aiska ra.”

Apastil Nani Sturka 4:27

“Kasak, naha tawanka ra sika, Herod bara Pontius Pailat wal bara Ju apia nani ba sin, bara Israel luhpia nani aikuki asla aidruban, man nampakan holikira Jisas ba mapara, witin ba man mita Kraist mangkram ba.

Apastil Nani Sturka 7:20

Baha sim piua ra sika Moses aisubi takan. Naha tuktika Gâd mita yamni kaikan kan, bara ai aisika nani ai watla ra kati yumhpa yukuki paki kan.

Hibru Nani 11:23

Kasak lukan lâka mita, Moses ba aisubi takan ba ra, aisika nani mita kati yumhpa yukuki bri kan. Witin nani kaikan baha ba tukta painkira lupia kan, bara king adarka ba bîla lulkaia sibrin lukras kata.

1 Samuil 16:18

Bara albika nani tila ba wina kum bui naku win: —Betlehem ra, Jesé luhpia waitna nani ba tilara kum bâra sa, yang kaikisna baha lika arp kakangbra pali sa. Baha purkara, war aiklaklabra kum kupia karna sa, sturi sin sinskira aisisa, mawan pain, witin sin Dawan hilpka brisa.

1 Samuil 17:42

Filisteo ba Debit ra pain kaikan, witin kau wahma pali, taya ba swapni, pranakira tangni prana baku, mawan painkira, witin ai sîa âpu pali,

1 Samuil 17:55

Kainara Saúl ba makabi walan kan war wihtka tara Abner ra, witin kaikan Debit ba taki auya kan filisteo ba wal prawaia: —Abner, ¿baha wahma lupia ba aisika ba ya?

1 Samuil 9:17

Samuil bui Saúl ba kang kaikan ba ra, Dawan mita witin ra win: “Baha sika waitnika ba, witin ai dukiara sika yang nani wîri ba. Witin sika yang upliki nani wihtka aimaki kabia.”