1 Samuil 15:9 - DAWAN BÎLA AISKA

⁹ Ban sakuna, Saúl bara ai aiklaklabrika nani bui Agag ba ikras kan, daiwan kau pain, sîp wainhka nani, sîp mairin, bîp wainhka nani, bîp luhpia batanira nani kan ba, diara kau pain mana tara dukia nani kan ba sin sut sauhki tikras kan. Witin nani iki sauhki tikan ba lika diara bahki nani, diara sipar nani ba baman sauhki tikan.

1 Samuil 15:9 ပူးပေါင်းရင်းမြစ်များ

2 Samuil 6:13

Bara Dawan lâka auhbaia watla ba twilki ai mina taibanka matlalkahbi wapan ba ra, Debit bîp wainhka kum bara sîp batanira kum sin sakripais daukan.

1 King Nani 20:34

Bara Ben-hadad mita win: —Papiki mita tasbayam dakbi brin ba, yang bui kli maikamni; bara man kli Damaskus ra bisnis daukaia sip sma, yang papiki Sameria ra bri kata ba baku. —Yang wina lika, yang pramis takisna mai swiaia man mahka waia —Ahab baku win. Baku natka ra, Ahab Benadad wal lâ kum daukan witin ba swika waia.

Matiu 26:9

Naha na sip kan mana tara wauhi atki, upla umpira nani ra hilp munaia.

Jasua 6:18

Man nani aman kaiks, tawan bilara diara nani ba wina diara kumi sin bripara, mihtam sin kangpara, kan diara sut bâra ba dukiara pat adar win sa baha sut sauhki tikaia, baku daukras kama kaka, Israel kiampka Dawan mita lahtuban kabia bara sari lâka tara twilkbia.

Jasua 7:21

Jeriko ra diara nani yang nani dakbi briri ba tilara, kaikri Babilon ra daukan kwala tara maman painkira kum bâra kan silbar mâ 200, wala gul ni dus kum daukan paun kum pura bri kan. Baha dukia nani ba sika yang pain pali kaikri bara briri; dukia nani ba, tintki watla bilara tasba salhki, lalahka ba munhtara mangki bara diara wala nani ba baha purara biki swiri sa.

1 Samuil 15:10

Ningkara Dawan bui Samuil ra aisi, win:

1 Samuil 15:15

Saúl pana aisin: —Baha nani ba Amalec wina bri balan, kan uplika nani bui sîp nani bara bîp wainhka nani kau pain ba wal takaskan Dawan Gâdkam ra sakripais dauki yaia dukiara. Sakuna tâka kan ba lika yang nani sut sauhki tikri.

1 Samuil 15:19

¿Dîa muni man ra mai win ba kat daukras kapram, Dawan bîla ba lulkram, bara waihlam nani dukia ba alki briram bara Dawan nakra ra saura daukram?

1 Samuil 15:3

Bahamna nanara, was bara witin nani ba sut âpu dauks, waitna nani ba, mairin nani ba, tuktan nani bara swap lupia nani ba sin, bîp wainhka nani, sîp nani sut sin, kiamilka bara biriku nani sut iki âpu dauks.’

1 Samuil 28:18

Man lika Dawan adarka bîla nani wali daukras, Amalec uplika nani iki âpu daukaia mai win ba sin daukras kapram. Baha mita nanara Dawan ba man wal naku daukan.