1 Samuil 15:22 - DAWAN BÎLA AISKA

²² Bara Samuil bila win: “Dawan kau kanra yamni kaiki ba sika, witin ai bîla wali daukaia ba, daiwan wîna aiska angki sakripais nani dauki yaia ba lika apia; kanra yamni, witin ai bîla wali daukaia bara witin ra aman walaia, sîp wîna batanka nani bara sakripaiska nani dauki, prisantka nani yaia ba wal.

1 Samuil 15:22 ပူးပေါင်းရင်းမြစ်များ

Blasi Sturka 4:4

bara Abel sin baku ai prisantka bri balan, sîp nani tawahkia ba wina kau batana nani ba. Bara Dawan bui Abel prisantka ba kanra yamni kaikan,

Impakan Sturka 19:5

Bahamna man nani diara sut ra yang lâika bîla nani kat wali daukaia mai wîri ba daukma kaka, man nani ba upla wala nani sut tila wina aihka mai saki, yang upliki nani pali mai brimni, tasba aiska ba yang duki sa bamna.

Sins Lâka 21:3

Kasakka lâka bara wapni lâka ba dauks, kan Dawan mita baha ba kanra yamni kaikisa daiwan nani iki angki dauki ba wal.

Smasmalkra 5:1

Gâd watla ra auma ba ra, man daukankam ba main kaiks; taniskira nani baku sakripais daukpara, witin nani sinskas lâka ra ai tânka briras sa saura dauki ba, lamara bal bîla wali dauks.

Jirimaya 11:4

Naha lâka ba sika yang damikam nani wal daukri, witin nani Idsip wina sakri ba piua ra, Idsip kuntrika ba lapta pali kan ayan angki slilki kubuska baku. Yang bui witin nani ra wîri: Man nani lika yang bîli wali daukma bara upliki nani kama, yang sin man nani Gâdkam kamna.

Jirimaya 11:7

Man nani damikam nani yang bui Idsip wina sakri ba ra, witin nani ra kupia krauki wîri yang ra baman bîli wali kabia, baha piua wina yang kupia krauki ban sna naha piua kat.

Jirimaya 26:13

Man nani daukankam ba yamni dauks, man nani Dawan Gâdkam bîla wali dauks, bara witin ban man nani pât tara mai blîkbia apia, yang aisari baku.

Oseas 6:6

Yang bui man nani wina brin ai dauki ba sika, man nani latwan ai kaikma, sakripais nani dauki aikisma ba lika apia; Gâdkam baku ai kakaira taks, bara man nani daiwan aiska angki aikisma ba lika apia.

Oseas 8:13

Witin nani sika sakripais nani ba lihkisa, bara sakripais daukisa, bara wîna nani sakripais dauki ba wina pîsa; sakuna yang, Dawan, witin nani wal âiyapah apia sna: watawika lâka nani daukan ba luki ban kamna. Witin nani ba klala yabamna bara kli Idsip ra tawi waia daukamni.

Matiu 12:7

Man nani Ulbanka ra naha tânka na kau pain briras: ‘Yang want sna ba lika umpira kaikan lâka brima, daiwan nani sakripais daukaia lika apia.’ Man nani baha tânka bri katma kaka, upla nani pât kumi sin daukras ba pâtkira daukaia apia kapram.

Matiu 23:23

“¡Lâ Smasmalkra nani bara parisi nani, kuninkira nani, man nani mampara saura pali kabia!, diara matawalsip bani wina kumi Gâd ra yabaia ba, man nani baha mint wahia, anis bara kumin wina yabisma, sakuna lâ smalkanka tara nani ba lika bîla walras, baha nani sika umpira kaikaia lâka ba, kasak wapni kaia lâka ba. Baha sika man nani daukaia sma ba, bara wala ba sin swiras ban dauki kaia sma.

Matiu 5:24

altar ba mawan kat prisantkam ba swi si, muihkam wal wih kupiam kumi taks. Baha kat lika sip sma kli altar ra bal prisantkam ba Dawan ra yabaia.

Matiu 9:13

Man nani was, bara Ulbanka ra naha tânka na lan taks: ‘Yang want sna man nani uplikam ra umpira kaikma, daiwan nani sakripais daukanka ba lika apia.’ Kan yang lika upla kasakkira nani ba paiwaia balras, sakuna saura dadaukra nani lika.

Mark 12:33

Bara Gâd ra kupia aiska, lukanka aiska, sulka aiska, karnika aiska ni latwan kaikaia ba, wan uplika ra wan wîna baku latwan kaikaia ba sin, sakripais nani, daiwan nani altar ra angki ba sut wal kau purkara sa.

1 Samuil 13:12

Yang lukri, filisteo nani Guilgal ra aula maipara ai aiklabaia, yang sin Dawan ra kau puri suni hilpka makabras kapri ba ra; baha mita taibi ai munan sakripais ba daukri.

1 Samuil 13:13

Samuil pana win: —¡Man daukram ba lika tanis lâka kum sa! Man Dawan mai win ba bîla kat wali daukram kata kaka, kingkam lâka ba ban kaia ra bûi kaia kan.